19. júní - 19.06.1963, Blaðsíða 49
HALLVEIGARSTAÐIR
Það hefur lengi verið óskadraumur íslenzkra
kvenna, að eignast heimil'i fyrir hina marghátt-
uðu félags-starfsemi sína. En það sefur gengið illa
og hafa alls konar og útrúlegustu erfiðleikar og ó-
höpp verið þess valdandi. Nú hefur þó loks rofað
til í þessu byggingarmáli, og er bygging hússins
hafin á lóð stofnunarinnar við Garðastræti mil'li
Túngötu og Öldugötu.
Kvöð þeirri, sem á lóðinni hvíldi hefur verið
aflétt að undangengnum dómi og skaðabóta-
máli. Byggingarfélagið „Verklegar framkvæmd-
ir“ hafa tekið að sér að steypa húsið upp og ganga
frá öllu utan húss. Er áætlað að því verki verði
lokið á þessu sumri.
Þar sem bygging hússins af óviðráðanlegum á-
stæðum hefur dregist svo lengi, hefur það leitt
til þess, að teikningar og jafnvel sjálf hugmynd-
in um Hallveigarstaði er orðin úrelt og á eftir
tímanum, bæði vegna breyttra þjóðfélagshátta og
ýmissa annarra aðstæðna. Þurfti því málið end-
urskoðunar við.
Eftir nána og rækilega athugun komst fram-
kvæmdastjórn Hallveigarstaða að þeirri niður-
stöðu, að heppilegast yrði að hverfa frá hinni
upphaflegu hugmynd um stórhýsi, sem jafnframt
yrði að nokkru leyti hótel, en að byggt yrði félags-
heimili fyrir starfsemi kvenfélaganna og kven-
félagasamtakanna í landinu.
I húsinu verða góðir salir fyrir félagsfundi og
skrifstofuherbergi fyrir þau félög og félagasam-
tök, sem leitað hafa eftir því, einnig fullkomið
eldhús, svo að góð aðstaða verður til veitinga.
Þá er ætlunin að í húsinu verði pláss fyrir ým-
ir konar starfsemi, svo sem tómstundaiðju fyrir
ungar stúlkur o.fl.
Hús þetta mun bæta úr brýnni þörf, því að
kvenfélögin hafa oft og tíðum verið í vandræðum
með að fá húsnæði fyrir fundarhöld sín og starf-
semi.
Hallveigarstaðir eru sjálfseignarstofnun, og er
stjórn hennar þannig skipuð:
Þrjár konur kosnar af Kvenfélagasambandi ís-
lands, þrjár konur kosnar af Kvenréttindafélagi
íslands, ein kona skipuð af ríkisstjórninni, ein
kona frá borgarstjórn Reykjavíkur, og ein kona
frá konum í Alþýðusambandi íslands. Hallveig-
arstaðir hafa alltaf átt sína vini og velunnara, og
hafa þeim oft borist stórgjafir. Nú síðast fyrir
nokkrum dögum barst höfðingleg gjöf, er Ragn-
heiður Runólfsdóttir, kaupmaður, Hafnarstræti 16
hér í bæ, sem andaðist 16. marz síðastliðinn arf-
leiddi stofnunina að, 10 þús. kr. Aður hafði Þór-
unn Jónsdóttir kaupmaður, Klapparstíg 1 arf-
leitt stofnunina að 5 þúsund kr., og nokkru þar
áður hafði Soffía Bertelsen arfleitt Hallveigar-
staði að rúmlega 10 þús. kr.
Allar þessar stóru gjafir og þann hug til Hall-
veigarstaða, sem þeim fylgdi, vill framkvæmda-
stjórnin þakka, og blessar minningu þessara góðu
kvenna. Þá vill og framkvæmdastjórnin að þessu
gefnu tilefni hvetja allar íslenzkar konur til að
vera nú samtaka um að koma húsinu upp og það
sem fyrst. Þetta má ekki og getur ekki dregist
lengur. Það væri ekki vanzalaust fyrir íslenzkar
konur, ef þær ekki gætu lyft því Grettistaki, sem
það óneitanlega er að koma þesu húsi upp. Þær
hafa gert annað eins, aðeins ef vilji og áhugi er
fyrir hendi.
form. framkvstjórnar Hallveigarstaða.
Kristín L. Sigurðardóttir,
f >>
Menningar- og minningarsjóður
kvenna
Umsóknir um styrk úr sjóðnum fyrir yfir-
standandi ár þurfa að berast fyrir 15. júlí
næstkomandi. Eyðublöð fyrir umsóknir fást
í skrifstofu sjóðsins að Laufásvegi 3, sími
18156. Skrifstofan er opin fimmtudaga kl. 4
—6. Utanáskrift sjóðsins er: Menningar- og
minningarsjóður kvenna, pósthólf 1078.
Stjorn Menningar- og
minningarsjóðs kvenna
V__________________________________________/
19. JÚNÍ
47