Sameiningin - 01.03.1954, Blaðsíða 33

Sameiningin
31
Ný sálmabók
Um allmörg undanfarin ár hefir sérstök sögunefnd
söngfróðra manna, skipuð fulltrúum frá öllum deildum
lútersku kirkjunnar í Ameríku, setið á rökstólum við undir-
búning nýrrar sálmabókar, sem ætluð er til notkunar í
öllum lúterskum söfnuðum á meginlandinu. Er hér um
stórmerkt fyrirtæki að ræða, og má ætla að sálmabók þessi
efli mjög samvinnu og andlegan heildarsvip hinna ýmsu
greina kirkjunnar. Nafn bókarinnar er nú ákveðið: „Messu-
söngs og Sálmabók lútersku kirkjunnar í Ameríku“. Er gert
ráð fyrir, að hún verði komin á bókamarkaðinn fyrir jól 1955.
1 bókinni verða 605 sálmar, en lögin eru allmiklu fleiri,
þannig að velja má um lög við suma sálmana. Leitast hefir
verið við að taka inn í safnið sálma frá hinum ýmsu lútersku
löndum, Þýzkalandi, Svíþjóð, Danmörku, Noregi, Finnlandi
og íslandi. Einnig eru sálmar af latneskum, grískum, frönsk-
um, spönskum og ítölskum uppruna. Meiri hluti sálmanna,
eða um 300, eru þó upprunnir í Bretlandseyjum, og nokkrir
amerískir, þar á meðal einn negrasálmur: “Were you there
when they crucified my Lord.”
Nokkur töf hefir orðið á útgáfu bókarinnar, vegna þess
að hinum ýmsu kirkjuflokkum gekk illa að koma sér saman
biblíuþýðingu þá er nota skyldi í prentun texta kirkju-
ársins. Sumir vildu hafa gömlu ensku biblíuþýðinguna,
(King James Version), en aðrir heimtuðu að endurskoðaða
þýðingin yrði lögð til grundvallar, (Revised Version). Þessi
ágreiningur var þó leiddur til lykta með málamiðlun, þannig
að textarnir verða ekki prentaðir í bókinni, heldur aðeins
vitnað til þeirra, á sama hátt og gert er í Helgisiðabók ís-
lenzku þjóðkirkjunnar 1934. Geta söfnuðirnir þannig, eða
prestar þeirra, valið um hvora þýðinguna þeir nota við
guðsþjónustur.
Formaður nefndarinnar telur að fyrsta útgáfa bókar-
innar muni nema um milljón eintökum. Virðist þessi fyrsta
útgáfa ætluð til reynslu, því að bókinni er ætlað að ná til
átta aðalflokka lútersku kirkjunnar á meginlandinu, en þeir
telja til samans um hálfa fimmtu milljón meðlima. Verður
hér um eitt stærsta útgáfufyrirtæki að ræða, sem kirkja
mótmælenda í Vesturheimi, hefir nokkru sinni ráðist í.