Fréttablaðið - 18.11.2010, Blaðsíða 82
18. nóvember 2010 FIMMTUDAGUR66
golfogveidi@frettabladid.is
G
O
LF
&
H
EI
LS
A
Magni bendir á hversu mikilvægt það er að hafa gott jafnvægi í öllum íþrótt-
um og er golf ekki undanskilið. Hann bendir á góða æfingu fyrir veturinn sem
hægt er að útfæra til að ná betri árangri.
„Það getur verið erfitt að slá golfbolta þegar við stöndum á jöfnu undirlagi
og verður enn erfiðara þegar við höfum misst boltann út fyrir braut og við
stöndum á ójöfnu undirlagi. Jafnvægi fáum við með augum, innra eyra og
jöfnum vöðvastyrk. Hvernig getum við athugað hvort við höfum gott jafn-
vægi?
Stattu á öðrum fæti með opin augu og hendur með síðum, horfðu á sama
punkt og ekki sveigja líkamann til að halda jafnvægi. Nauðsynlegt er að gera
þessa æfingu fyrir báða fætur til að finna muninn. Þessa æfingu á að vera
hægt að gera í 30 sekúndur án þess að missa jafnvægið. Næsta skref er að
gera þessa sömu æfingu með lokuð augun. Þegar þú hefur náð jafnvæginu
í 30 sekúndur er kominn tími til að gera æfinguna aðeins erfiðari, standa á
dýnu eða einhverju sem gefur eftir og þar af leiðandi verður erfiðara að halda
jafnvæginu. Mikilvægt er að gera æfingu fyrir báða fætur og með opin og
lokuð augun.
Ef jafnvægi þitt lagast ekki við að gera þessar æfingar á hverjum degi þá
mæli ég með að þú leitir til sérfræðinga til að athuga sjón, heyrn og vöðva-
jafnvægi.“
Höfundur starfaði með PGA-golfkennaranum Justin Stout í Bandaríkjunum árið 2007 við
að hreyfi- og styrktargreina nemendur hans.
Jafnvægi
Magni M. Bernhardsson, kírópraktor með sérhæfingu í golfmeiðslum og öðrum íþróttameiðslum.
06 UNGIR OG EFNILEGIR íslenskir kylfingar munu leika í US Junior Masters mótinu sem fram fer á World
Junior Golf Series mótaröðinni á Ponte Vedra Beach í
Flórída dagana 20.-22. desember næstkomandi.
Í FYRSTA SINN á atvinnumannaferlinum hefur Tiger
Woods farið í gegnum keppnistímabil án þess að sigra mót.
Edwin Roald Rögnvaldsson
golfvallahönnuður hefur
vakið athygli margra þekkt-
ustu golfskríbenta heims
vegna róttækra hugmynda
um stöðu og framtíð golf-
íþróttarinnar. Hann segir
að átján holu golfvöllurinn
sé barn síns tíma og gefa
verði meira svigrúm í hönn-
un. Bandaríska golfsam-
bandið hefur lagt eyrun við.
Edwin telur að forsendur séu ekki
lengur fyrir því að halda úti golf-
völlum sem endilega þurfi að hafa
níu eða átján
holur. Hugar-
farsbreyting
verði að eiga sér
stað; að golfvell-
ir fái einfaldlega
að hafa þann
holufjölda sem
hentar aðstæð-
um. Segir Edwin
eftirsóknarvert
að golfvellir fái
hver að hafa
sinn holufjölda, til dæmis á bilinu
tólf til fimmtán holur, en að frelsi
í holufjölda sé þýðingarmest. „Við
verðum að venjast þeirri hugmynd
að golfhringur samanstandi af eins
mörgum holum og hentar umhverf-
inu á hverjum stað. Þetta auðveld-
ar golfklúbbum að laga sig að þörf-
um þeirra sem stunda íþróttina,“
segir Edwin.
Bandaríska golfsambandið lítur
til hugmynda Edwins með áhuga
og ekki að ástæðulausu. Á síðasta
ári var 140 golfvöllum í Bandaríkj-
unum lokað. Flestir eru sammála
um orsakir erfiðleikanna. Of lang-
an tíma tekur að leika hefðbund-
inn golfhring og kostnaðurinn er
of mikill.
Lagt hefur verið til að hefðbund-
inn golfhringur verði tólf holur.
Meðal þeirra sem það vilja er
hinn frægi Jack Nicklaus. Edwin
varar hins vegar við því að finna
nýja fasta tölu. Þá þyrfti til dæmis
að laga átján holu vellina að nýrri
reglu með tilheyrandi kostnaði og
óhagræði.
Það er kunnara en frá þurfi að
segja að golfvellir heimsins eru
hannaðir með gamla völlinn í St.
Andrews sem fyrirmynd. Edwin
segir að færri viti kannski að hinn
fornfrægi völlur var upphaflega 22
holur, en honum var breytt 1764.
Annar golfklúbbur í nágrenni St.
Andrews í Skotlandi var í upphafi
allt eins líklegur til að verða við-
mið íþróttarinnar á alþjóðavett-
vangi. Þeirra golfvöllur var aðeins
sjö holur.
Edwin telur að þessi þróun muni
eiga sér stað innan fárra áratuga,
hvort sem mönnum líki það betur
eða verr. Rekstarumhverfi golf-
klúbba og golfvalla verður sífellt
erfiðara vegna aukinnar áherslu
á umhverfisvernd og ýmissa tak-
markana sem koma til af þeim
sökum. Edwin telur að golfhring-
ur þurfi að komast aftur nær því
að vera um þriggja klukkustunda
afþreying því flestir hafi ekki
meiri tíma í nútíma samfélagi til
að geta stundað íþrótt sína eins oft
og þeir kjósa.
„Ég vil þó árétta að á Íslandi gilda
aðrar forsendur. Hér er enn tiltölu-
lega ódýrt að stunda golf. Birtutími
á Íslandi að sumarlagi gerir okkur
kleift að leika nánast allt það golf
sem við viljum eftir að vinnudegi
lýkur. Þetta geta flestir erlend-
ir kylfingar ekki. Svo er íslenskt
loftslag að mörgu leyti mjög hent-
ugt fyrir golf. Svalt sumar þýðir að
ekki þarf að setja upp stór og flók-
in vökvunarkerfi, sem í mörgum til-
vikum eru dýrari en heill golfvöllur
á Íslandi. Þetta, ásamt öðru, stuðlar
að því að á Íslandi er golf almenn-
ingsíþrótt, sem óx um fimm prósent
á fyrsta ári eftir bankahrun.“
svavar@frettabladid.is
Þarf golfvöllur að vera átján holur?
Jón Steinar Gunnlaugsson hæsta-
réttardómari stundar golfíþróttina af
miklum móð. Hann segir að það sé
ekki síst félagsskapurinn sem hann
sæki í því á golfvellinum hafi hann
rifjað upp gömul og góð kynni við
gamla vini.
Uppáhaldsgolfholan? Það er tólfta
holan á Korpunni. Umhverfið er
fallegt – trén og áin. Upphafshöggið
er þröngt, að vísu smá braggi á hægri
hönd sem skyggir á [Egilshöllin]
en aðkoman að flötinni er mjög
skemmtileg.
Besta skor á þá holu? Ég hef fengið
fugl á hana, geri ekki betur en það.
Forgjöfin? 18,4.
Hversu lengi hefur þú spilað golf?
Byrjaði vorið 2005. Hef verið mjög
duglegur að spila á sumrin. Ég hef
betri stjórn á tímanum yfir sumartím-
ann og spila þá grimmt.
Hverjir eru golffélagarnir? Spila
reglulega með gömlum kunningjum
og félögum úr Fram, Eyjólfur Berg-
þórsson kallaður Olli er límið í þeim
hópi. Þar spila meðal annars Pétur
Ormslev, Guðmundur Torfason og
Ásgeir Sigurvinsson.
Svo spila ég með Ólafi Berki
Þorvaldssyni og nokkrum félögum úr
lögfræðinni, Ólafi Gústafssyni æsku-
vini mínum, Guðmundi B. Ólafssyni,
Róberti Spanó, Þorgeiri Inga Njálssyni
og Heimi Erni Herbertssyni. Og þá
skal nú Björgvin Þorsteinsson frægan
telja, Hauk Örn Birgisson, lögmann
sem lýsir oft golfi á Stöð 2 sem og
Brynjar Níelsson, formann Lögmanna-
félagsins.
Þá spila ég stundum með Gunnari
V. Andréssyni ljósmyndara á Frétta-
blaðinu, Ólafi Tómasson trésmiði og
æskuvini, Gylfa Árnasyni forstjóra og
Brynjólfi Bjarnasyni hjá Skiptum. Ég er
nú ábyggilega að gleyma einhverjum í
upptalningunni.
Hvað spilar þú marga hringi á ári?
Ég er mjög duglegur að skrá hringina
og ég hef verið að spila um fimmtíu
hringi á ári. Ég held líka að ég sé
duglegri við að skrifa en flestir sem ég
spila með.
Hvað er í pokanum? Driverinn er tólf
gráðu King Cobra sem heyrist hátt
og snjallt í þegar ég hitti boltann.
Svo er ég með einhverja hálfvita, 22
gráðu og 25 gráðu, síðan er ég með
6-9 adams járn, í wedgum er það
paragon 52 og 56 gráðu. Svo er ég
með einn 64° ram wedge sem vinir
mínir gáfu mér í sextugsafmælisgjöf.
Þeim fannst fyndið að gefa mér svona
kylfu og voru að vonast til að ég
myndi slá aftur fyrir mig með henni.
Ég hef hins vegar stundum bjargað
mér með henni á ótrúlegan hátt og
þá hef ég hlegið að þeim.
Braggi skyggir á uppáhaldið
Jón Steinar Gunnlaugsson hæstaréttardómari spilar 50 hringi á ári
OFAN Í SKURÐI Jón Steinar Gunnlaugsson sést hér ofan í skurði sem liggur meðfram
fjórðu brautinni á Kili í Mosfellsbæ. Hann notaði 64 gráðu wedge og kom sér inn á
braut. FRÉTTABLAÐIÐ/GVA
K
Y
LF
IN
G
U
R
IN
N
HLÍÐARVÖLLUR Í MOSFELLSBÆ Þessi mynd birtist í umfjöllun Inside Golf um íslenskt golf, en Edwin var þar í viðtali við Jim
Claggett ritstjóra. Edwin hannar nýju holurnar á Hlíðarvelli sem senn verða teknar í notkun. MYND/EDWIN ROALD RÖGNVALDSSON
EDWIN ROALD
RÖGNVALDSSON
Agaleysi er mjög til vansa á íslenskum golfvöllum að sögn Hinriks
Gunnars Hilmarssonar, sem annast hefur eftirlit, vallarvörslu og
dómgæslu hjá Golfklúbbi Reykjavíkur. Eftirfarandi er gott að hafa
í huga:
1. Að mæta ekki eða mæta of seint á teig, þetta er ókurteisi við
meðspilara og er hluti af því agaleysi sem virðist loða við marga
íslenska kylfinga.
2. Umgengni mætti vera miklu betri. Ekki er óalgengt að sjá rusl
þar sem það á ekki að vera og verst af öllu eru sígarettustubbar
sem reykingafólk virðist halda að eyðist af sjálfu sér, sem er alls
ekki tilfellið.
Kylfingar mættu ganga betur um golfvellina með því að setja
torfusnepla aftur í far sitt og laga boltaför á flötum. Ekki er
óalgengt að vallarstarfsmenn lagi fjölda boltafara á hverjum
morgni. Dæmi er um að þeir hafi gert við
allt að 50 boltaför á einni flöt.
3. Kylfingar virða ekki þær leiðbeining-
ar sem settar eru upp á golfvöll-
um, til dæmis girðingar sem
stýra umferð eða eru settar upp
til að vernda svæði. Klofað er
yfir girðingar, þær rifnar upp og
ekki gengið frá þeim aftur. Þá eru
dæmi um það að kylfingar klofi
yfir girðingar við blómabeð með
misjöfnum árangri. Oft er
þetta gert til að spara sér
örfá skref.
Allt eru þetta atriði
sem auðvelt er að
laga.
Hollráð Hinna
Agaleysi 1