Fréttablaðið - 10.11.2010, Blaðsíða 27

bækur ●MIÐVIKUDAGUR 10. NÓVEMBER 2010 7
„Er eitthvað jólalegra en
Arnaldur?“ spyr Kristrún Heiða
Hauksdóttir, kynningarstjóri
Forlagsins, sem er komin á kaf
í krimmana. Hún kemst í jóla-
skap 1. nóvember líkt og fleiri
sem ekki bíða jólanna heldur
byrja að lesa strax.
„Það eru forréttindi að mega
og þurfa að lesa jólabækurnar
snemma,“ segir Kristrún Heiða.
„Mér finnst fátt skemmtilegra
en að tæta plast utan af nýjum
bókum.“ Þær hafa verið ófáar að
undanförnu og þar á meðal eru
fjórar nýjar íslenskar spennusög-
ur sem koma út á vegum Forlags-
ins.
„Fyrst má þar nefna hinn ógnar-
spennandi Morgunengil eftir Árna
Þórarinsson,“ útskýrir Kristrún.
„Þar er Einar, blaðamaður á Síð-
degisblaðinu, mættur til leiks á ný
og ég er ekki ein um þá skoðun að
þetta sé besta bók Árna til þessa.
Alveg hörkuspennandi en með
beittum broddi líka.“ Hún kveðst
hlakka til að sjá Einar sjálfan lifna
við á sjónvarpsskjánum því unnið
er að þáttaröð byggðri á einni af
fyrri bókum Árna, Tíma nornar-
innar.
Bókin Mörg eru ljónsins eyru
eftir Þórunni Erlu-Valdimarsdótt-
ur er óvenjuleg spennusaga að
sögn Kristrúnar. „Ég varð alveg
óð í þessa bók. Hún daðrar svo við
mann í stílnum og frásögnin er svo
lifandi og skemmtileg.“ Þórunn
skrifar nútímalegt plott sitt um
ástarþríhyrning og blóðugan glæp
en baklandið er í sjálfri Laxdælu.
„Það skrifar enginn um samskipti
kynjanna eins og Þórunn,“ bætir
hún við, „þetta er rosalega djúsí
saga. Þarna eru Bolli og Kjartan
og kvendið Guðrún sem veit ekki
hverjum hún er verst – eða best.
Algjört lestraræði.“
Það hefur vart farið fram hjá
neinum að spennusagan Furðu-
strandir eftir Arnald Indriðason
er komin út. „Hann klingir inn
jólin,“ segir Kristrún sposk. „Það
er reglulega gaman að upplifa
stemninguna sem skapast í kring-
um bækurnar hans Arnaldar. Hann
á sér svo marga dygga aðdáendur.“
Sjálf segist hún ekki geta stillt sig
um að lesa bækurnar hans strax.
„Þessi nýja bók er algjört dúndur,
ég fer ekki ofan af því. Erlendur
snýr aftur og rannsakar mál aust-
ur á fjörðum sem tengist fortíð
hans. Þessa verða allir að lesa.“
Fjórða bókin, Martröð mill-
anna eftir Óskar Hrafn Þorvalds-
son, kemur út 11. nóvember. „Ég
má ekkert segja,“ segir Kristrún
laumulega. „Þetta er bók sem á
eftir að skekja suma – spennusaga
um íslenska sturlun og persón-
urnar eru sumar býsna kunnug-
legar. Þetta er flottasta uppgjörið
við góðærið sem ég hef lesið hing-
að til.“
Krimmar koma manni í jólaskap
Morgunengill er besta bók Árna Þórarinssonar að mati Kristrúnar.
„Hún daðrar svo við mann í stílnum og frásögnin er svo lifandi og skemmtileg,“ segir
Kristrún um bók Þórunnar Erlu-Valdimarsdóttur, Mörg eru ljónsins eyru.
„Þessi nýja bók er algjört dúndur, ég fer ekki ofan af því,“ segir Kristrún um Furðu-
strandir eftir Arnald Indriðason.
Kristrún á von á því að Martröð millanna eftir Óskar Hrafn Þorvaldsson muni skekja
einhverja.
● Sænski glæpatryllirinn Dá-
valdurinn er einhver mest selda
bók síðari ára í Svíþjóð og ef
Stieg Larsson einn er undanskil-
inn hefur eng-
inn höfund-
ur selt þar fleiri
bækur en Lars
Kepler. Enda
linntu sænskir
fjölmiðlar ekki
látunum fyrr
en búið var að
komast að því
hver sá kappi væri.
Í ljós kom að bak við höfundar-
nafnið voru rithöfundahjónin Al-
exandra og Alexander Ahndoril,
sem voru hvort í sínu lagi all-
þekktir höfundar margra bóka.
Og þau eru nú mesta spútnik-
par hinnar norrænu krimmakreð-
su. Dávaldurinn er saga sem auð-
veldlega heldur vöku fyrir lesend-
um og hefur hún hlotið einróma
lof gagnrýnenda víða um heim.
● Rithöfundurinn Mario Reading
er einn helsti sérfræðingur heims
í spádómum Nostradamusar. Í
bókum sínum hefur hann sett
fram nýja túlkun á spádómun-
um sem sýnir
þá í algjör-
lega nýju
ljósi. Hann er
meðal ann-
ars höfund-
ur spennu-
sögunnar
Spádómar
Nostradam-
usar sem
kveikja ætti áhuga lesenda sem
hrifnir eru af skrifum Dan Brown
og Raymond Khoury. Kenn-
ing Readings er sú að Nostrad-
amus hafi ekki aðeins verið að
segja fyrir um framtíðina og örlög
mannkyns, heldur hafi tilgangur
hans verið að vara okkur við, spá
heimsendi en benda einnig á leið
til að breyta gangi sögunnar og
afstýra ragnarökum. Bókin hefur
verið þýdd á 35 tungumál og
klifið metsölulista víða – í Þýska-
landi seldust til dæmis 60.000
eintök strax í fyrstu viku.
● Árið 2005 sagði Andrea Busfi-
eld upp vinnunni sinni og yfirgaf
heimili og fjölskyldu til að byrja
nýtt líf í Afganistan. Það reyndist
henni afar heilladrjúg ákvörðun
því dirfska hennar borgaði sig. Út-
gáfurétturinn á fyrstu skáldsögu
hennar, sem hún byggir á eigin
reynslu af veru sinni í landinu,
var seldur á himinháu verði og
auk þess keypti
BBC útvarps-
réttinn. Útgef-
andi hennar
vonar að saga
hennar, Fædd-
ur í dimmum
skugga, verði
jafnvinsæl og
aðrar bækur
frá þessum
heimshluta, til dæmis Flugdreka-
hlauparinn eftir Khaled Hosseini
og Bóksalinn í Kabúl eftir Asne
Seierstad. Í bókinni segir Busfield
áhrifamikla sögu Fawads, ellefu
ára drengs, sem á sinni stuttu ævi
hefur kynnst miklum sorgum. En
þrátt fyrir allt þetta heldur hann
ávallt í lífsgleðina og sagan er í
raun vitnisburður um sigur lífs-
viljans.
SPENNANDI ÞÝÐINGAR
Vinsældir stjörnuskoðunar hafa
aukist mjög hérlendis á undanförn-
um árum, ekki síst fyrir tilstilli
Stjörnuskoðunarfélags Seltjarnar-
ness sem gengist hefur fyrir nám-
skeiðum og ýmis konar fræðslu-
starfi um stjörnuskoðun.
Nú er komin út ný og glæsileg
bók í ritröð sem kennd er við „Leið-
sögn í máli og myndum“ en í henni
er fjallað vítt og breitt um alheim-
inn í allri sinni dýrð. Sævar Helgi
Bragason, formaður Stjörnuskoð-
unarfélags Seltjarnarness, segir
bókina vera fróðleiksnámu um
allt sem viðkemur stjörnufræði.
„Þetta er aðgengileg bók um undur
alheimsins, skrifuð á
mannamáli.“
Bókinni er skipt
í þrjá meginhluta.
Í inngangi er að
finna yfirlit yfir
grundvallarhug-
tök stjörnufræð-
innar sem nýst
getur byrjendum
jafnt sem lengra
komnum. Í kaflanum
Vegvísir um alheiminn
er síðan fjallað um sólkerfið,
vetrarbrautina okkar og þá hluta
himingeimsins sem liggja handan
hennar. Loks er í þriðja hlutanum,
Næturhimninum, veg-
vísir um himingeim-
inn fyrir áhuga-
stjörnufræðinga.
Bókina prýða
þúsundir ljós-
mynda, skýr-
ingarmynda og
stjörnukorta.
Aðalritstjóri
bókarinnar er Mart-
in Rees en hann er
prófessor í heimsfræði og
stjarneðlisfræði og rektor við
Trinity College í Cambridge-há-
skóla á Englandi. Karl Emil Gunn-
arsson þýddi.
Horft upp í himinhvolfið
Fjallað er vítt og breitt um alheiminn í
bókinni og hana prýðir fjöldi ljósmynda,
korta og skýringarmynda.