Fréttablaðið - 10.11.2010, Blaðsíða 8
8 10. nóvember 2010 MIÐVIKUDAGUR
1 Hvað heitir íslenska konan sem
er ákærð fyrir fjárkúgun í Banda-
ríkjunum?
2 Hversu mörg eintök af bókum
sínum hefur Arnaldur Indriðason
selt á heimsvísu?
3 Hvaða íslensku mjólkurvörur
fengu gullverðlaun í norrænni
samkeppni í Herning?
SVÖR
1. Helga Ingvarsdóttir. 2. Sjö milljónir
eintaka. 3. Hleðsla, Skyr.is og Ab-drykkur
frá MS.
ÞJÓÐIN FUNDAR 2010 Þjóðfundurinn
kostaði íslenska skattgreiðendur um 92
milljónir króna. FRÉTTABLAÐIÐ/PJETUR
ALÞINGI Þjóðfundurinn sem hald-
inn var í Laugardalshöll síðast-
liðinn laugardag kostaði 91,7
milljónir króna. Kom þetta fram
á fundi allsherjarnefndar Alþing-
is á mánudag.
Sigurður Kári Kristjánsson,
þingmaður Sjálfstæðisflokks-
ins, tók málið upp á þingfundi í
gær og sagðist ekki hafa verið að
gagnrýna starf fundarins. En tók
þó fram að hann hefði ekki slíkt
hugmyndaflug til að ímynda sér
að einn fundur gæti kostað skatt-
greiðendur jafn mikið og raun
bar vitni, sérstaklega í ljósi þess
mikla niðurskurðar sem væri
yfirvofandi. - sv
Kostnaðurinn við Þjóðfund:
Tæpar hundrað
milljónir króna
Mundu að
panta posa fyrir
jólaverslunina!
Borgun býður vandaða posa til leigu á hagstæðum
kjörum. Hægt er að leigja posa í skemmri tíma, t.d.
helgar- og mánaðarleigu.
Einfaldir í notkun og uppsetningu
Uppsetning á höfuðborgarsvæðinu er ókeypis
Seljendur á landsbyggðinni fá posa
senda uppsetta endurgjaldslaust
Pantaðu posa á borgun.is eða leitaðu
frekari upplýsinga í síma 560 1600.
HOLLAND, AP Hollenska lögreglan
greip nú í vikunni til óvenjulegs
ráðs í baráttunni gegn fíkniefnum.
Lögreglan sendi samtals 30
þúsund íbúum í Rotterdam og
Haag sérstök þefkort, sem eiga
að gera þeim kleift að þekkja
lyktina af kannabisplöntum.
Íbúarnir eru jafnframt kurteis-
lega beðnir um að beita þefskyni
sínu til að kanna hvort kannabis-
rækt sé stunduð í nágrenninu.
Þetta er í fyrsta sinn svo vitað sé
sem þessi aðferð er notuð í Hol-
landi. - gb
Hollenska lögreglan:
Íbúar beðnir að
beita þefskyni
EVRÓPUMÁL Fyrstu mánuðirnir af
aðildarviðræðum Íslands við Evr-
ópusambandið hafa gengið vel,
og ekkert óvænt komið upp, segir
Timo Summa, sendiherra Evrópu-
sambandsins á Íslandi. Hann kynnti
fyrstu framvinduskýrslu fram-
kvæmdastjórnar Evrópusambands-
ins um Ísland í gær.
„Eins og áður hefur komið fram
uppfyllir Ísland öll pólitísk skilyrði
fyrir inngöngu í Evrópusamband-
ið, en við hvetjum samt til þess að
bætt verði úr ákveðnum atriðum
og bendum einnig á jákvæða þróun
sem orðið hefur í ákveðnum mála-
flokkum í skýrslunni,“ segir Summa
í samtali við Fréttablaðið.
Meðal þess sem bent er á í skýrsl-
unni er að styrkja þurfi stjórnsýsl-
una, til dæmis hvað varðar opinber
innkaup, eftirlit með fjármálageir-
anum, tollamál og fleira.
Í skýrslu framkvæmdastjórn-
arinnar segir að margt af því sem
fram komi í skýrslu rannsóknar-
nefndar Alþingis um vankanta á
íslenskri stjórnsýslu hafi þegar
verið tekið til umfjöllunar hjá
stjórnvöldum. Önnur atriði bíði.
Summa segir að meðal þess
jákvæða sem gerst hafi hér á landi
frá hruninu sé breytt fyrirkomu-
lag við skipan dómara. Þá hafi að
nokkru leyti verið tekið á spillingu
í kjölfar bankahrunsins.
„Við fögnum þessum aðgerð-
um sem stjórnvöld hafa gripið til,
en bendum jafnframt á að fylgj-
ast verði með því að niðurstað-
an verði sú sem stefnt var að með
þessum breytingum. Þessu munum
við fylgjast vel með í framtíðinni,“
segir Summa.
„Ísland er sterkt lýðræðisríki
með öflugar stofnanir, en það eru
veikleikar sem við sáum í hruninu
og hafa komið í ljós eftir hrunið.
Við hvetjum til þess að áfram verði
unnið að því að laga þá veikleika,“
segir Summa.
Framkvæmdastjórn Evrópusam-
bandsins tekur undir með niður-
stöðum Alþjóðagjaldeyrissjóðsins
um efnahagsmálin hér á landi, segir
Summa. Kreppunni sé ekki lokið,
ástandið sé vissulega orðið stöðugra
en hagvöxtur sé afar mikilvægur til
að heimilin í landinu og lítil og með-
alstór fyrirtæki nái jafnvægi.
Ekki ætti að koma á óvart að lítið
nýtt sé í þessari fyrstu árlegu fram-
vinduskýrslu, segir Summa. Við-
ræðurnar hafi aðeins verið í gangi
síðan aðildarumsókn Íslands var
samþykkt í febrúar og rýnivinna
sem varpi ljósi á það sem þurfi að
laga í íslenskum lögum, ætli landið
sér að ganga í ESB, sé ekki hafin.
Rýnivinnan mun raunar hefj-
ast í næstu viku, og standa fram á
næsta sumar, eins og fjallað var um
í Fréttablaðinu í gær.
brjann@frettabladid.is
Stjórnvöld styrki stjórnsýslu
Fátt kemur á óvart í fyrstu framvinduskýrslu framkvæmdastjórnar Evrópusambandsins. Bæði er bent á
jákvæða þróun hér á landi og ýmislegt sem bæta ætti úr. Laga verður veikleika sem komu í ljós í hruninu.
FRAMVINDA Timo Summa, sendiherra Evrópusambandsins á Íslandi, kynnti fyrstu
framvinduskýrslu framkvæmdastjórnar sambandsins í gær. FRÉTTABLAÐIÐ/VALLI
Timo Summa, sendiherra ESB, segir umræðuna hér á landi um Evrópusam-
bandið farna að verða málefnalegri en hún var fyrir nokkrum mánuðum.
„Við höfum tekið eftir því að nú, þegar sumarfríin eru búin, þá er meira
jafnvægi í umræðunni. Fleira fólk lætur skoðun sína í ljós, hvort sem það eru
fjölmiðlar, bloggarar, hagsmunasamtök eða óháð félagasamtök,“ segir Summa.
„Þetta er góðs viti. Íslendingar eru farnir að þekkja Evrópusambandið betur,
byrjaðir að átta sig á því hvað það er og hvað það er ekki, hvað er gott og
hvað er slæmt og leggja það á vogarskálarnar. Umræðan er orðin virkari og
uppbyggilegri en hún var til dæmis í apríl eða maí eða júní.“
Summa segir eðlilegt í lýðræðisríki að skoðanaágreiningur sé uppi, svo hafi
verið í öllum löndum sem rætt hafi verið við. - gb
Umræðan orðin málefnalegri
LÖGREGLUMÁL Tveir menn, á þrí-
tugsaldri, voru í gær úrskurðað-
ir í viku langt gæsluvarðhald á
grundvelli rannsóknarhagsmuna.
Þeir eru grunaðir um innbrot og
þjófnaði úr heimahúsum í umdæmi
lögreglunnar á Suðurnesjum, sem
handtók þá í fyrradag.
Við húsleit sem gerð var heima
hjá mönnunum, sem báðir eru af
erlendu bergi brotnir, fannst nokk-
urt magn muna sem lögregla telur
tengjast innbrotunum sem hún
hefur rannsakað að undanförnu.
Þar á meðal mátti finna myndavél-
ar, skartgripi og fleiri muni.
Að sögn Óla Ásgeirs Hermanns-
sonar, saksóknarfulltrúa lögreglu-
stjórans á Suðurnesjum, bar hand-
töku mannanna að með þeim hætti
að árvökull borgari tilkynnti um
grunsamlegar mannaferðir í
Reykjanesbæ. Lögregla hafði áður
beint þeim tilmælum til fólks að
það léti vita af slíkum tilvikum og
kom tilkynningin nú lögreglunni
á sporið.
Mennirnir hafa dvalist í
umdæminu að undanförnu. Þeir
hafa báðir komið við sögu lögreglu
hér á landi áður og verið staðnir
að þjófnaðarbrotum, en beðið er
gagna frá heimalandi þeirra um
hvort þeir eigi afbrotaferil þar.
- jss
Tveir grunaðir þjófar teknir á Suðurnesjum og úrskurðaðir í gæsluvarðhald:
Með myndavélar og skartgripi
LÖGREGLAN Á SUÐURNESJUM
Handtók mennina tvo í fyrradag.
VEISTU SVARIÐ?