Fréttablaðið - 10.11.2010, Blaðsíða 28
10. NÓVEMBER 2010 MIÐVIKUDAGUR
Forlag með sál
Hrefna Rósa Sætran var ung að árum þegar hún
var komin í landslið Íslands í matreiðslu og orðinn
eigandi að einum vinsælasta veitingastað Reykja-
víkur, Fiskmarkaðnum. Nýverið kom út samnefnd
bók eftir hana hjá Sölku þar sem hún deilir með
okkur leyndarmálum sínum og
einfaldar uppáhaldsuppskrift-
irnar fyrir sælkerana sem vilja
kalla fram hið ferska, fram-
andi og ógleymanlega bragð
sem réttir Hrefnu eru þekkt-
ir fyrir.
Hvað finnst þér skemmtilegast
að gera í eldhúsinu?
„Mér finnst að sjálfsögðu
gaman að matreiða alls kyns
mat; en ég er sérstaklega hrifin
af sushi. Þar er unnið með fáar
bragðtegundir og allt þarf að vera fullkomið til að
útkoman verði góð.“
Hvernig valdirðu réttina í bókina þína?
„Réttirnir þar endurspegla úrvalið á sjálfum veit-
ingastaðnum en þeir eru aðgengilegri, bæði hvað
varðar hráefni og tækjakost. Fyrst af
öllu ákvað ég að setja mér það mark-
mið að hafa matinn sem allra fer-
skastan. Ég var mikið búin að fást
við fusion-matargerð þar sem allt er
leyfilegt og ýmsum fæðutegundum og
kryddum blandað saman. Ég reyni allt-
af að ná fram því besta í hráefninu.
Auk ferskleikans vildi ég líka leggja
áherslu á að blanda íslensku og asísku
hráefni saman og elda það á minn hátt.“
Er önnur bók á leiðinni?
„Já, já, ég er að bralla ýmislegt með
Sölku. Fljótlega eftir áramót kemur
Fiskmarkaðurinn út á ensku og svo er
margt skemmtilegt í farveginum
sem enn er leyndarmál …“
Ferskt, framandi og ógleymanlegt
Bókaforlagið Salka er tíu ára
um þessar mundir. Hildur Her-
móðsdóttir, stofnandi Sölku,
lítur yfir ferilinn.
Datt þér í hug fyrir tíu árum að
Salka hefði þá stöðu sem hún hefur
á íslenskum bókamarkaði í dag tíu
árum síðar?
„Jú, veistu, ég hugsaði alltaf hátt.
Ég hafði lengi unnið við bókaútgáfu
og taldi mig kunna til verka. Svo er
ég þannig gerð að það þarf mikið
til að ég gefist upp. Þó að stundum
hafi gefið á bátinn hjá Sölku hefur
alltaf tekist að ná landi og smátt og
smátt höfum við stækkað kænuna.
Með mínu góða fólki stefni ég á
skuttogara. Fyrsta ár Sölku vorum
við tvær og gáfum út tíu bækur. Nú
erum við átta starfsmenn og gefum
út rúmlega 40 titla í ár.“
Þið hafið lagt áherslu á bækur
um og eftir konur. Hvernig hefur
það mælst fyrir?
„Það hefur mælst mjög vel fyrir,
kvennabækurnar okkar eru mjög
vinsælar, þar verð ég sérstaklega
að nefna dagatalsbókina Konur
eiga orðið, sem á breiða skírskotun
til kvenna á öllum aldri. Í ár erum
við með fjórar þýddar bækur eftir
konur sem náð hafa gríðarlegum
vinsældum, hér sem erlendis, Lofuð
eftir Elizabeth Gilbert er nýkomin
út og fylgir eftir bókinni hennar sí-
vinsælu, Borða, biðja, elska. Þetta
eru bækur sem allar konur hrein-
lega verða að lesa. Sama má segja
um bók sem kom út í gær og heit-
ir Eyru Busters eftir sænska met-
söluhöfundinn Maríu Ernestam.
Það sem mér ber, eftir norska saka-
málahöfundinn Anne Holt, var lengi
í fyrsta sæti metsölulista í sumar
og framhald af henni kemur út eftir
áramót. Ekki megum við gleyma ís-
lensku spennusögunni Hlustaran-
um eftir Ingibjörgu Hjartardóttur
sem nú er verið að endurprenta en
nýlega seldum við útgáfuréttinn á
henni til Þýskalands.“
Hefur Salka komið með einhverj-
ar nýjungar inn á íslenskan bóka-
markað?
„Ég tel að Salka hafi komið með
ferskan andblæ inn á karlmiðað-
an bókamarkað og aðra nálgun. En
auðvitað haldast slíkar breyting-
ar í hendur við tíðarandann. Meðal
fyrstu stórvirkja sem Salka gaf út
var bókin Já, ég þori, get og vil eftir
Hildi Hákonardóttur, hana gáfum
við út til að minnast þess að þrjátíu
ár voru liðin frá kvennafrídeginum
mikla. Við höfum gefið út fjölmarg-
ar sjálfsræktarbækur sem ekki
voru margar á árum áður en eru nú
gríðarlega vinsælar og við höfum
oft á tíðum haldið námskeið tengd
bókunum okkar. Þannig náum við
persónulegum tengslum við mark-
hópinn okkar og fáum beint í æð
hvað hann vill. Við höfum líka verið
duglegar að gefa út íslenskar hand-
bækur til að mæta þörfum minni-
hlutahópa, þar má nefna bækur um
einelti, átröskun, ættleiðingar og nú
erum við að undirbúa bók um ófrjó-
semi.“
Hvað ber hæst í útgáfunni á af-
mælisárinu?
„Flaggskipið okkar í ár er tví-
mælalaust Foreldrahandbókin eftir
Þóru Sigurðardóttur, fróðleiks-
brunnur og reynslusögur fyrir alla
foreldra og ætti í rauninni að fylgja
hverju barni. En ég verð líka að
nefna stórvirkið Andlit – íslensk-
ir listamenn, ljósmyndabók eftir
Jónatan Grétarsson sem er vænt-
anleg í lok mánaðarins. Meðal mik-
ilvægra tíðinda á afmælisárinu er
líka árangurinn sem við höfum náð
með bók Auðar Övu Ólafsdóttur,
Afleggjarann, en okkur hefur tek-
ist að selja hana til fimm landa og
fjögur lönd í viðbót bíða eftir svari.
Það er ótalmargt fleira spennandi
sem við höfum gefið út í ár og á
teikniborðinu er fjölmargt, bæði
bækur og útgáfa erlendis, enda er
eitt af kjörorðum okkar „hið hugs-
anlega er mögulegt“.
Stefnir á skuttogara
„Fyrsta ár Sölku vorum við tvær og gáfum út tíu bækur. Nú erum við átta starfsmenn
og gefum út rúmlega 40 titla í ár,“ segir Hildur Hermóðsdóttir, stofnandi Sölku, stolt
á tíu ára afmælinu. FRÉTTABLAÐIÐ/STEFÁN
Í bókinni Fiskmarkaðnum deilir
Hrefna Sætran leyndarmálum sínum
úr eldhúsi Fiskmarkaðarins með
lesendum.