Sameiningin - 01.08.1950, Blaðsíða 5

Sameiningin
83
virtist gefa mönnum vonir um endurreisn Lútersks starfs
í þessari fögru sveit. Með þá von í sál fékk trúboðsnefndin
séra Skúla Sigurgeirsson til að hefja þar starf 1. nóvember
síðastliðinn. Hann hefir starfað þar síðan. Að öllu leyti hef-
ir honum verið borgað af trúboðsnefnd U. L. C. Hann hefir
unnið sér vinsældir fólksins, og hann er þakklátur fyrir
persónuleg gæði þess; en starfið hefir ekki náð þeim þroska
sem vér þráðum, og nú er óvíst um áframhaldið.
Svoneínt Gimli-prestakall, samanstendur af 4 söfnuðum
í Nýja íslandi: Víðiness, Gimli, Árness, og Mikleyjar-söfn-
uðum. Það hefir nú verið prestlaust eitt ár. Prestakallið
sendi séra Haraldi Sigmar í Seattle köllun, en hann hafnaði.
Ekki hefir neinn annar prestur verið kallaður, og presta-
kallið hefir liðið stórkostlega fyrir þetta starfshlé.
Gimli var fyrsti staðurinn í Manitoba þar sem talað var
um, á fundi, að fá íslenzkan prest. Og má vera, að nú sé
betra tækifæri fyrir kirkjustarf á Gimli, en nokkurntíma
hefir áður verið.
Guð komi til fólksins þar og gefi þeim, er þar búa mátt
og vísdóm til að gjöra eitthvað, sem um munar.
Það var nýnæmi að fá söfnuð inn í kirkjufélagið á þessu
þingi. Skal nú með fáum orðum segja þá sögu. Þegar lúterskt
kirkjufélag, sem nefnist Northwest Synod, tilheyrandi
United Lutheran Church, fór að rannsaka tækifærið til
þess að stofna söfnuð í bænum Cavalier í Norður-Dakota,
kom það í ljós að meiri hluti þeirra, er fúsir voru að ganga
í þann söfnuð, voru íslendingar. Af hreinu göfuglyndi fanst
þessum mönnum það rétt og sanngjarnt að gefa íslenzka
kirkjufélaginu tækifærið til að stofna söfnuðinn. Kirkju-
félag vort tók boðinu með.þökkum og sendi séra Bjarna A
Bjarnason til að vinna verkið. Eftir mánaðar undirbúnings-
starf stofnaði hann þar söfnuð, 16. okt., 1949, og er söfnuð-
urinn nefndur United Lutheran Church of Cavalier. Séra
Egill H. Fáfnis, forseti Kirkjufélagsins lagði einnig fram
mikið starf þessu máli til stuðnings. Með miklum fögnuði
tók Kirkjufélagið á móti þessum nýja söfnuði á þessu þingi.
Þessum söfnuði þjónar yfir sumarmánuðina, hr. Stefán
Guttormsson, guðfræðinemi við Northwestern Lutheran
Seminary í Minneapolis, Minnesota. Hann hefir eignast
miklar vinsældir þar og vinnur verk sitt frábærlega vel.