Sameiningin - 01.08.1950, Blaðsíða 11

Sameiningin
89
Prestaskifti
Nokkur breyting hefir orðið síðan um kirkjuþing á starfi
cg heimilisfangi sumra presta okkar. Um seinasta þing var
búist við að séra Skúli Sigurgeirson tæki við Lundar-
Langruth prestakalli, og hefði heimili að Lundar. Skildi
það starf byrja 1. sept. 1949. Úr þessu varð þó ekki. Leiðir
skildu fyr en varði; og var þá ekki reiðubúið starf handa
séra Skúla. Réðist þá að hann tæki upp missionsstarf í
Saskatchewan söfnuðum kirkjufélagsins, og hefir hann
starfað þar síðan í nóvember. Heimili hans er í Foam Lake,
þar sem söfnuðurinn á prestshús. Trúboðsnefndin mun skýra
nánar frá viðhorfi þessu.
Við burtför séra Skúla varð prestslaust að Gimli. Hefir
ennþá ekki úr því bæzt, að öðru leyti en því, að séra
Sigurður Ólafsson þjónar að nokkru elliheimilinu Betel.
Nokkrum sinnum hafa prestar heimsótt prestakallið, og er
þar hinn ungi öldungur í prestahópi vorum, séra Rúnólfur
Marteinsson, fremstur í hópi. Prestsleysi á Gimli er nokkuð,
sem úr verður að bætast sem bráðast. Möguleikar til þrosk-
andi starfs þar hafa aukist við það að enskumælandi fólk
vill samvinnu með íslenzka hópnum.
Nú um miðjan júní fór séra Haraldur Sigmar alfarinn
frá Vancouver söfnuði, og flutti til Seattle, Wash. Er hér
því annað prestakall, sem er að stækka og ná góðri fótfestu
í þeirri miklu strandborg Canada, án leiðtoga sem þó er
bráðnauðsynlega þörf. Enn hefir ekki tekist að kalla prest
þangað. Þar eru kröfurnar um mann sem getur notað bæði
málin, og gerir það úrlausnina erfiðari. Vonandi leysist úr
þessu von bráðar.
Séra Jóhann Fredriksson, sem um allmörg ár hefir
verið utan kirkjufélagsstarfs, hefir nú aftur komið fram
meðal vor. Síðan í fyrrasumar hefir hann unnið vel metið
starf hjá söfnuðum í Churchbridge, Sask., og Lundar, Man.
Líkur eru nú til að þetta starf hans taki á sig fastari svip,
og hann þjóni Lundar og Churchbridge sem kallaður
prestur. Gengur hann þá aftur í félag vort, og er oss ljúft
að finna hér aftur liðsmann sem leysir úr þörf þessara
safnaða.
Þá hefir og Blaine-Point Roberts prestakallið séð á bak
presti sínum, séra Arthur S. Hanson. Sagði hann þeim upp
starfi sínu með byrjun júnímánaðar og fluttist til Pennsyl-