Fréttablaðið - 18.11.2010, Blaðsíða 48
18. NÓVEMBER 2010 FIMMTUDAGUR8 ● fréttablaðið ● barnaföt
● TÍMI KOMINN Á JÓLAKORTIN Jólakortahasar-
inn er að hefjast. Þeir sem hyggjast gera eitthvað meira
en skrifa nafnið sitt í tilbúin jólakort þurfa að huga að
jólakortagerðinni. Margir senda persónuleg jólakort með
myndum af börnum, fjölskyldunni eða jafnvel gæludýr-
unum. Fyrst þarf að velja réttu myndina eða láta taka
hana ef metnaðurinn er mikill. Síðan eru ýmis fyrirtæki
sem bjóða upp á jólakortagerð, til dæmis Hans Petersen,
Samskipti, Oddi og fleiri.
Sumir föndra jólakortin sín og getur það verið frábær
stund sem fjölskyldan á saman. Heitt kakó og piparkökur
eru ómissandi á slíkri stundu.
● LJÓÐASÝNING BARNA
Í BORGARFIRÐI Ljóðasýn-
ing barna var opnuð í Safnahúsi
Borgarfjarðar á degi íslenskr-
ar tungu. Sýningin er árleg en
það eru nem-
endur fimmtu
bekkja í grunn-
skólunum í ná-
grenninu sem
taka þátt.
Að venju var
vakin athygli á
borgfirsku skáldi
við þetta tækifæri og að þessu
sinni var það Elín Eiríksdóttir
frá Ökrum, en í ár eru 110 ár
frá fæðingu hennar. Sagt var
frá Elínu og sungið lag og ljóð
eftir hana við undirleik tveggja
ungra gítarleikara úr Borgarnesi.
Þetta er í sjötta sinn sem
Safnahúsið efnir til ljóðasýn-
ingar barna í tilefni af degi
íslenskrar tungu sem haldinn
er hátíðlegur um land allt.
Markmiðið er að hvetja til þessa
tjáningarforms og örva sköp-
unargáfu nemenda, um leið og
vonast er til að verkefnið geti
verið liður í ljóðakennslu.
Ljóðasýningin verður síðan
opin til 26. nóvember á opnun-
artíma bókasafnsins, kl. 13-18
virka daga.
● ORMURINN ÓGNAR-
LANGI Söguheimur norrænn-
ar goðafræði er sýning sem
stendur yfir í Gerðubergi til 13.
mars næstkomandi. Heimur
norrænu goðanna er í senn æv-
intýralegur og heillandi. Gest-
um sýningarinnar gefst kost-
ur á að ganga inn í söguheim
goðafræðinnar og hitta fyrir
goð, jötna og skrítnar skepnur.
Ganga má inn í Ginnungagap,
setjast á rökstóla goðanna,
skríða inn um gin Miðgarðs-
ormsins, máta hásæti Óðins,
setjast í vagn Freyju, hitta Þór,
skoða fésbókarsíður goðanna
eða varpa sér í fang Fenrisúlfsins
(og kíkja upp í hann ef maður
þorir!). Sýningin höfðar sérstak-
lega til barna sem eru að kynn-
ast goðafræðinni í fyrsta sinn en
þó ekki síður fullorðinna sem
þekkja til efniviðarins. Sérstaða
sýningarinnar felst í því að gestir
eru virkir þátttakendur með því
að sjá, heyra, snerta og prófa.
● ALLAR SUNDLAUGAR Á EINUM
STAÐ Sundferðir eru frábær en ódýr
skemmtun fyrir alla fjölskylduna. Úr
nægum sundstöðum er að velja en
á höfuðborgarsvæðinu einu eru
nítján sundlaugar. Á vefsíðunni
www.sundlaugar.is er að finna
upplýsingar um allar sundlaug-
ar landsins en einnig náttúrulega
baðstaði um allt land, þótt vitan-
lega sé full kalt fyrir slíka útiveru um
þessar mundir.
Við erum í hátíðarskapi og verðum með
eftirfarandi tilboð í Glæsibæ og á Dalvegi
fimmtudag, föstudag og laugardag 18.—20.nóv.:
með öllum vefjum
Nýju bökurnar okkar: Bleika bakan,
Mexíkóbaka og Gríska gyðjan
Afsláttarkort gilda ekki þessa daga,
eingöngu auglýst tilboð.