Sameiningin - 01.03.1954, Blaðsíða 7

Sameiningin
5
Yér sjáum í pínu hans ekki ennþá eitt afbrigði mann-
legra þrauta, ekki hinn pínda mann í einni útgáfunni enn,
ekki heldur ímynd eða tákn mannsins kúgaða og kvalda.
Vér sjáum í þessum Jesú frá Nazaret guðdóminn sjálfan í
skapandi íhlutun í örlög vor.
Þessi Drottinn pínist ekki vegna þess að hann þurfi
þess, heldur vegna þess, að þú þarft þess, fyrir þig gengst
hann undir þetta, hann pínist í þinn stað. Og einmitt með
því móti er hann að fullu orðinn Drottinn þinn. Hann kaupir
þig sér til eignar og leggur líf sitt til verðs fyrir þig. Svona
stór ert þú í allri þinni smæð í augum Guðs þíns. Einskis
metur hann dýpstu smán og beiskustu kvöl á móti því að
fá að eiga þig. Slíkur er Drottinn þinn.
Skiptir það svo miklu héðan í frá, hvað kann að mæta
þér, hvað þú kannt að þurfa að gangast undir? Láttu sem
þú sjáir ganga sjálfan Jesúm undan þér. í raun og veru er
það hann, sem ber þær byrðar, þann kross, sem þér finnst
hvíla á þér. Aðeins fá skref til og allt er umbreytt í páska-
ljóma, þú munt heyra himnana bergmála af siguróði engl-
anna: Fyrir blóð Lambsins blíða búinn er nú að stríða og
sælan sigur vann.
Slíkan Drottin átt þú. Og það þótt þú sért ekki aðeins
smár og veikur, heldur sekur við þessa himnesku hátign.
Mannkynið, maðurinn, þú hefur brotið gegn lífsins
lögum, þú ert í ósátt við Skaparann. Það er frummein þitt,
það er beiski dropinn í hverjum þrautabikar, broddurinn,
sem — oftast ómeðvitað — stingur þig dýpst. Það er sjálft
dauðameinið.
Þeim benjum, sem þú hefur valdið Guði, lýkur almáttug
elska hans upp til þess að gefa þér græðismyrsl við sárum
þínum, veita sálu sinni blessun og nýja krafta. Hér ert þú
að fyrra bragði tekinn í sátt við alvald lífsins. Gjöld sekta
þinnar koma niður á honum. Fullkomnað lögmál fyrir þig er,
fullkomna skaltu eignast náð.
Hér er sá Drottinn, sem gjörist bróðir hins þjáða og
borgunarmaður hins seka. Guðs Föður veru fegurst mynd
tók á þig sína lægingarmynd, sté ofan úr hásæti dýrðar
sinnar niður í þennan heim syndarinnar, til þess að vega
allt hans beizka böl á sinn sterka arm, gjöra allt, sem oss
þjakar, að engu. Guðs einkasonur vildi skenkja oss sinn