Fréttablaðið - 02.12.2010, Blaðsíða 66

50 2. desember 2010 FIMMTUDAGUR
Jim Carrey féllst á umtalsverða launalækkun til að
geta leikið í kvikmyndinni I Love You Phillip Morr-
is á móti Ewan McGregor. Carrey hefur um árabil
verið meðal launahæstu leikara Hollywood en sagð-
ist í samtali við Parade-tímaritið að hann elskaði
að leika í ögrandi og áhugaverðum myndum. „Það
voru ekkert alltof mörg handrit sem ég fékk upp
í hendurnar og langaði til að leika í en þetta
var eitt þeirra. Ég elska náungann sem
ég leik í þessari mynd og hata hann um
leið,“ segir Carrey en myndin segir frá
svikahrappnum Steven Jay Russell sem
verður ástfanginn af klefafélaga sínum
í fangelsi.
Lækkaði launin
LAUNALÆKKUN Jim Carrey lækkaði launin svo
hann gæti leikið í I Love You Phillip Morris.
Johnny Depp viðurkennir í samtali við Vanity Fair
að draumahlutverk hans sé danski prinsinn
Hamlet úr leikverki William Shakespeare.
Hann skuldi reyndar hinum sáluga Marlon
Brando að leika þetta hlutverk. „Brando sagði
við mig að ég ætti að taka mér frí í ár og stúdera
Shakespeare. Eða stúdera Hamlet. Allavega,
ég ætti að leika Hamlet áður en ég yrði of
gamall,“ segir Depp í samtali við Vanity
Fair og bætir því við að hann langi mikið
til að uppfylla þennan draum síns látna
vinar.
Dreymir um Hamlet
LANGAR Í HAMLET Johnny Depp
dreymir um að leika Hamlet eftir
William Shakespeare.
Anne Hathaway og James Franco verða kynnar á
næstu Óskarsverðlaunahátíð. Þetta kom fram í til-
kynningu frá framleiðendum hátíðarinnar, þeim
Bruce Cohen og Don Mischer. Flestir tóku frétt-
unum fagnandi enda hefur það verið hefð að mið-
aldra stjörnur á borð við Hugh Jackman, Steve
Martin, Alec Baldwin og David Letterman haldi
uppi stuðinu. Nú á hins vegar að reyna að yngja
Óskarinn upp með yngri kynnum og vonast fram-
leiðendurnir til þess að unga kynslóðin í Ameríku
kynnist þessum merkilegu og frægu kvikmynda-
verðlaunum sem hún hefur hingað til hundsað
nánast algerlega.
En Óskarsakademían gæti verið í eilitlum vand-
ræðum. Anne Hathaway þykir sýna fína takta í
kvikmyndinni Love and other Drugs þar sem hún
leikur á móti Jake Gyllenhaal og sumir gagnrýn-
endur hafa jafnvel gengið svo langt að orða
hana við Óskarinn. Valið á James Franco
þykir hins vegar enn merkilegra þar sem
hann hefur fengið frábæra dóma fyrir
leik sinn í Danny Boyle-myndinni 127
Hours en þar leikur hann fjallgöngu-
mann sem sker af sér handlegginn undir
ljúfum tónum Sigur Rósar.
Hathaway og Franco hafa bæði stýrt
Saturday Night Live og leikkonan
átt mjög eftirminnilegt atriði á
Óskarnum fyrir tveimur árum
þegar hún söng með Hugh Jack-
man. Þau hafa einnig kynnt
sigurvegarana á Óskarnum en
hvorugt hefur stýrt jafnstórri
athöfn áður.
Óskar frændi skýtur sig í fótinn> VILL INDVERSKAR
Freida Pinto vill taka þátt í
sjálfstæða kvikmyndageiran-
um á Indlandi. Freida, fræg-
ust fyrir hlutverk sitt í Slumd-
og Millionaire, segir margar
góðar kvikmyndir gerðar víðar
en í Bollywood og hana langi
mikið til að vera hluti af þeim
iðnaði.
Fjölbreytni ræður ríkjum í kvikmyndahúsum borg-
arinnar þótt myndir vikunnar séu ekki í hæsta
gæðaflokki hjá erlendum kvikmyndaveit-
um. Fyrst ber þó að nefna The Joneses með
þeim David Duchovny og Demi Moore
eftir leikstjórann Derrick Borte. Hug-
myndin á bak við myndina er nokkuð
skondin en hún segir frá fjögurra
manna fjölskyldu sem flytur
í glæsilegt úthverfi. Eigin-
maðurinn á allt dót heims-
ins, eiginkonan er glæsi-
leg með lögulegar línur
og krakkarnir snilling-
ar á sínu sviði, sonurinn
kann öll réttu trixin á
hjólabrettinu og dóttir-
in veit nákvæmlega hvar
flottustu fötin fást. Það
er bara eitt; þau eru
ekki fjölskylda heldur
útsendarar stórfyrir-
tækja sem eru gerðir
út af örkinni til að selja
ríku fólki allt milli
himins og jarðar.
Kvikmyndin Faster skartar Dwayne „The Rock“
Johnson í aðalhlutverkinu. Hann leikur glæpamann
sem er nýsloppinn úr fangelsi og hyggst hefna bróð-
ur síns en sá var drepinn af miskunnarlausu glæpa-
gengi. Dwayne er dyggilega studdur af
gæðaleikaranum Billy Bob Thornton og
þokkadísinni Cörlu Gugino. Þriðja mynd-
in sem verður frumsýnd um helgina
heitir Life as We Knew It. Hún skart-
ar Katherine Heigl og Josh Duhamel
í aðalhlutverkum. Þau leika Holly og
Eric sem eiga fátt sameiginlegt,
hún á bakarí, hann er ráðgjafi
hjá NBA-liðinu Atlanta Hawks.
Þegar sameiginlegir vinir
þeirra láta lífið í bílslysi neyð-
ast þau hins vegar til að snúa
bökum saman og ala upp barn-
unga dóttur vina sinna.
Harðhausastuð og rómantík
HARÐHAUSINN OG SÖLUFULL-
TRÚINN Dwayne Johnson hyggur
á hefndir í Faster sem verður
frumsýnd um helgina, Demi
Moore selur hins vegar allt í
The Joneses.
Leslie Nielsen lést á sunnu-
daginn, 84 ára að aldri.
Leslie var konungur fimm-
aura-brandaranna, skop-
stælinga og aulahrollsins og
það er erfitt að sjá einhvern
feta í fótspor hans.
Sá sem hefur ekki séð fyrstu
Naked Gun-myndina hefur ein-
faldlega farið á mis við eitthvað
í lífinu. Hún er án nokkurs vafa
besta skopstæling (spoof) sem gerð
hefur verið í Hollywood og mættu
höfundar Movie-myndaflokksins
taka hana sér til fyrirmyndar í
stað þess að angra kvikmyndagesti
með skelfilegum leiðindum. Leslie
Nielsen gerði þar Frank Drebin,
seinheppinn lögreglumann frá Los
Angeles, ódauðlegan. Svo ekki sé
minnst á þátt Priscillu Presley eða
O.J. Simpson. Svipbrigði Nielsens,
eða réttara sagt svipbrigðaleysi,
kitluðu hláturtaugar kvikmynda-
gesta, sérstaklega þegar honum
tókst að framkvæma eitthvað ákaf-
lega heimskulegt, án þess að gera
sér grein fyrir því.
Nielsen byrjaði engu að síður
feril sinn sem „alvarlegur“ leikari
og fékk fína dóma fyrir leik sinn
í Forbidden Planet frá árinu 1956
en hún var vísindaskáldsöguleg
útgáfa af Ofviðrinu eftir William
Shakespeare. Hann lék einnig stórt
hlutverk í The Poseidon Adventure
þar sem Ernest Borgnine og Gene
Hackman voru aðalstjörnurnar.
Það var hins vegar kvikmyndin
Airplane frá árinu 1980 sem gerði
Leslie að stórstjörnu. Þar birtist
vörumerki hans fyrst, alvarlegur
í bragði sagði hann frá einhverju
skelfilegu og skaut fram einhverju
súrrealísku og bráðfyndnu: „Sur-
ely you can‘t be serious?“ Og Les-
lie svaraði að bragði: „I am seri-
ous. And don‘t call me Shirley.“
Airplane ruddi jafnframt brautina
fyrir skopstælingar enda leituðust
framleiðendurnir Jim Abrahams,
Konungur kjánahrollsins
KYNNAR Anne Hathaway og James
Franco verða kynnar á næstu Óskars-
verðlaunahátíð. Tími miðaldra stjarna í
þessu hlutverki er því liðinn í bili.
David Zucker og Jerry Zucker við
að gera gys að hamfarakvikmynd-
um á borð við Zero Hour! og Air-
port sem höfðu notið mikilla vin-
sælda.
Nielsen þótti standa sig svo vel
í Airplane að hann fékk aðalhlut-
verkið í sjónvarpsþáttunum Pol-
ice Squad eftir sömu framleiðend-
ur. Þeir voru sýndir við mismiklar
vinsældir í tvö ár en sex árum
eftir að hætt var við framleiðslu
þeirra mættu þeir Jim Abrahams,
David Zucker og Jerry Zucker með
fyrstu Naked Gun-myndina sem
fékk áhorfendur til að veltast um
af hlátri. Það fjaraði hins vegar
fljótlega undan ferli Leslie Nielsen
eftir þá mynd, Naked Gun 2 1/2 var
ágæt en þriðja myndin skelfileg. Í
kjölfarið fór hann birtast í virki-
lega vondum b-myndum og undir
lokin var Leslie Nielsen farinn
að auglýsa heita potta sem meðal
annars voru til sölu hér á Íslandi.
Þrátt fyrir það verður hans alltaf
minnst sem konungs aulabrandar-
ans, leikarans sem fékk fólk til að
hlæja að lélegum bröndurum.
freyrgigja@frettabladid.is
… gekk fjórum sinnum í hjónaband
… var í konunglega kanadíska flugflotanum
… brá fyrir í yfir hundrað myndum
… lék í fimmtán hundruð sjónvarpsþáttum
… brá sér í 220 mismunandi gervi
… var tvívegis tilnefndur til Emmy-verðlauna
ÞAÐ SEM ÞÚ VISSIR EKKI UM LESLIE NIELSEN
SNILLINGUR?
Leslie Nielsen
fengi seint Óskar-
inn fyrir leik sinn
sem Frank Drebin í
Naked Gun-mynd-
unum en honum
tókst að fá fólk til
að hlæja að léleg-
um bröndurum.
NORDIC PHOTO/GETTY IMAGES
Jólahlaðborð á Lækjarbrekku
Bókið tímanlega í síma 551 4430, hópabókanir í síma 665-0555
www.laekjarbrekka.is

bio@frettabladid.is