Sameiningin - 01.08.1950, Blaðsíða 14

92
Sameiningin
Kirkjan sem var áður ein af okkar fegurstu kirkjum, hefir
við þetta eignast ennþá meiri helgiblæ og tign Drottins húss.
Forseta var boðið að eiga þar þátt í, en varð við að hætta á
síðustu stundu vegna anna; en kveðjur til safnaðar og prests
sendi hann fyrir sína hönd og kirkjufélagsins. Sá söfnuður er
nú einnig að byggja upp sitt enska starf, meir en nokkru
sinni áður. Eykur það áhrif safnaðarins útávið.
Gleriboro söfnuður vígði, eins og þið munið „tower
chimes“ á síðasta þingi. Var það gjöf að mestu aldraðs
manns, sem tilheyrði söfnuðinum og minntist hans þannig
í erfðaskrá sinni. Turn var einnig bygður fyrir þau á
kirkjunni, og hefir kirkjan og söfnuðurinn við þetta eignast
eina af fegurstu kirkjum þess bygðarlags, og rödd safnað-
arins orðið voldugri í kristnu starfi. Svo geta einstaklingar
styrkt starf kirkjunnar sinnar. Slík fordæmi eru fögur.
Einnig hafa Glenboro og Baldur söfnuðir tekið upp
„The Duplex Envelope System“ til að styrkja safnaðastarf
og trúboðsstarf. Er þetta framfaraspor, sem stigið er undir
leiðsögn hins unga, framsækjandi prests þeirra. Aukinn
safnaðarstyrkur hefir verið afleiðingin, og trúboðsgjafir hafa
aukist að miklum mun.
Mountain prestakall hefir fimm söfnuði í kirkjufélaginu.
Mest hefir gerst þar í Péturssöfnuði, sem eignaðist nýja
kirkju. Gjafir til kirkjunnar hafa verið margar. Má hér
nefna rafmagns altarisljós (þrístrendir stjakar) og tvö flögg,
alt í minningu um Kristján Vívatson sem féll í seinasta
stríði; altariskross 24 þumlunga hár og „missal stand“,
hvorttveggja úr dýru efni, í minningu um B. Thorvaldson
frá börnum hans; skírnarfontur í minningu um hjónin Mr.
og Mrs. Tryggvi Dínusson, gefinn af börnum þeirra og
vinum; biblía í rauðu leðurbandi með gylt á sniðum, í
minningu Fanney Mountain, gefin af börnum hennar. Er
þessi kirkja því mjög svo fögur innan og altarið vel prýtt.
Vídalínssöfnuður eignaðist á árinu altariskertastjaka
fimmarma. Voru þeir gjöf frá Mr. og Mrs. Eggers, í Fargo,
í minningu um móður Mrs. Eggers. Einnig hefir söfnuðurinn
fengið nýja „fluorescent“ ljóshjálma, gjöf frá kvenfélagi
bygðarinnar. Víkur söfnuður, í Mountain, getur nú látið
ljós sitt skína enn betur. Er það vegna þess að börn Jóhann-
esar og Ágústu Magnússon gáfu söfnuðinum „electric
bulletin board“. Það var vígt 4. júní, þegar öll börnin voru