Fréttablaðið - 03.11.2010, Page 16

16 3. nóvember 2010 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
HALLDÓR
Það sem Íslendingar þurfa er sterkara atvinnulíf. Óvissa og óljós framtíð í
helstu atvinnugreinum landsins er óþol-
andi. Það er alið á tortryggni og andúð á
ákveðnum stéttum fólks. Niðurstaðan er
kyrrstaða í íslensku atvinnulífi.
Atvinnulífið í landinu líður fyrir sundr-
ungu í ríkisstjórninni. Ég vil ekki vera
neikvæð, neikvæðni er vont veganesti. En
atvinnulífið þolir ekki lengri stöðnun.
Sjávarútvegurinn hefur of lengi verið
bitbein í samfélaginu. Flestir gera sér full-
vel grein fyrir mikilvægi og nauðsyn þess
að ná sátt til langframa um þessa atvinnu-
grein. Niðurstaða meirihluta svonefndrar
sáttanefndar um sjávarútvegsmál á dög-
unum liggur fyrir. Mælt var með samn-
ingaleiðinni og að byggja skuli á ríkjandi
fiskveiðistjórnunarkerfi; kerfi sem hefur
aukið verðmæti íslenskra sjávarafurða og
leitt til þess að íslenskur sjávarútvegur, er
fyrirmynd annarra landa.
En hvað gerir ríkisstjórnin? Í stað þess
að grípa augljóst tækifæri og fara að til-
lögum sáttanefndarinnar, dregur ríkis-
stjórnin enn lappirnar. Hvers vegna? Var
kannski niðurstaðan henni ekki að skapi?
Var sáttanefndin bara sýndarmennska?
Óvissan hefur gert það að verkum,
að næstum engin fjárfesting eða fram-
kvæmdir eru innan atvinnugreinarinnar.
Allir halda að sér höndum, sem hefur í
för með sér minni atvinnu, meðal annars
fyrir lítil og meðalstór fyrirtæki sem veita
greininni þjónustu.
Þegar núverandi fiskveiðistjórnunar-
kerfi var sett á laggirnar var það umdeilt
og erfitt fyrir margra hluta sakir. Menn
greindi á um aðferðir við að skipta tak-
markaðri auðlind. Þeir sem lengi höfðu
stundað útgerð gátu ekki lengur fiskað
að vild. Það kallaði á mikla og sársauka-
fulla hagræðingu innan greinarinnar sem
margir virðast hafa gleymt.
Það kann að vera að hægt sé að gagn-
rýna hvernig þáverandi stjórnvöld stóðu
að breytingunum, en þær voru nauðsynleg-
ar. Fiskistofnarnir voru á niðurleið, sumir
segja að hruni komnir. Það þurfti að taka
ákvörðun um framtíð fiskveiða. Það varð
að takmarka veiðarnar. Það var gert þrátt
fyrir pólitískar óvinsældir. Þá höfðu menn
í huga að tryggja viðgang, verndun og hag-
kvæma nýtingu fiskistofnanna.
Málið er ekkert flóknara nú. Mikilvæg-
ast er fyrir heimilin og samfélagið allt
að koma atvinnulífinu af stað aftur. Hvað
sjávarútveginn varðar er málið einfalt.
Tillögurnar liggja fyrir. Það þarf ákvarð-
anir. Það þarf ríkisstjórn, sem þorir.
Sýndarmennska um sáttanefnd?
Stjórnmál
Þorgerður K.
Gunnarsdóttir
alþingismaður
Upplýsingar
Eftirfarandi mátti lesa á síðu Seðla-
bankans á mánudag: „Í samræmi við
bráðabirgðaákvæði laga um gjaldeyr-
ismál nr. 87/1992, með síðari breyt-
ingum, og ákvæði 17. gr. reglna nr.
370/2010, um gjaldeyrismál, hefur
Seðlabanki Íslands
lokið endurskoðun
á gildandi regl-
um nr. 370/2010,
um gjaldeyrismál,
sbr. auglýsingu nr.
843/2010, sem
birt var í B-deild
Stjórnartíðinda 29.
október 2010. Eins
og fram kemur
í auglýsingunni taldi Seðlabankinn
ekki þörf á að breyta núgildandi regl-
um og veitti efnahags- og viðskipta-
ráðuneytið samþykki sitt fyrir því,
með bréfi, dags. 27. október 2010.
Reglur nr. 370/2010, um gjaldeyris-
mál, haldast því óbreyttar.“
Slappt
Svona framsetning er vægast sagt
ferleg og í raun
móðgun við
fólk. Ríkis-
stofnunin
ætti að sjá sóma
sinn í að setja upplýs-
ingar sínar fram þannig að
sem flestir skilji.
Hall …eitthvað
Besta flokknum er annt um að sögu
kvenna sé gert hærra undir höfði í
Reykjavík. Í því skyni slær hann sér á
brjóst og sendir út fréttatilkynningu
um að nú sé í skoðun að setja
skjöld á styttuna af Ingólfi Arnar-
syni, þar sem segi: „Hallgerður
Fróðadóttir var fyrsta landnáms-
konan á Íslandi. Þetta er stytta
af manninum hennar.“ Vanda-
málið er bara það að eiginkona
Ingólfs hét Hallveig Fróðadóttir,
ekki Hallgerður. En það er
kannski aukaatriði, svo lengi sem
þetta er kvenmannsnafn.
bjorn@frettabladid.is
stigur@frettabladid.is
Fæst í HAGKAUP- Skeifunni, Kringlunni, Smáralind, Garðabæ, Akureyri
Heildsöludreifing: Vörusel ehf. – vorusel@gmail.com
Einstakir eiginleikar Ultra Aloe Vera
mýkir, nærir og gefur húðinni þann
raka sem hún þarf.
Mest selda fótakrem
í Bandaríkjunum
Hugsaðu vel um húðina...
...með Miracle of Aloe kremin sem virka
F
yrirlestur Michaels Porter, prófessors við Harvard-
háskóla, í Háskólabíói í fyrradag blés viðstöddum bjartsýni
í brjóst. Porter, sem er einn fremsti sérfræðingur heims á
sviði stefnumótunar og samkeppnishæfni þjóða, telur að
jarðvarmageirinn hér á landi geti orðið drifkrafturinn í
endurreisn efnahagslífsins. Virkjun jarðvarma í þágu orkufreks
iðnaðar – ekki þó endilega bara álvera – sé sá kostur sem geti skilað
Íslandi skjótustum ávinningi og jafnframt liggi gríðarleg tækifæri
í útflutningi tækni og þekkingar á sviði jarðvarma.
Michael Porter hvatti Íslend-
inga til að láta af sjálfsvorkunn-
inni, hætta að velta sér upp úr
kreppunni og hverjum hún væri
að kenna og horfa þess í stað
fram á veginn. Rannsóknir hans
og samstarfsmanna hans, í félagi
við fjölda íslenzkra fyrirtækja,
stofnana og háskóla, hafa sýnt
fram á að á sviði jarðvarmans, ekki sízt virkjunar háhitasvæða,
nýtur Ísland ákveðins samkeppnisforskots og orðstírs sem farið
hefur víða.
Porter hvatti stjórnvöld til að taka höndum saman við atvinnu-
lífið og marka stefnu, sem styddi við svokallaðan jarðvarmaklasa
á Íslandi sem samanstendur af orkufyrirtækjunum, fyrirtækjum
sem selja þeim þekkingu, tækni og ráðgjöf og menntastofnunum
sem sjá geiranum fyrir hæfu vinnuafli.
Porter og samstarfsmaður hans, Christian Ketels, bentu á hætt-
una sem það fæli í sér ef Íslendingar sætu eftir í þróun jarðvarma-
orku. Íslenzkir sérfræðingar í nýtingu jarðvarma væru eftirsóttir
og færu þá til erlendra fyrirtækja, sem nýttu þekkingu þeirra.
Prófessorinn hvatti meðal annars til þess að haldið yrði áfram að
efla samkeppni í orkuvinnslu innanlands, greitt yrði fyrir erlendum
fjárfestingum í orkugeiranum og regluverkið einfaldað.
Framtíðarsýn Porters er studd bæði rannsóknum og reynslu.
Hann segir réttilega að Íslendingar eigi að skammast sín, nýti þeir
ekki þau gífurlegu tækifæri sem liggi í jarðvarmageiranum.
Sú spurning vaknaði þó óhjákvæmilega í huga margra, sem
hlustuðu á Michael Porter, hvort rödd hans næði eyrum núverandi
ríkisstjórnar. Margt af því sem stjórnin aðhefst nú er þvert á þessa
framtíðarsýn. Síðast í Fréttablaðinu í dag lýsir Árni Þór Sigurðsson,
þingflokksformaður Vinstri grænna, því yfir að flokkurinn vilji
að ríkið eignist HS orku og beiti jafnvel eignarnámi til að útiloka
erlent eignarhald á fyrirtækinu, þótt nefnd á nefnd ofan hafi komizt
að þeirri niðurstöðu að slíkt stangist á við lög. Ekki verður séð að
það samrýmist áherzlu Porters á að efla nýsköpun með vaxandi
samkeppni í orkuvinnslu innanlands, þegar stefnt er að því að koma
henni allri í hendur hins opinbera á ný. Af sama toga er það þegar
VG reynir að leggja stein í götu fjárfestinga erlendra iðnfyrirtækja
og nánast allrar orkuvinnslu, hvaða nafni sem hún nefnist.
Að minnsta kosti annar stjórnarflokkurinn hefur engan áhuga á
framtíðarsýn í orkumálum, heldur vill halda jarðvarmageiranum í
fjötrum fortíðar – og skammast sín ekki einu sinni fyrir það.
Michael Porter blæs Íslendingum bjartsýni í
brjóst - en hlusta stjórnvöld á hugmyndir hans?
Jarðvarmaklasi í
fjötrum fortíðar?
Ólafur Þ.
Stephensen
olafur@frettabladid.is
SKOÐUN
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871