Sameiningin - 01.08.1950, Blaðsíða 4

82
Sameiningin
hann þjónaði, en nú hefir hann tekið köllun safnaðar í
Pennsylvania-ríki. Það er átakanlegt, hvað kirkjufélag vort
hefir þurft að líða fyrir prestafæð, og enn þá flytur ástandið
oss ótta.
Dr. Haraldur Sigmar hefir, því miður, sagt lausu presta-
kalli sínu í Vancouver, eftir fimm ára starf. Hann hefir
flutt sig til Seattle og dvelur þar fyrst um sinn. Dr. Harald-
ur er auðmjúkur og einlægur lærisveinn Jesú Krists, góður
prédikari, trúr og samvinnuþýður starfsmaður, með heil-
brigðar, háleitar hugsjónir. Hann hefir þjónað Kristi og
kirkjunni með dygð og sóma, leyst af hendi ágætt starf í
kirkjufélagi voru. Því miður átti hann í nokkrum erfið-
leikum hin síðari ár vegna heilsuskorts, og er það ástæðan
fyrir því að hann lét af starfi. Hann fór undir uppskurð
síðastliðinn vetur, í Winnipeg, og nú síðan hann flutti til
Seattle hefir hann haft annan uppskurð. Má vera, að þessi
seinni uppskurður færi honum heilsu. Því myndu margir
fagna, og ef það reyndist rétt, bíður hans nóg starf.
Söfnuðurinn, sem Dr. Sigmar þjónaði, íslenzki söfnuður-
inn í Vancouver, hefir víst ekki enn kallað prest, en hann
sendi vini vorum, séra Eiríki Brynjólfssyni á Útskálum, á
íslandi, fyrirspurn um það, hvort hann vildi athuga köllun
þaðan, og fékk jákvætt svar.
Söfnuðurinn þessi hefir sterka köllun til þess að vinna
mikilvægt verk fyrir Krist og kirkju hans — og einnig fyrir
vort íslenzka fólk og aðra, sem sezt hafa að í hinni ungu
bráðþroska borg á Kyrrahafsströndinni. Söfnuðurinn á nú
lóð undir kirkju, og þar eru góðir liðsmenn, góðir drengir
og vænar konur. Guð gefi þeim styrk til að reisa Drotni
veglegt musteri á þessum afar áríðandi vettvangi.
Vatnabygðir í Saskatchewan má telja meðal hinna veg-
legustu vestur-íslenzkra bygða. Þar var fagurt og gott land,
og þangað streymdi fjöldi íslendinga. Þar var einnig mikill
félagsskapur og mikið um dýrðir á margan hátt. Þar voru
um tíma tvö íslenzk lútersk prestaköll. Svo kom sundrung og
margvísleg óhöpp, síðar prestsleysi, nokkur burtflutningur,
og lamaðir kraftar. Prestar heimsóttu bygðina stöku sinn-
um, en þar var skortur á samræmi og framkvæmdarafli.
í fyrra heimsóttu þeir bygðina bræðurnir séra Harald og
séra Eric Sigmar. Þeir störfuðu mikið og gáfu skýrslu sem