Fréttablaðið - 05.03.2011, Side 34

5. mars 2011 LAUGARDAGUR34
Á
Íslandi hafa snjall-
símar smátt og
smátt rutt sér til
rúms á farsíma-
markaði . F yrst
var það iPhone frá
Apple sem sló eftirminnilega í
gegn árið 2007. Síðan þá hefur
iPhone haft nokkra yfirburði og
frumkvæði í þróun tækninnar. Nú
hefur Google þróað stýrikerfi fyrir
snjallsíma sem mætt getur yfir-
burðum iPhone. Google Android
varð á síðasta ári næstmest selda
stýrikerfi fyrir snjallsíma í heim-
inum. iOS-stýrikerfið fyrir iPhone
var það þriðja mest selda og það
mest selda var stýrikerfi Nokia-
síma, Symbian.
Þess má geta að Nokia hefur
nokkra yfirburði á farsímamark-
aðnum. Undanfarin ár hefur Nokia
verið með 40% markaðshlutdeild
og selt um tvöfalt fleiri síma en
Samsung. Það er því kannski ekk-
ert skrítið að Symbian sé mest
selda stýrikerfið fyrir snjallsíma.
Gríðarstór markaður
En hvað er snjallsími? Af hverju
er síminn minn ekki snjallsími
þótt hann bjóði mér upp á að senda
sms-skilaboð, mms-myndskilaboð,
fara á netið, senda tölvupóst og
spila leiki? Það er einföld skýring
á því. Snjallsímar eru þeir símar
sem bjóða þér upp á að hlaða niður
forritum frá þriðja aðila og setja
upp á símanum þínum. Nánast
eins og fullnuma tölva með tak-
mörkunum. Í kringum þessi snjall-
símaforrit hafa framleiðendurnir
opnað sérstakar netverslanir. App-
Store Apple-fyrirtækisins, Android
market Google, Ovi Store Nokia og
svona mætti halda áfram.
Hér liggur stærsti munurinn og í
kringum þessa tækni hefur skapast
gríðarstór markaður. Sumir ganga
jafnvel svo langt að kalla þetta
lífsstíl. Samkvæmt könnun þýska
fyrir tækisins Research2guidance
var snjallsímaforritum hlaðið
niður fyrir um 2,2 milljarða doll-
ara á fyrri hluta síðasta árs í heim-
inum öllum. Samanborið við nið-
urhal allt árið 2009 fyrir um 1,7
milljarða dollara. Sama fyrirtæki
gerir ráð fyrir að árið 2013 muni
forrita-markaðurinn velta meira en
15,5 milljörðum dollara.
Til marks um hversu mikil aukn-
ing verður á hverju ári í niðurhöl-
um þá seldi AppStore þrjá millj-
arða appa í janúar 2010 en tíu
milljarða í janúar á þessu ári.
En Íslendingar hafa hins vegar
ekki haft aðgang að þessum merki-
legu vefverslunum, nema Ovi
Store sem Nokia-notendur geta
notfært sér. Einnig er Android
Market ekki á Íslandi en Íslend-
ingar geta hlaðið niður ókeypis
forritum en ekki greitt fyrir þau.
AppStore og iTunes eru ekki í boði
á íslenskum markaði en hægt er
að versla við AppStore Apple með
krókaleiðum. Krókaleiðin hefur
hins vegar í för með sér að við-
komandi þarf að gefa upp heim-
ilisfang erlendis og er því heiðar-
legum Íslendingum erfiður biti
að kyngja eigi þeir ekki heimili
erlendis. Þetta gæti þó verið eina
lausnin til frambúðar því í Frétta-
blaðinu á miðvikudaginn kom
fram að engin áform væru um að
opna iTunes á Íslandi.
Aukning á Íslandi
Íslendingar eru fljótir að tileinka
sér nýja tækni og snjallsímarnir
eru engin undantekning. Hlutfall
seldra snjallsíma á móti öðrum
farsímum hjá Símanum í janúar
var tæp 35% í janúar. Á sama tíma
í fyrra var hlutfallið rúm 10%.
Salan jókst jafnt og þétt yfir allt
árið en síðustu þrjá mánuði ársins
2010 stóð hlutfallið nokkuð í stað.
Notendaumhverfið fyrir snjall-
síma á Íslandi hefur einnig batnað
til muna. Margar viðgerðastofur
og áhugamannasíður hafa opnað
á vefnum sem benda manni reglu-
lega á uppfærslur og ný forrit eða
hjálpa þeim sem eiga í vandræðum
með hin ýmsu vandamál.
Símafyrirtækin hér á landi hafa
einnig verið fljót að taka við nýrri
tækni. Flest fyrirtækin selja vin-
sælustu gerðir símanna: Nokia,
iPhone eða Android-síma. Einnig
bjóða þau upp á ýmis konar hug-
búnað fyrir Android sem notand-
inn skannar inn með myndavél-
inni á símanum, ekki ósvipað því
þegar búðarkassi les strikamerkið
á vörum.
Næsta kynslóð
Tæknin er þó ekki orðin það þróuð
að ekki sé hægt að bæta við nýjum
og ótrúlegum leiðum. Hugbúnað-
arfyrirtæki úti í hinum stóra heimi
eru farin að huga að næsta skrefi
sem felur í sér að síminn taki enn
stærra þroskastökk. Með næstu
kynslóð síma verður heimilis-
tölvan gerð óþörf og síminn látinn
taka við. Með þráðlausum send-
ingum í gegnum blátönn sendir
síminn gögn í þráðlausan skjá,
þráðlausa mús og þráðlaust lykla-
borð. Þannig getur síminn þjónað
sem borðtölva ef hann er í sama
herbergi og ofangreindir hlutir.
Hversu magnað er það?
Sími er svo miklu
meira en bara sími
Snjallsímar verða æ vinsælli á Íslandi. Úti í hinum stóra heimi er að verða
til tækni sem okkur óraði ekki fyrir þegar fyrsti farsíminn lenti í vasanum
fyrir um fimmtán árum. Birgir Þór Harðarson grennslaðist fyrir um snjall-
símamarkaðinn og komst að því að sími er ekki lengur bara sími.
Hef átt minn, iPhone 3GS, í rúmt ár og eina vesenið var þegar iPhone 4
kom út þá var minn ekki lengur bestur,“
segir Gunnar Már Þorleifsson, verkfræði-
nemi við HÍ. Símann segir hann þó enn
vera hraðvirkan, þægilegan og gagnleg-
an. „Fyrir mér er orðið ómissandi að geta
skotist hvar sem er á netið um 3G til að
athuga stöðuna í leiknum eða sjá hvað er
nýjast á Vísi. Þetta er munaður og um leið
og maður kynnist honum reynist ómögu-
legt að vera án hans.“
Gunnar segir að mjög auðvelt sé að
komast yfir forrit í iPhone í gegnum App-
Store. Ekkert vesen hafi verið að tengj-
ast um erlent heimilisfang. „Það eina sem
ég þurfti að eiga er sérstakt gjafakort á
iTunes-búðina. Það er jafnvel hægt að
kaupa það á netinu og fá sent heim ef þú
ert ekki á ferð í útlöndum.“
Hann gefur hins vegar lítið fyrir að
uppfærslurnar á gæjunni komi með of
löngu millibili: „iOS stýrikerfið er senni-
lega það notendavænasta sem finnst, við-
mótið er snilld og reglulega koma nýjar
hugbúnaðaruppfærslur svo þú ert alltaf í
takt við tímann þó tækið sem slíkt eldist.“
Gunnar er tregur til að viðurkenna galla
við símann en bendir þó á að batteríið sé
fljótt að klárast sé síminn í mikilli notk-
unn.
„Það fyrsta sem heillaði mig við iPhone
var útlitið og hvað hann var óstjórnlega
svalur. Það var svo ekki fyrr en eftir að ég
keypti mér hann að ég áttaði mig á því að
hann er svo miklu meira en útlitið.“
Þorsteinn Þorri Sigurðsson er verkfræðinemi við HÍ. Hann
eignaðist HTC Desire síma fyrir
stuttu en slíkir símar vinna á
Android-stýrikerfinu frá Google.
Þorsteinn er ekki neinum vafa um
að hafa tekið rétta stefnu í valinu
á nýjum síma. „Það er mikið meira
frelsi, þú getur gert allt sem þú
vilt við þetta,“ bendir hann á og
bætir við að það séu notendurnir
sem ráði ferðinni með Android.
„Apple vill ráða öllu sem not-
endur gera. Þeir eru með stýri-
kerfið lokað inni í einhvers konar
hvelfingu. Android er opið stýri-
kerfi, sem þýðir að þeir deila
öllum kóðanum sínum. Allir geta
nálgast kóðann og það býður upp á
mikið fleiri möguleika með vænt-
anlega framþróun tækninnar.“
Fleiri og fleiri símaframleiðend-
ur keyra einnig Android á símum
sínum.
Þorsteinn segir Android standa
framar en iPhone hvað varðar
nýja hluti í stýrikerfinu. „Andro-
id símar hafa boðið notendum
upp á að keyra mörg forrit í einu
síðan það kom fyrst út. Apple
bætti þessu við á síðsta ári. Þetta
er bara eitt dæmi.“ Hann bendir
á að Apple muni ekki ná að halda
í við Android ef fer sem horfir.
Tækniþróunin sé svo hröð að það
eru alltaf að koma uppfærslur. „Ég
gæti farið og keypt mér fullkomn-
ari síma núna en ég gerði fyrir
mánuði ef ég vildi.“
„Ég er ekki í neinum vafa um
að Android muni leiða þróunina á
næstunni því allir geta hjálpað til
við að þróa betri síma,“ segir Þor-
steinn að lokum.
Með allan heiminn í lófanum
Android skrefi á undan
MIKLU MEIRA EN ÚTLITIÐ Gunnar Már segir iPhone 3GS símann sinn vera miklu meira en bara töff
græja. FRÉTTABLAÐIÐ/ARNÞÓR
FRELSI Í Android-stýrikerfinu segist Þorsteinn Þorri geta gert
hvað sem hann vill án þess að hafa áhyggur af því hvað
framleiðandanum finnst. FRÉTTABLAÐIÐ/ARNÞÓR
0 5 10 15 20 25 30
33,3 milljónir
31 milljón
16,2 milljónir
8,7 millj.
23,9 millj.
4,7 millj.
Aukning í sölu snjallsíma í heiminum
Google
(Android,
OMS og
Tapas)
Sala á fjórða ársfjórðungi ársins 2009 Sala á fjórða ársfjórðungi 2010
Heimild: Markaðsrannsókn Canalys, canalys.com
Nokia
Apple
Tvær ólíkar leiðir snjallsímanotenda