Fréttablaðið - 03.11.2010, Síða 40

20 3. nóvember 2010 MIÐVIKUDAGUR
Nú er ár liðið frá því að óskað var eftir að Eftirlitsnefnd
með fjármálum sveitarfélaga
færi í saumana á fjárreiðum
Sveitarfélagsins Álftanes og frá
áramótum hefur bæjarstjórn-
in starfað samkvæmt samningi
við fjárhaldsstjórn sem sveitar-
félaginu var skipuð af ráðherra.
Samningurinn rennur út nú í lok
október, svo það er ekki furða að
spurningin brenni á vörum.
Litlar sem engar upplýsingar
hafa verið gefnar um gang mála.
Af fundargerð bæjarstjórnar,
þann 29. júní, má sjá að bæj-
arstjórn valdi fulltrúa í nefnd
sem á að reyna að gera samn-
ing við bæjarstjórn Garðabæjar
og í framhaldi af því að móta til-
lögu um sameiningu bæjarfé-
lagana. Af óskýrðum ástæðum
ákvað meirihluti bæjarstjórnar
að hafna boði Reykvíkinga um
viðræður um sameiningamál.
Þann 28. september var gerð
fyrirspurn á bæjarstjórnarfundi
og óskað upplýsinga um hvernig
liði undirbúningi að tillögu um
sameiningu. Lítið varð um svör,
en forseti bæjarstjórnar sagði að
vinnan gengi vel og taldi mikl-
ar líkur á að tillaga um samein-
ingu lægi fyrir innan skamms.
Þar gætir ósamræmis við álit
Garðbæinga, því bæjarstjóri
þeirra hafði lýst því yfir í við-
tali við RÚV í vikunni áður, 21.
september, að hann teldi ekki lík-
legt að Garðbæingar myndu sam-
þykkja tillögu um sameiningu
sveitarfélaganna. Hann sagði
litla ástæðu til að efna til kosn-
inga um slíka tillögu nema ríkið
kæmi fyrst að málum og létti á
skuldbindingum sveitarsjóðs
Álftanesinga. Lái þeim hver sem
vill, því hvaða hag ættu Garð-
bæingar að sjá sér í að taka við
skuldum Álftnesinga, vitandi að
reglulegar tekjur bæjarfélags-
ins duga ekki fyrir útgjöldum.
Þannig hefur það verið í lang-
an tíma og verður áfram nema
rekstrarforsendum verði breytt.
Eina fyrirliggjandi áætlunin
um aðgerðir til að skapa sjálf-
stæðan rekstrargrundvöll fyrir
byggðarlagið gerir ráð fyrir
uppbyggingu þjónustukjarna
á Álftanesi og að búa í haginn
fyrir atvinnu í kringum ferða-
þjónustu og fræðslustarfsemi.
Hugmyndin er að nýta sérstöðu
Álftaness sem felst í spennandi
náttúru, miklum tengslum við
sögu þjóðarinnar og síðan en
ekki síst mannauði og öflugum
hópi listamanna í byggðarlag-
inu. En, svo má spyrja af hverju
Garðbæingar ættu að sjá hag af
því að styrkja slíka uppbyggingu
út á Álftanesi, nú þegar þeir eru
að basla við að leysa áform um
endurnýjun miðsvæðis byggð-
arinnar heima fyrir. Kannski er
það hvorki hagur Garðbæinga né
Álftnesinga að þessi sveitarfélög
sameinist. Það er nokkuð aug-
ljóst af framansögðu að í nafni
hagræðingar munu Álftnesingar
frekar missa þá nærþjónustu sem
fyrir er á nesinu heldur en að það
sé líklegt að hún eflist með sam-
einingu við Garðabæ. Þó ekki sé
langt að fara Álftanesveginn, þá
verður það leiðigjarnt að skreppa
sí og æ eftir einhverju smáræði,
og auk þess kostar það sitt. Í því
sambandi er við hæfi að minn-
ast þess að það var fyrir þrýst-
ing frá sveitarstjórn Garðabæjar
að dregið var úr ferðum strætis-
vagna út á nesið, en kostnaður af
þeim akstri var að stórum hluta
greiddur úr sveitarsjóði Garð-
bæinga vegna þess að vagninn
ekur mestan hluta leiðarinnar
innan þeirra sveitarmarka.
Fjallað er nánar um þessi mál,
staðreyndir og rökstuddar vanga-
veltur, í skrifum fyrrverandi
formanns skipulags- og bygg-
inganefndar á Álftanesi, á http://
alftaneshreyfingin.blog.is.
Hvað á að verða um Álftnesinga?
Sveitarstjórnarmál
Kristinn
Guðmundsson
Álftnesingur
Fermingarbörn hafa boðið sig fram. Ekki til stjórnlaga-
þings, ekki til Alþingis heldur til
að hjálpa náunga sínum í Afríku.
Þau hafa ekki boðað til funda og
umræðna, til stefnumörkunar
og áætlana um hvað skal gera í
framtíðinni heldur framkvæma
þau strax.
Fermingarbörn um allt land
munu 1.-9. nóvember banka upp
á hjá landsmönnum og leita eftir
stuðningi við vatnsverkefni Hjálp-
arstarfs kirkjunnar í Afríku. Þau
banka upp á og kynna stefnumál
sitt, að hjálpa jafnöldrum sínum
í Afríku sem margir hverjir hafa
ekki aðgang að hreinu vatni. Síðan
bjóða þau þér að gera eitthvað í
málinu með því að leggja þitt af
mörkum í merkta og innsiglaða
bauka frá Hjálparstarfinu.
Mörg fermingarbarnanna hafa
hlustað á Stephen og Charity,
góða gesti frá Úganda sem hafa
sagt frá lífi sínu og uppvexti,
hvernig þau urðu bæði munað-
arlaus vegna þess að foreldr-
ar þeirra dóu úr alnæmi. Erf-
iðri lífsbaráttu þar sem vatn og
matur var af skornum skammti
og hvernig stuðningur í gegnum
vatnsverkefni Hjálparstarfsins
hefur gefið von og bætt aðstæður
til muna.
„Þau eru svo elskuleg og áhuga-
söm,“ sagði Charity um ferming-
arbörnin „og ótrúlega fórnfús og
umhugað um að koma jafnöldrum
sínum í fjarlægri álfu til hjálpar.
Ég er lifandi dæmi um árangur-
inn. Án stuðnings Hjálparstarfs
kirkjunnar væri ég enn þá fátæk
ómenntuð stúlka með litla mögu-
leika til betra lífs. En í dag er ég í
háskólanámi og vonast eftir góðu
starfi og þar með betra lífi fyrir
mig og yngri systkini mín sem ég
ber ábyrgð á.“
Tökum framboði fermingar-
barnanna vel, þau eru traustsins
verð, styðjum stefnumál þeirra
og leggjum okkar af mörkum.
Nýtt framboð
Hjálparstarf
Bjarni
Gíslason
fræðslu- og
upplýsingafulltrúi
Hjálparstarfs
kirkjunnar
AF NETINU
Þjóðstjórn: rusl batnar ekki við aukið magn
Hugmyndir um þjóðstjórn allra flokka er samsæri gegn almenningi.
Þjóðin vill ná í skottið á spilltum stjórnmálamönnum í kosningum. Ef svar
stjórnmálamanna er að rotta sig saman í þjóðstjórn er almenningi sýndur
fingurinn. Eina rökrétta afleiðingin af lögmætiskreppu stjórnmálastéttarinnar
er kosningar. Skynsamasta leiðin er að ríkisstjórn Jóhönnu Sig. segi af sér og
starfsstjórn Vinstri grænna taki við í þrjá til fimm mánuði en þá verði kosið
til alþingis.
pallvil.blog.is
Páll Vilhjálmsson
saltdreifarar
Vesturhrauni 3 · 210 Garðabæ.
Sími 480-0000 · www.aflvelar.is
- sala
- varahlutir
- þjónusta
Meira í leiðinniWWW.N1.IS / SÍMI 440 1000
Spennan magnast áfram í N1 deildinni. Við á N1 hvetjum
alla unnendur skemmtilegs handbolta til að mæta nú á
völlinn og styðja sitt lið til sigurs. Góða skemmtun!
HAFÐU AUGUN
Á BOLTANUM!
N1 DEILD KVENNA
Valur - Fylkir Vodafone höllin 3. nóv. kl. 19:30
Grótta - Stjarnan Seltjarnarnes 3. nóv. kl. 19:30
Fram - ÍR Framhús 3. nóv. kl. 20:00
Haukar - HK Strandgata 3. nóv. kl. 20:30
N1 DEILD KARLA
Valur - Akureyri Vodafone höllin 4. nóv. kl. 18:30
FH - Fram Kaplakriki 4. nóv. kl. 19:30
Afturelding - HK Varmá 4. nóv. kl. 19:30
Haukar - Selfoss Ásvellir 6. nóv. kl. 15:45
N1 DEILD KVENNA – 6. umferð
ÍBV - HK Vestmannaeyjar 6. nóv. kl. 13:00
ÍR - Valur Austurberg 6. nóv. kl. 16:00
FH - Fram Kaplakriki 6. nóv. kl. 16:00
Fylkir - Grótta Fylkishöll 7. nóv. kl. 16:00