Fréttablaðið - 10.11.2010, Blaðsíða 6

6 10. nóvember 2010 MIÐVIKUDAGUR
Laugarfell
Hverasvæðið á Geysi Séreignarsvæði ríkisins MYND/LOFTMYNDIR EHF
Geysir
Strokkur
Konungshver
Hótel Geysir
UMHVERFISMÁL Áætlun um að friða
þann hluta Geysissvæðisins sem er
í eigu ríkisins hefur verið gerð hjá
Umhverfisstofnun. Bláskógabyggð
leggst gegn friðun á svæðinu þar til
samkomulag næst milli allra sem
eiga þar land.
„Þarna eru mjög margir eigendur
og mismunandi hagsmunir í gangi,“
segir Drífa Kristjánsdóttir, oddviti
Bláskógabyggðar.
Sá hluti Geysisvæðisins sem ríkið
á ekki eitt og sér er í óskiptri sam-
eign fjölmargra einstaklinga auk
ríkisins. Um langt árabil hefur ríkið
viljað kaupa þessa meðeigendur út.
Snemma árs 2008 voru samning-
ar komnir á lokastig. Meðal ann-
ars lá fyrir samkomulag við Orku-
veitu Reykjavíkur um að veita heitu
vatni til íbúanna frá Efri-Reykjum
enda vill ríkið stöðva notkun á heitu
vatni af Geysissvæðinu.
„Hrunið gerði það að verkum að
það bökkuðu allir út úr því. Það er
ákveðin þreyta í sumum með það að
það verði aldrei neinar niðurstöð-
ur,“ segir Drífa.
Stefnt er að því að friðlýsa allt
Geysissvæðið sem er tæpir tut-
tugu hektarar en nú er ætlunin að
friðlýsa aðeins þá ríflega tvo hekt-
ara sem ríkið á eitt. Sá skiki nær
utan um hverina Geysi, Strokk og
Blesa. Markmiðið er meðal ann-
ars að stuðla að varðveislu hvera,
örvera og sérstæðs gróðurs.
Byggðaráð Bláskógabyggðar
telur að bíða eigi með friðunina.
„Ég sá bara ekki tilganginn í því
að búa til leiðindi og ögra. Á meðan
við erum að tala saman er óþarfi að
taka pínulítið frímerki út úr svæð-
inu og friðlýsa það. Menn geta gert
það þegar þeir vilja en eignarhaldið
þarf að lagfæra,“ segir Drífa odd-
viti.
„Þetta svæði er hálf móðurlaust
og staðreyndin er sú að það er ekki
friðlýst. Vegna þess hversu langan
tíma tekið hefur að friða svæðið í
heild lögðum við þessa friðlýsingu
á skika ríkins til við umhverfis-
ráðuneytið, segir Kristín Linda
Árnadóttir, forstjóri Umhverf-
isstofnunar, sem kveðst skilja
afstöðu Bláskógabyggðar og að
ekki verði gengið gegn vilja sveit-
arfélagsins:
„En jafnframt viljum við taka
málið upp aftur ef það lítur ekki
út fyrir að þetta muni nást fram
innan skynsamlegra tímamarka.
Það má ekki gleyma því að ríkið
á þarna ákveðna spildu og okkur
finnst eðlilegt að sá hluti sé þá að
minnsta kosti friðlýstur þannig
að Umhverfisstofnun hafi skýra
aðkomu og skyldur á svæðinu.“
Þórður Ólafsson, formaður
nefndar um Geysi, segist bjart-
sýnn á að þráðurinn um uppkaup
landsins og jarðhitaréttindanna
verði tekinn upp að nýju.
gar@frettabladid.is
Lagst gegn friðlýsingu
hluta Geysissvæðisins
Bláskógabyggð vill fresta friðlýsingu skika í eigu ríkisins við Geysi. Reynt sé að
semja við aðra landeigendur um kaup alls svæðisins. Friðun þess litla hluta sem
ríkið eigi geti haft neikvæð áhrif á þá vinnu. Geysir hefur aldrei verið friðaður.
GEYSIR Hverasvæðið á Geysi er tæpir tuttugu hektarar. Um tveir hektarar er skiki sem
alfarið er eign ríksins. Hinn hlutann á ríkið í óskiptri sameign með fjölda annarra
eigenda. Samtals svarar eignarhlutur ríkisins til um sjö hektara.
DRÍFA
KRISTJÁNSDÓTTIR
KRISTÍN LINDA
ÁRNADÓTTIR
ALÞINGI Stjórnendur Byggðastofnunar telja
að „nokkuð vel“ hafi tekist að gæta hags-
muna stofnunarinnar vegna lána til fyrir-
tækja í rækjuiðnaði.
Þetta kemur fram í svari sjávarútvegs- og
landbúnaðarráðherra við fyrirspurn Marðar
Árnasonar Samfylkingunni.
Tilefni fyrirspurnarinnar voru fréttir
fyrr á árinu af lánum vegna rækjuveiða til
skúffufyrirtækja.
Í svarinu segir að umrædd lán hafi verið
veitt rækjuverksmiðjum í fullum rekstri
með mikið eigið fé. Rekstrargrundvöllur
þeirra hafi brostið vegna hruns í greininni á
árunum 2005 og 2006.
Byggðastofnun gekk að veðum í fasteign-
um og tækjabúnaði en taldi ekki skynsam-
legt, vegna takmarkaðs verðgildis við ríkj-
andi aðstæður, að ganga að skipum og kvóta.
Samið var um að eftirstöðvar lánanna,
ásamt þeim veðum sem fyrir þeim voru,
yrðu færðar í ný félög og myndu eigend-
ur þeirra halda lánunum í skilum. Var það
gert í ljósi þess að bæði eigendur félaganna
og starfsmenn Byggðastofnunar gerðu sér
vonir um að aðstæður greinarinnar myndu
batna.
Í „stórum dráttum“ hafa eigendurnir stað-
ið skil á skuldbindingum sínum og Byggða-
stofnun fengið hátt í 300 milljónir króna
greiddar inn á eftirstöðvar lánanna, að því
er fram kemur í svarinu.
„Það er því álit Byggðastofnunar að nokk-
uð vel hafi tekist að gæta hagsmuna hennar
að þessu leyti,“ segir í svarinu. - bþs
Byggðastofnun samdi við rækjufyrirtæki um að lán og veð yrðu færð í ný félög:
Stofnunin lánaði ekki skúffufyrirtækjum
RÆKJA Hrun varð í rækjuiðnaðinum 2005 og 2006.
RÝMINGARSALA!
SELJUM ÖLL GARÐHÚSGÖGN, ÚTIELDSTÆÐI, BLÓMAPOTTA OFL.
MEÐ 40-70% AFSLÆTTI Í NOKKRA DAGA! FRÁBÆRT TÆKIFÆRI
TIL AÐ KAUPA VANDAÐA VÖRU Á PALLINN EÐA SVALIRNAR.
Opið:
Má. - Fö. 12 - 18 - Lau. 12 - 16 - Sun. 13 - 16
Kauptúni 3 • 210 Garðabær • S 771 3800 • www.signature.is
®
ERTU MEÐ
VIÐKVÆMA HÚÐ?
Finnur þú fyrir þurrki í leggöngum, kláða, sveppasýkingu
eða færðu sár við notkun dömubinda?
Prófaðu þá Natracare lífrænar hreinlætisvörur, án klórs,
ilm- og plastefna.
www.natracare.is
LÍFRÆNAR HREINLÆTISVÖRUR
Nàttúruleg vellíðan
VIÐSKIPTI Bakkavör Group er
stærsta fyrirtæki landsins að því
er fram kemur í riti Frjálsrar
verslunar „300 stærstu“. Bakka-
vör velti í fyrra 332,7 milljörðum
króna samkvæmt tölum blaðsins.
Í næstu sætum á eftir Bakkavör
koma Actavis Group með veltu
upp á 266,9 milljarða og Icelandic
Group sem velti 179,4 milljörðum.
Tvö stærstu fyrirtækin eru þau
sömu og í fyrra en Icelandic Group
velti Landsbankanum úr þriðja
sætinu og er hann nú í því fjórða
með veltu upp á 116,9 milljarða
króna árið 2009.
Þá eru í ritinu bornir saman
fleiri þættir í rekstri 300 stærstu
fyrirtækja landsins, svo sem hver
þeirra greiddu hæst laun á síðasta
ári.
Hæst laun greiddi útgerðarfyrir-
tækið Stálskip í Hafnarfirði. Heild-
arlaunagreiðslur yfir árið námu
521 milljón, en starfsmenn voru
að jafnaði 30 talsins. Meðalárslaun
starfsmanna fyrirtækisins námu
því tæpum 17,4 milljónum króna,
eða sem nemur tæplega einni og
hálfri milljón króna á mánuði.
Í öðru sæti er útgerðarfyrirtæk-
ið Eskja á Eskifirði, en árslaun þar
námu að jafnaði 16,6 milljónum
króna.
Í þriðja sæti er svo fjarskipta-
fyrirtækið Farice, sem að hluta til
er í opinberri eigu, en þrír starfs-
menn þess deildu sín á milli 43
milljónum króna, eða meðalmán-
aðarlaunum upp á 1.186 þúsund
krónur. - óká
Sjávarútvegsfyrirtæki greiða hæstu launin samkvæmt tölum Frjálsrar verslunar:
Bakkavör er stærsta fyrirtækið
Tíu stærstu fyrirtæki landsins
Nafn Velta 2009 Meðalfjöldi starfsfólks
Bakkavör Group 332,7 milljarðar króna 18.938
Actavis Group 266,9 milljarðar króna 10.037
Icelandic Group 179,4 milljarðar króna 4.071
Landsbankinn 116,9 milljarðar króna 1.166
Alfesca 95,8 milljarðar króna 3.349
Promens 94,9 milljarðar króna 4.784
Íslandsbanki 92,0 milljarðar króna 1.039
Marel Food Systems 91,8 milljarðar króna 3.590
Arion Banki 85,7 milljarðar króna 1.131
Icelandair Group 80,3 milljarðar króna 2.182
*Heimild: 300 stærstu 2009, sérrit Frjálsrar verslunar
Ætlar þú að kjósa í kosningum
til stjórnlagaþings 27. nóvem-
ber?
JÁ 51,3%
NEI 48,7%
SPURNING DAGSINS Í DAG:
Telur þú eðlilegt að sendiráð
starfræki eftirlitshópa líkt og
bandaríska sendiráðið gerir?
Segðu þína skoðun á visir.is
KJÖRKASSINN