Fréttablaðið - 18.11.2010, Blaðsíða 62
46 18. nóvember 2010 FIMMTUDAGUR
HVAÐ? HVENÆR? HVAR?
Fimmtudagur 18. nóvember
➜ Gjörningar
20.00 Allir eru
velkomnir í Afmæli
á Bakkus í kvöld
klukkan 20. Kökur og
leikir. Frítt inn.
➜ Tónleikar
19.30 Sinfóníuhljómsveit Íslands
efnir til klassískrar veislu þar sem flutt
verða vinsæl verk eftir Haydn, Mozart
og Beethoven. Tónleikarnir hefjast kl.
19.30 í Háskólabíói og er miðaverð
3.900/3.400 krónur.
20.30 Jón Ólafsson fær Ragga Barna til
sín á tónlistarkvöldinu Af fingrum fram.
Tónleikarnir verða haldnir í Salnum
Kópavogi og hefjast kl. 20.30. Aðgangs-
eyrir er 2.900 krónur.
21.00 Myrra Rós,
Elín Ey og Júníus
Meyvant verða
með tónleika á
Café Rosenberg í
kvöld. Tónleikarnir
hefjast kl. 21.
Aðgangseyrir er
1.000 krónur, 500
krónur fyrir námsmenn.
21.00 Þorsteinn Eggertsson textaskáld
verður á Draumakaffi ásamt Davíð og
Stefáni óperuídívum. Þorsteinn segir
kostulegar sögur um tilurð texta sinna
og Davíð og Stefán syngja lögin við
undirleik Helga Hannessonar. Tónleik-
arnir hefjast kl. 21. Forsala miða er í
Draumakaffi og er miðaverð 2.500
krónur.
21.00 Magnús Einarsson og Tómas
Tómasson leika tónlist eftir Bítlana
á Ob-La-Di-Ob-La-da, Frakkastíg 8, í
kvöld. Tónleikarnir hefjast klukkan 21.
Enginn aðgangseyrir.
22.00 Hljómsveitin Sans leikur fönk-
músík á Hvítu perlunni, Austurstræti
12a, frá kl. 22. Aðgangur ókeypis.
Hiphop tónleikar með enskri tungu
verða á Faktorý í kvöld. Fram koma Ást-
þór Óðinn, Limited Copy og Dynamic.
Frítt inn.
➜ Uppákomur
17.00 Jón Gnarr veitir verðlaun í
Snilldar lausnum Marel í Bíó Paradís
í dag kl. 17. Veitt eru verðlaun fyrir
Snilldar lausn 2010, Frumlegustu hug-
myndina og Flottasta myndbandið. Allir
velkomnir en framhaldsskólanemar sér-
staklega hvattir til að mæta.
➜ Leiðsögn
17.30 Málfríður Finnbogadóttir sýningar-
hönnuður sýnir og fjallar um hvernig
nýta má afskrifaðar bækur í nýjum verk-
efnum. Verkefnið er liður í alþjóðlegu
athafnavikunni. Leiðsögnin hefst kl.
17.30 í Bókasafni Seltjarnarness.
➜ Fyrirlestrar
17.30 B.R.J.Á.N efnir til fyrirlestrar í
Blúskjallaranum í Neskaupstað í kvöld.
Fyrirlesarinn Sigurður Páll Árnason,
master í Music Production & Technol-
ogy, mun fjalla um markaðssetningu
tónlistar. Fyrirlesturinn hefst kl. 17.30
og er aðgangseyrir 2.500 krónur, 1.000
krónur fyrir 18 ára og yngri.
20.00 Páll Hjaltason arkitekt, aðal-
hönnuður og listrænn stjórnandi
íslenska skálans á Expó í Kína, fjallar
um ferli, áskoranir og árangur verkefnis-
ins í fyrirlestraröð Hönnunarmiðstöðvar,
Listasafns Reykjavíkur og Listaháskóla
Íslands kl. 20 í Hafnarhúsi Listasafns
Reykjavíkur.
Upplýsingar um viðburði sendist á
hvar@frettabladid.is og einnig er
hægt að skrá þá inni á visir.is.
GIUSEPPE VERDI
ÓLAFUR KJARTAN SIGURÐARSON
ÞÓRA EINARSDÓTTIR · JÓHANN FRIÐGEIR VALDIMARSSON
JÓHANN SMÁRI SÆVARSSON · SESSELJA KRISTJÁNSDÓTTIR
BERGÞÓR PÁLSSON · KÓR OG HLJÓMSVEIT ÍSLENSKU ÓPERUNNAR
LÝSING: PÁLL RAGNARSSON · BÚNINGAR: FILIPPÍA ELÍSDÓTTIR
LEIKMYND: ÞÓRUNN SIGRÍÐUR ÞORGRÍMSDÓTTIR
HLJÓMSVEITARSTJÓRI: DANÍEL BJARNASON · LEIKSTJÓRI: STEFÁN BALDURSSON
RIGOLETTO
LOKASÝNINGAR UM HELGINA
Annað kvöld, föstud. 19. nóv. kl. 20
Sunnudagskvöld 21. nóv. kl. 20
Örfá sæti laus á báðar sýningar!
WWW.OPERA.IS SÍMI MIÐASÖLU 511 4200
Myndlist ★★★★
Samtímis
Erla Þórarinsdóttir
Listasafn ASÍ. Til 21. nóvember.
Áningarstaður
Málverk og ljósmyndir eru uppistaða sýningar Erlu Þórarinsdóttur, Samtímis.
Erla hefur markað sér sérstöðu í íslenskri myndlist. List hennar vísar til
handanveruleika, beinir sjónum að innri hugarheimi og andlegum gildum,
sýningar hennar hafa iðulega verið eins konar
rjóður í skóginum, áningarstaður í erli dagsins.
Þema Samtímis er stefnumót austurs og
vestur, en í Gryfju varpar Erla myndum á
vegg, teknum í stórborgum Vesturlanda og
Austurlanda. Þessar ljósmyndir draga mann
til sín í hægum rytma sínum og stöðugri
ummyndun úr einu í annað, Harpan verður
markaðshús í Kína, gata á Indlandi verður
að Skólavörðustígnum í vetrarsól. Erla lætur
áhorfandanum það eftir að draga ályktanir
af þessum myndum. Fyrst og fremst eru þær
ferðalag um mannheima og heima lita, forma
og mynstra. Ef einhver ályktun skyldi dregin væri hún að mínu mati sú að
margt sé sameiginlegt með austri og vestri, meira en það sem skilur á milli.
Fróðleg grein Ólafs Gíslasonar sem fylgir sýningunni upplýsir áhorfandann
hér frekar um viðfangsefni Erlu. Ekki er þó nauðsynlegt að lesa hana til að
njóta sýningarinnar.
Í Arinstofu má sjá ljósmyndir af austurlenskum arkitektúr, af mynstri í
lofti við inngang Taj Mahal og mynstri í marmara í grafhýsi þess. Á efri hæð
eru allnokkur, stór málverk, ljósmynd af indverskum guði og granít skúlptúr
í fjórum hlutum sem falla hver inn í annan. Málverkin eru unnin með olíu-
litum og blaðsilfri, eða einungis með olíulitum. Heildaráhrif þessara verka
eru þau að vekja upp hugleiðingar um andleg gildi, listaverk sem færa
áhorfandann fyrst og fremst inn á við.
Erla hefur á ferli sínum ekki látið sig tískusveiflur myndlistarheimsins
neinu varða, en nú hafa þær lagst á sveif með henni, því ein stærsta
spurning hins alþjóðlega listheims í dag virðist vera spurningin um hið
andlega. Eftir aldarlanga útskúfun andlegra gilda virðast nú allar gáttir opnar
í listheimum og bæði áhorfendur og listamenn tilbúnir að róa á ný mið,
vera leitandi og spyrjandi í sköpun sinni og upplifun. Getur listin tekið við af
trúnni, geta málverk veitt sömu hugarfró og möntrur eða Maríumyndir? Það
er ekki útilokað, enda hefur listin lengst af gegnt trúarlegum tilgangi. Meira
að segja abstrakt list 20. aldarinnar á rætur sínar fyrst og fremst að rekja til
andlegra gilda þó ekki séu þau beinlíns tengd ákveðnum trúarbrögðum.
Það er list Erlu ekki heldur. Hér gildir einu hvort áhorfandinn er trúarlega
sinnaður, öll erum við andans verur. Samtímis býður í ferðalag um innri
hugarheima og um leið lokar sýningin áreiti hversdagsins úti. Það er ekki
svo lítils virði.
Ragna Sigurðardóttir
Niðurstaða: List Erlu minnir á mikilvægi andlegrar leitar í samtímanum.
Samtímis er falleg og margræð sýning sem læðist hægt inn í hugarheim
áhorfandans. og skilur þar eftir sig innri frið.
Upptaktur er yfirheitið á
fimm sýningum íslenskra
listamanna og hönnuða, sem
voru opnaðar í Peking á
þriðjudag. Kristín A. Árna-
dóttir sendiherra segir mik-
inn áhuga á íslenskri list og
hönnun í Kína.
Upptaktur 2010 eru liður í að fylgja
eftir þátttöku Íslands í Heims-
sýningunni í Sjanghæ og kynna
íslenskar listir og hönnun í Kína.
Sýningarnar eru haldnar í sam-
starfi við skipuleggjendur Hönn-
unarvikunnar í Peking NOTCH10,
kínversk-norrænu menningarhátíð-
arinnar í Peking. Kristín A. Árna-
dóttir, sendiherra Íslands í Kína,
segir mikinn áhuga á Íslandi þar
í landi.
„Það sást bersýnilega á opnun-
inni á þriðjudag þar sem var hús-
fyllir og krökkt af fjölmiðlafólki.“
Spenna hefur verið í samskiptum
Kína við Vesturlönd undanfarið;
norskum menningarviðburðum í
Kína til að mynda aflýst eftir að
að andófsmanninum Lio Xiabo
voru veitt friðarverðlaun Nóbels
á dögunum. Áður hafði Jón Gnarr
borgarstjóri vakið hörð viðbrögð
kínverskra embættismanna hér
á landi fyrir að skora á kínversk
yfirvöld að sleppa Xiabo úr fang-
elsi. „Spennan í samskiptum Kína
og Vesturlanda hefur ekki farið
fram hjá okkur en það hefur ekki
haft nein bein áhrif á sýninguna í
Peking,“ segir Kristín. „Ég hef til
dæmis aldrei orðið fyrir því að vera
tekin á teppið, eins og hent hefur
suma kollega mína.“
Fjórar sýninganna eru haldnar
í 751, stærsta lista- og hönnunar-
hverfi borgarinnar. Kristín segir
þetta spennandi vettvang.
„Þetta er gamalt niðurnítt verk-
smiðjuhverfi í miðri Peking, eins
hrátt og þetta getur orðið,“ segir
Kristín. „Íslensku sýningarnar
eru í þremur húsum við svonefnt
orkutorg. Þar stendur gríðarstórt
raforkuver, sem þar til nýlega var
knúið með kolum og olíu. Aðstaðan
er því svolítið tímanna tákn, ekki
síst í ljósi orkusamstarfs þjóð-
anna.“
Þótt sýningarnar hafi aðeins
verið opnar í tvo daga segir Kristín
þær þegar farnar að skila árangri,
til dæmis vilji Casa International,
eitt stærsta og virtasta tímarit
á sviði hönnunar og arkitektúrs
í Kína, gera íslensku hönnunar-
sýninguna að aðalumfjöllunarefni
í næsta tölublaði.
bergsteinn@frettabladid.is
Íslenskur Upptaktur í Kína
MIKILL ÁHUGI Margir voru viðstaddir opnun íslensku sýninganna í Peking á þriðjudag. Ein sýninganna er yfirlitssýning á verkum
Steinunnar Sigurðardóttur fatahönnuðar.
Íslensk samtímahönnun: samsýning hugmynda og verka
22 hönnuða og arkitekta frá Íslandi. Sýningin er á vegum
Hönnunarmiðstöðvar. Sýningarstjóri er Elísabet V. Ingvars-
dóttir.
Steinunn: yfirlitssýning verka Steinunnar Sigurðardóttur
fatahönnuðar.
Ljóðrými – veðurskrift: Guðrún Kristjánsdóttir myndlist-
armaður varpar ljósi á umhverfið og umvefur gesti birtu,
skuggum, ljóðum og tónum.
Lón vættanna: jöklamyndir Ragnars Axelssonar ljósmyndara, RAX.
Kynning á samtímalist í sendiráðinu: Erla Haraldsdóttir, Erla Þórarinsdóttir,
Guðjón Ketilsson, Guðrún Einarsdóttir, Guðrún Kristjánsdóttir, Hulda Hákon,
Inga Svala Þórsdóttir, Jón Óskar, Erró og Sigurður Guðmundsson hafa lánað
sendiráðinu verk sín.
ÍSLENSKU SÝNINGARNAR Í PEKING
KRISTÍN A.
ÁRNADÓTTIR