Fréttablaðið - 02.12.2010, Blaðsíða 30
30 2. desember 2010 FIMMTUDAGUR
Yfirburðir
Fréttablaðsins
staðfestir!
Skörun blaðalesturs að meðaltali á dag, mán.-lau., höfuðborgarsvæðið 18-49 ára.
Heimild: Blaðakannanir Capacent ágúst – október 2010.
Lesa bæði
Fréttablaðið og
Morgunblaðið
Lesa bara
Morgunblaðið
Lesa bara
Fréttablaðið
67,9% 5,5%
26,6%
Fréttablaðið er sem fyrr mest lesna dagblað landsins
með glæsilegt forskot á samkeppnisaðila sinn eins
og síðasta könnun Capacent Gallup sýnir ótvírætt.
Allt sem þú þarft...
Auglýsing í
Fréttablaðinu
nær til yfir
94%
lesenda
blaðanna
Eru Vinstri græn á móti gagnaverum?
Undanfarin fjögur ár hefur verið unnið að því að mark-
aðssetja Ísland sem ákjósanlegan
stað fyrir uppbyggingu gagnavera.
Kostir landsins eru margir, s.s.
velmenntað og vinnusamt starfs-
fólk, öflugar gagnatengingar til
Evrópu og Bandaríkjanna, hrein
græn orka, milt loftslag og nægt
land undir gagnaverin. Það hefur
verið opinber stefna núverandi og
fyrri ríkisstjórna að laða gagna-
ver til landsins. Á grunni þeirra
stefnu hefur verið lagt út í millj-
arða fjárfestingar í gagnasam-
böndum til og frá landinu og hafn-
ar eru framkvæmdir við byggingu
gagnavera sem selja eiga erlend-
um fyrirtækjum þjónustu sína.
Ójöfn samkeppnisstaða
Kostir Íslands eru það miklir að
erlendir sérfræðingar hafa spurt
af hverju gagnaversiðnaðurinn
hafi ekki nú þegar náð að skjóta
styrkum rótum á Íslandi. Með
réttu gætu nokkur stór gagnaver
þegar verið starfrækt hér á landi
með fjölda manns í vinnu, ef vel
hefði verið á málum haldið.
Svarið er einfalt. Rekstrar-
umhverfi íslenskra gagnavera
er ekki samkeppnishæft við
umhverfi gagnavera í Evrópu.
Íslensk gagnaver og viðskipta-
vinir þeirra búa við tvísköttun,
annars vegar þegar netþjónar eru
fluttir til landsins og hins vegar
þegar þjónusta gagnavera er flutt
úr landi og seld til erlendra við-
skiptavina. Einnig eru gerðar
ríkar kröfur um að viðskiptavin-
ir gagnaveranna stofni til fastrar
starfstöðvar á Íslandi með tilheyr-
andi kostnaði. Gagnaver innan
Evrópusambandsins (ESB) búa
því við mun hagstæðara rekstr-
arumhverfi.
Engar skattaívilnanir
Samtök gagnavera hafa um nokk-
urt skeið sóst eftir því að lagaum-
hverfi íslenskra gagnavera verði
nútímavætt þannig að þau geti
mætt samkeppni gagnavera innan
Evrópusambandsins (ESB) á jafn-
ræðisgrunni. Markmiðið er ekki að
skapa iðnaðinum skattalegar íviln-
anir heldur eingöngu að tryggja að
samkeppnisstaða íslenskra gagna-
vera verið jöfn gagnaverum innan
ESB. Samtökin hafa lagt fyrir fjár-
málaráðuneytið ítarlegar tillög-
ur um þær breytingar sem gera
þarf á lögum um virðisaukaskatt
og tekjuskatt svo þessu megi ná
fram. Í öllum tilfellum hafa tillög-
urnar verið rökstuddar með for-
dæmum frá ríkjum innan Evrópu-
sambandsins.
Stefna án innihalds?
Nýlega lagði Steingrímur J. Sigfús-
son, fjármálaráðherra, fram frum-
varp um breytingar á lögum um
virðisaukaskatt sem jafna á sam-
keppnisstöðu íslenskra gagnavera
með því að tryggja að útflutt þjón-
usta þeirra sé undanþegin virð-
isaukaskatti. Í greinargerð með
lögunum er að finna ýtarlega skil-
greiningu á því hvaða þjónusta
gagnavera sé undanþegin virðis-
aukaskatti og hvaða þjónusta sé
það ekki. Þannig er gert ráð fyrir
því að hýsingarþjónusta gagnavera
sé skilgreind sem aðstöðuleiga, og
því ekki undanþegin VSK á meðan
gagnavinnsla er skilgreind sem
útflutt þjónusta og því undanþeg-
in VSK.
Við fyrstu sýn kann að virðist að
með þessari aðgreiningu hafi fjár-
málaráðuneytið viljað hámarka
skatttekjur landsins með því að
tryggja að verðmætasköpun færi
sem mest fram á Íslandi í tengslum
við gagnaverin. Tilgangurinn er þó
sennilega annar því í frumvarpinu
er gert ráð fyrir að þrátt fyrir að
viðskiptavinum sé seld þjónusta á
sviði gagnavinnslu án VSK þurfi
samt að greiða virðisaukaskatt af
hýsingarþjónustunni.
Ójafnri stöðu íslenskra gagna-
vera er því viðhaldið með núver-
andi frumvarpi. Því er rétt að
spyrja hvort Vinstri græn séu á
móti uppbyggingu gagnaversiðnað-
arins hér á landi? Ef svo er þá væri
mun eðlilegra að koma hreint til
dyranna og lýsa því yfir að íslensk
stjórnvöld hafi ekki huga á að laða
þessa starfsemi til Íslands. Það
mun spara íslenskum frumkvöðl-
um, sem linnulaust hafa unnið
að því að laða erlent fjármagn til
landsins, mikla fjármuni og orku.
Hugsunarvillan
Erlendir viðskiptavinir íslensks
sjávarútvegsfyrirtækis, stoðtækja-
framleiðanda eða álvers eru ekki
skattlagðir líkt og stefnt er að í til-
felli gagnavera í frumvarpi fjár-
málaráðherra. Þannig eru erlend-
ir viðskiptavinir HP Granda ekki
sérstaklega skattlagðir þegar hrá
eða fullunnin matvæli eru seld
úr landi. Þessari meginreglu er
hins vegar kollvarpað í frumvarpi
fjármálaráðherra. Tryggja á sér-
tækar skatttekjur af erlendum
viðskiptavinum íslensku gagna-
veranna með því að neyða gagna-
verin til að leggja virðisaukaskatt
á þá þjónustu sem seld er út fyrir
landsteinanna. Áhrif þessa verða
að gagnaversiðnaðurinn mun ekki
skapa ný störf og engar nýjar tekj-
ur né skatttekjur verða til.
Verndun lífsgæða
Til að vernda og auka lífsgæði
Íslendinga þarf að auka getu
samfélagsins til að skapa verð-
mæti. Vegna sérstöðu Íslands
og þeirra landkosta sem land-
ið hefur upp á að bjóða getur
gagnaversiðnaðurinn leikið mik-
ilvægt hlutverk í endurreisn
íslensks samfélags. Ef rekstrar-
umhverfi íslenskra gagnavera er
gert samkeppnishæft mun hér á
landi rísa öflugur útflutningsiðn-
aður sem skapar fleiri hundruð
störf og aflar landi og þjóð mik-
ilvægra gjaldeyristekna. Íslenska
ríkið og sveitarfélögin munu inn-
heimta tekjuskatt, bæði af starf-
semi gagnaveranna sjálfra sem
og tekjuskatt af starfsmönnum
gagnaveranna, fasteignaskatt,
gatnagerðargjöld og orkuskatta
eftir því sem við á.
Uppbygging þekkingarkjarna
Í stað þeirrar orku, sem hefur
farið í að breyta rekstrarum-
hverfi gagnavera, væri mun væn-
legra ef iðnaðurinn og stjórn-
völd tækju höndum saman um
að móta sameiginlega stefnu um
hvernig hámarka megi þau verð-
mæti sem verða til hér á landi í
tengslum við gagnaverin. Megin
viðfangsefni slíkrar vinnu væri
að tryggja að hér á landi verði
til þekkingarkjarnar sem laði að
erlenda fjárfestingu og ýti undir
verðmætasköpun og útflutning
þjónustu.
Samtök gagnaversfyrirtækja
hvetja Alþingi til að gera breyt-
ingar á frumvarpi fjármálaráð-
herra og að flýta þannig fyrir
vexti gagnaversiðnaðarins.
Gagnaver
Friðrik Þór
Snorrason
framkvæmdastjóri
Skyggnis
Í frumvarpinu er gert ráð fyrir að þrátt
fyrir að viðskiptavinum sé seld þjónusta
á sviði gagnavinnslu án VSK þurfi samt
að greiða virðisaukaskatt af hýsingarþjónustunni.
Ójafnri stöðu íslenskra gagnavera er því viðhaldið
með núverandi frumvarpi.