Fréttablaðið - 02.12.2010, Blaðsíða 53
FIMMTUDAGUR 2. desember 2010 37
Nýlega var í fjölmiðlum fjallað um vanda fjölskyldu á Akur-
eyri sem á fatlaðan dreng. Vandi
af þessu tagi er algengur á Íslandi.
Húsnæði er oft mjög óaðgengilegt
fyrir hreyfihamlað fólk. Mikið
er um tröppur, bæði utanhúss og
innan, mörg hús eru byggð á pöll-
um og í lægri blokkum eru ekki
lyftur. Algengt er að tröppur séu
inn í hús. Ef hreyfihamlað fólk
vill búa í eldri hluta Reykjavíkur-
borgar er nánast ekkert húsnæði
til sem er aðgengilegt nema nýju,
háu blokkirnar á Skúlagötunni.
Engin aðstoð er frá hinu opin-
bera til að gera endurbætur á hús-
næði nema hægt er að fá hærri lán
hjá Íbúðalánasjóði á sömu kjörum
og önnur lán. Algengt er að ef fæð-
ist hreyfihamlað barn í fjölskyldu
eða einhver fjölskyldumeðlimur
slasast eða veikist að gera þurfi
endurbætur á húsnæði eða að fjöl-
skyldan þarf að flytja ef ekki er
unnt að breyta húsnæðinu.
Oft þarf að stækka baðherbergi,
breikka dyr og opna rými. Ef fólk
fatlast eða foreldrar eignast fatl-
að barn þýðir það oftast samdrátt
í tekjum fjölskyldunnar því for-
eldrar geta ekki unnið jafn mikið
og áður. Foreldrar fá umönnunar-
greiðslur en ef útgjöld eru mikil í
tengslum við fötlun eða veikindi
hrökkva þær ekki til. Það sem mér
hefur samt alltaf fundist merkileg-
ast í þessu máli er það að ég hef
skilið stefnu stjórnvalda þannig að
fatlað fólk og fötluð börn búi sem
lengst heima hjá sér og hægt er.
Hins vegar hefur verið til sjóður
sem heitir Framkvæmdasjóður
fatlaðra en hann hefur eingöngu
verið notaður til að byggja hús-
næði á vegum hins opinbera, sam-
býli, skammtímavistanir og íbúða-
kjarna fyrir fatlað fólk.
Foreldrar og fullorðið fatlað fólk
hefur ekki getað sótt um styrki í
þennan sjóð til að bæta aðstæður
heima fyrir þannig að fatlað fólk
geti búið á eigin heimili með fjöl-
skyldu sinni. Sú félagslega ein-
angrun sem fylgir slæmu aðgengi
á Íslandi er samt verst. Þegar ég
spyr fjölskyldurnar sem koma til
mín hverja þau geti heimsótt með
hreyfihamlaða barnið vefst fólki
tunga um tönn. Margir geta ekki
farið í heimsóknir með fatlaða
barnið því allir ættingjarnir búa
í óaðgengilegu húsnæði. Þessu til
viðbótar má nefna skort á aðgengi
að opinberu húsnæði og verslun-
um. Það er von mín að við stofn-
un Velferðarráðuneytis verði fund-
in leið til að styrkja fjölskyldur
hreyfihamlaðra til endurbóta og
breytinga á húsnæði.
Húsnæðismál hreyfihamlaðs fólks
Fatlaðir
María
Játvarðardóttir
félagsráðgjafi
Nýlega var í fjölmiðlum fjallað um
vanda fjölskyldu á Akureyri sem á
fatlaðan dreng. Vandi af þessu tagi er
algengur á Íslandi.
AF NETINU
Áttu þeir sem enginn
þekkir að vinna?
Það er líka skrýtið
tuð sem strax
kemur upp um
þessa 25 að þar
sé alltof mikið
af þjóðþekktu
fólki. Við hverju bjuggust menn
eiginlega? Að það yrðu kosnir á
stjórnlagaþingið 25 frambjóðendur
sem enginn þekkir? Hér er samt
líka galli í kosningakerfinu sem
þarf að skoða: Það miðast við að
kjósandi velji fyrst og fremst einn
fulltrúa, og svo næsta og þarnæsta
til vara. Mér sýnist eðlilegra að
hafa kosningakerfi sem miðast við
að hver kjósandi velji hóp manna
á svona samkomu. [...]
Hvað sem líður almennri ánægju
með úrslit kosninganna til stjórn-
lagaþings dregur kjörsóknin úr
vægi þess – það er ósanngjarnt
en óhjákvæmilegt. Þá skiptir miklu
að þingmennirnir nýju vinni vel
saman, forðist fjas og reyni að ná
fljótt samstöðu um grundvallar-
atriði máls. Það verður náttúrlega
snúið – því slík samstaða má held-
ur ekki byggjast á lægsta samnefn-
ara í viðhorfum þannig að sá ráði
sem hægast vill fara. Nýja þingið er
kosið til að ná árangri.
blog.eyjan.is/mordur
Mörður Árnason
Allsendis ósár
Nú er ljóst að ég er
í hópi meirihluta
frambjóðenda til
stjórnlagaþings,
þeirra 497 sem ekki
náðu kjöri! Hafði
um 2/3 frambjóðenda að baki mér
og um 1/3 ofar mér. Þakka veitt
traust og er allsendis ósár. [...]
Með úrslitunum eftir talningu er
ekki komin, en þarf einnig fylgja,
tafla yfir það hvað hver frambjóð-
andi hlaut af atkvæðum í hvert
sæti.
Annað sem mér þætti athyglis-
vert að fá birt, er hvernig atkvæði
skiptust á varaval á eftir hverjum
þeim sem valinn var í aðalvali. Það
er að á eftir hverjum í 1. vali komi
hverjir valdir voru í varasætum þar
á eftir og hve mög atkvæði í hvert
sætanna. Slík niðurstaða segir tals-
vert til um það hversu stefnufastir
kjósendur voru. T.d. reikna ég með
því að hjá einstaka frambjóðend-
um muni einstaka aðrir frambjóð-
endur alls ekki sjást sem varaval.
Þessar tvær töflur saman, munu
gefa áhugaverða mynd af hegðun
kjósenda. Þær verða einnig
nauðsynlegt gagn til að hafa til
hliðsjónar þegar ákveðið er hvort
svona kerfi verði notað aftur.
blog.eyjan.is/fi a
Soffía Sigurðardóttiri
• Orkuveita Reykjavíkur rekur stærstu hitaveitu í heimi www.or.is
ÍS
L
E
N
S
K
A
/S
IA
.I
S
/O
R
K
5
25
28
1
2/
10
Opið hús hjá
Orkuveitu Reykjavíkur
laugardaginn 4. desember
Komdu í heimsókn. Í tilefni 80 ára afmælis hitaveitunnar bjóðum við hjá Orkuveitunni
alla velkomna til okkar á Bæjarhálsinn milli klukkan 13:00 og 16:00.
Skemmtileg dagskrá fyrir alla fjölskylduna:
• Klukkan 13:15 verður tekin í notkun ný hitaveita frá
Hellisheiðarvirkjun, sem hingað til hefur aðeins framleitt rafmagn.
• Fræðsla um heita vatnið á staðnum.
• Skráðu þig í Orkuna mína og þú gætir dottið í lukkupottinn.
• Teiknisamkeppni fyrir börnin sem fá glaðning fyrir þátttökuna.
Fimm myndir úr teiknisamkeppni barnanna fá sérstök verðlaun.
• Jólasmákökur með kaffinu fyrir gesti og gangandi.
• Skipulagðar ferðir verða um húsið þar sem innviðir fyrirtækisins verða skoðaðir.
Hellisheiðarvirkjun verður opin á sama tíma og þar verður hægt að fræðast um allt varðandi virkjunina.
Einnig eru allir velkomnir í dælustöðina í Öskjuhlíðinni (fyrir ofan bensínstöð Skeljungs á Bústaðarvegi)
og í ventilhúsið í Öskjuhlíðinni (fyrsta beygja til hægri áður en þú kemur á bílastæðin við Perluna).
Nánari upplýsingar um opið hús er að finna á www.or.is.
Hlökkum til að sjá þig,
starfsfólk Orkuveitu Reykjavíkur