Fréttablaðið - 04.11.2010, Qupperneq 60

40 4. nóvember 2010 FIMMTUDAGUR
bio@frettabladid.is
> VONDA DROTTNINGIN FUNDIN
Charlize Theron kemur sterklega
til greina í hlutverk vondu drottn-
ingarinnar í nýrri kvikmynd um
Mjallhvíti. Þetta kemur fram á
Empire-vefnum. Tom Hardy
mun að öllum líkindum leika
veiðimanninn hjartagóða.
Einhvern tímann hefði þótt
nóg að setja nafn Roberts
De Niro á kvikmyndaplak-
atið og þá væri góð mynd
nánast gulltryggð. En nú er
öldin önnur og De Niro er
ekki lengur það vörumerki
sem hann áður var.
De Niro leikur skilorðsfulltrúann
Jack, sem er um það bil að fara á
eftirlaun, í kvikmyndinni Stone
sem verður frumsýnd um helgina.
Hann ákveður að taka að sér eitt
verkefni í viðbót, að vega og meta
hvort brennuvargurinn Stone sé
hæfur til að vera hleypt út í sam-
félagið á ný. Stone ákveður að fara
alla leið, fær unnustu sína Lucettu
til að draga skilorðsfulltrúann á
tálar, en sú virðist ekki öll þar sem
hún er séð. Edward Norton og Milla
Jovovich leika glæpaparið Stone og
Lucettu en leikstjóri er John Curan
sem síðast gerði The Painted Veil.
Fimmtán ár eru liðin frá því að
De Niro lék í sómasamlegri kvik-
mynd. Þær voru reyndar tvær: Cas-
ino eftir Martin Scorsese og Heat í
leikstjórn Michaels Mann. Sú fyrr-
nefnda markaði jafnframt enda-
lok samstarfs þeirra De Niros og
Scorseses en ferill leikarans hefur
eiginlega legið lóðrétt niður frá því
að þeir slitu sambandinu. Meira að
segja smástirnið Shia Labeouf, sem
hefur helst unnið sér það til frægð-
ar að leika í Transformers-mynd-
unum tveim, sá ástæðu til þess
að skjóta á De Niro í blaðaviðtali,
sagðist ekki ætla að daga uppi, sæll
og glaður, þegar hann væri kominn
á sín efri ár líkt og De Niro hefði
gert.
De Niro tók skelfilegar ákvarð-
anir eftir Casino og Heat. Stundum
var hann líka einfaldlega óhepp-
inn. The Fan með Wesley Snipes
var skelfileg, Sleepers náði ekki
þeim hæðum sem vonast hafði
verið til þrátt fyrir stjörnuher
og Cop Land með Sylvester Stall-
one og öðrum harðjöxlum stóðst
engan veginn þær væntingar sem
til hennar voru gerðar. Wag the
Dog sameinaði Dustin Hoffman og
De Niro í ágætis afþreyingu og De
Niro sýndi hvers hann var megn-
ugur sem „stónd“ smáglæpamaður
í Jackie Brown. En svo verður list-
inn yfir vondar myndir lengri en
góðu hófi gegnir. Men of Honour,
15 minutes, Godsend og Showtime.
Meira að segja Righteous Kill, þar
sem De Niro lék á móti Al Pacino,
var ekki vel tekið.
Þótt ótrúlegt megi virðast hefur
gamanleikur haldið ferli De Niros
á floti, Fockers-myndirnar og Ana-
lyze-dúettinn með Billy Crystal.
Aðdáendur hans gera hins vegar
þá kröfu að leikarinn sýni þeim þá
virðingu að leika í „almennilegri“
mynd öðru hverju og það hefur
verið erfitt fyrir þá að horfa upp á
stórleikarann fjara út, rétt eins og
Marlon Brando gerði undir það síð-
asta. Og kannski verða það örlög De
Niros, að leika í gamanmyndum þar
sem hann gerir „góðlátlegt“ grín að
hörkulegri ímynd sinni og sæmileg-
um hasarmyndum. En þar fer góður
biti í hundskjaft
. freyrgigja@frettabladid.is
Illa farið með frábæran feril
Á NIÐURLEIÐ Ferill Roberts De Niro hefur legið niður eftir að samstarfi hans og Mart-
ins Scorsese lauk. Gamanmyndir hafa eiginlega haldið honum á floti, en því hefði
varla nokkur maður spáð. NORDIC PHOTOS/GETTY
Leonardo DiCaprio hefur loksins fest kaup á
kvikmyndarétti bókarinnar The Devil in the
White City eftir Erik Larson. Þetta kemur
fram á vef Empire-tímaritsins. DiCaprio
hefur lengi haft augastað á bókinni eða frá
2002 en Tom Cruise átti kvikmyndaréttinn
þar til nú. Bókin segir fá raðmorðingjan-
um Dr. HH Holmes sem gekk laus á meðan
heimssýningin í Chicago stóð 1893. Holmes
hefur verið lýst sem amerískri útgáfu af
Kobba kviðristu en hann þótti bæði sérvitur
og fremur ógeðfelldur.
DiCaprio ætlaði raunar að vera á undan
Cruise með þessa sögu því hann hefur
undanfarin ár sankað að sér alls kyns
málsskjölum um rannsóknina á málinu.
Cruise var þá byrjaður að undirbúa gerð
hennar með Óskarsverðlaunaleikstjóran-
um Kathryn Bigelow og handritshöfundin-
um Christopher Kyle. En nú er DiCaprio
semsagt kominn með réttinn og er
byrjaður að leita að handritshöfundi
ásamt framleiðendunum, Jenni-
fer Killoran, Michael Shamberg
og Stacey Sher. „Þetta er einstök
saga um fyrsta raðmorðingjann í
sögu Bandaríkjanna. Við hlökk-
um mikið til að koma þeirri sögu
á hvíta tjaldið,“ segir Killoran.
- fgg
ÁHUGASAMUR Leonardo DiCaprio
hyggst leika fyrsta raðmorðingjann í
sögu Bandaríkjanna, Dr. HH Holmes.
Ein af jólamyndum næsta árs heitir Mission: Impossible: Ghost
Protocol. Þetta var tilkynnt á blaðamannafundi sem aðalleikari
myndarinnar, Tom Cruise, hélt í Dubai ásamt Paulu Patton og Jer-
emy Renner og framleiðendunum Jeremy Chernov og Bryan Burk.
Kvikmyndin verður að mestu leyti tekin upp í Dubai en ekkert
hefur verið gefið upp um hvað myndin fjallar um, nema að fjöldi
evrópskra glæpamanna mun koma við sögu.
Cruise ákvað að halda blaðamannafund í tilefni af nafngiftinni
því honum er það ákaflega mikilvægt að myndirnar í Mission:
Impossible-flokknum séu ekki alvöru framhaldsmyndir. „Ég hef
aldrei viljað hafa númer fyrir aftan nafn myndanna. Ég hef aldrei
gert framhaldsmyndir og ég vil ekki að fólk hugsi um þessar mynd-
ir sem framhaldsmyndir. Það kom því aldrei til greina að kalla þær
MI2, MI3 eða MI4 af því mér fannst alltaf að myndirnar þyrftu að
hafa sinn eigin titil,“ sagði Cruise á blaðamannafundinum.
Bryan Burk, einn af framleiðendum myndarinnar, var jafnframt
spurður að því af hverju Dubai hefði orðið fyrir val-
inu. „Ég og JJ Abrams, framleiðandi myndarinnar,
vorum á ferðalagi um heiminn að leita að tökustöð-
um. Og við stoppuðum í Dubai eina kvöldstund.
JJ sagði við mig að við yrðum að gera kvikmynd
hérna. Svo kom Cruise og kynnti sína
hugmynd fyrir okkur og þannig
fóru hjólin að snúast.“ - fgg
MI4 fær nafn
JÓLAMYND NÆSTA ÁRS Mission:
Impossible: Ghost Protocol verð-
ur ein af jólamyndum næsta
árs en þetta er fjórða
myndin um njósnar-
ann Ethan Hunt sem
Tom Cruise leikur.
Jeremy Renner, Ving
Rhames og Michael
Nyqvist eru einnig í
leikhópnum.
Það er langt síðan helgin í kvikmyndahúsum
borgarinnar var jafn safarík og nú. Og algjör
óþarfi að eyða orðum í formála. Fyrsta ber
að nefna opnunarmynd nýja kvikmyndahúss-
ins í Grafarvogi en það er Due Date með þeim
Robert Downey og Zach Galifianakis, nýjustu
stjörnunni í amerískum gamanleik. Myndin
segir frá Peter Highman, sem neyðist til að fá
far með leikaranum Ethan Tremblay svo hann
nái fæðingu barnsins síns. Allt fer hins vegar
úrskeiðis á ferðalagi þeirra, með kostulegum
afleiðingum.
Hasarmyndin RED er skipuð einvalaliði
leikara en meðal þeirra eru John Malkovich,
Helen Mirren, Morgan Freeman og Bruce
Willis. Myndin segir frá hópi gamalla CIA-
fulltrúa sem þurfa að snúa bökum saman
þegar gamli vinnuveitandinn þeirra vill
ganga af þeim dauðum. Þriðja myndin sem
vert er að benda á er síðan You Will Meet
a Tall Dark Stranger eftir Woody Allen.
Þar fer að venju hópur stórleikara með
helstu hlutverkin en meðal þeirra eru
Josh Brolin, Anthony Hopkins, Freida
Pinto og Naomi Watts. Að venju fjallar
Woody um ástina og allar mögulegar
og ómögulegar hliðar hennar. - fgg
Safarík helgi í kvikmyndahúsum
GAMAN FRAM UNDAN RED, stórstjörnukvik-
mynd með Helen Mirren fremsta í flokki,
ný Woody Allen mynd og gamanmyndin
Due Date með þeim Robert Downey og
Zach Galifianakis verða frumsýndar um
helgina.
DiCaprio leikur raðmorðingja
Mean Streets
(1973): Ekki besta
mynd De Niro en
flestum var ljóst
að þarna var stór-
stjarna í fæðingu.
Godfather: Part II (1974): Ein-
faldlega stórkostlegur sem ungur
Vito Corleone.
The Deer Hunter (1978): Mögnuð
kvikmynd með einstökum leikhóp
um hörmungar Víetnam-stríðsins.
Raging Bull (1980): De Niro setti
ný viðmið í leiklistinni, bætti á sig
um 30 kílóum fyrir hlutverkið.
The Untouchables: De Niro fór á
kostum sem Al Capone.
GÓÐUR DE NIRO
SKAPANDI SKRIF
me orvaldi orsteinssyni (Skilabo askjó an, Blí finnsbækurnar,
Vasaleikhúsi , Vi fótskör meistarans, And Björk of Course…)
Aukanámskei i
18. - 28. október
seldist strax upp!
Umsagnir átttakenda;
“Frábært nesti til lífstí ar.”
“Meiriháttar upplifun, - opnar óendanlega möguleika.”
“Fær mann til a hugsa upp á n tt.”
“Hvort sem ú ert a feta ín fyrstu skref e a hefur reynslu
af skrifum, á er etta námskei sem n tist ér.”
Nánari uppl singar hjá gg@ropeyoga.com og í síma 8223699
SKRÁ U IG NÚNA á kennsla.is
“Ófyrirgefanlega gaman og nærandi fyrir sálina!”
Auka-aukanámskei ;
8. nóvember
Örfá sæti laus!