Fréttablaðið - 29.04.2011, Side 6

29. apríl 2011 FÖSTUDAGUR6
ÍSRAEL, AP Stjórnvöld í Ísrael munu
ekki ræða við palestínsk stjórn-
völd á meðan Hamas-samtök-
in eiga aðild að stjórn Palestínu,
sagði Avigdor Lieberman, utan-
ríkisráðherra Ísraels, í gær.
Forsvarsmenn stríðandi fylk-
inga Palestínumanna náðu á mið-
vikudag sögulegu samkomulagi
um að sameina á ný svæði í Pal-
estínu og hætta innbyrðis átök-
um Hamas og Fatah, sem kostað
hafa hundruð manna lífið á síð-
ustu árum.
„Með þessu er verið að fara yfir
strikið,“ sagði Lieberman. „Þetta
samkomulag þýðir í raun að
hryðjuverkamenn eru komnir til
valda á Vesturbakkanum.“ Ísrael,
Bandaríkin og Evrópusambandið
telja Hamas hryðjuverkasamtök.
Þrátt fyrir að samkomulagið
auki bjartsýni á að Palestínumenn
geti sameinast í kröfum sínum um
frjálst og sjálfstætt ríki er ekki
talið líklegt að fréttir af sam-
komulagi Hamas og Fatah blási
nýju lífi í viðræður við Ísrael um
sjálfstætt ríki Palestínumanna.
„Fólkið kallaði eftir því að
bundinn væri endi á klofninginn.
Við segjum við fólkið: Það sem
þið báðuð um er nú orðið að veru-
leika,“ segir Azzam al-Ahmed,
sem fór fyrir samninganefnd
Fatah í viðræðunum við Hamas.
Hamas og Fatah ætla nú að
sameinast um eina ríkisstjórn
sem starfa á tímabundið í eitt
ár. Að þeim tíma liðnum verður
boðað til forseta- og þingkosn-
inga.
Óvild milli Hamas og Fatah
hefur verið mjög uppi á yfirborð-
inu frá árinu 2006. Í kjölfar kosn-
ingasigurs Hamas, sem eru her-
skárri samtök en Fatah, komst
Hamas til valda á Gasa en Fata
hhélt stjórn á Vesturbakkanum.
Stjórnvöld í Ísrael brugðust
við fréttunum með því að hafna
því alfarið að Hamas tæki þátt í
stjórn Palestínu, enda hafi sam-
tökin það á stefnuskrá sinni að
eyða Ísraelsríki. Í yfirlýsingu
bandarískra stjórnvalda var tekið
í sama streng.
„Palestínsk stjórnvöld verða að
velja á milli þess að semja frið við
Ísrael eða semja frið við Hamas,“
sagði Benjamín Netanjahú, for-
sætisráðherra Ísraels, í yfirlýs-
ingu. „Það gengur ekki að semja
frið við báða þar sem takmark
Hamas er að eyða Ísraelsríki.“
Innanbúðarmenn hjá Hamas-
samtökunum segja að öryggis-
sveitir samtakanna muni áfram
stýra Gasa-svæðinu. Al-Ahmed
sagði hins vegar að öryggissveitir
bæði Fatah og Hamas yrðu sam-
einaðar og endurskipulagðar með
aðstoð vinveittra arabaríkja.
Mahmoud Abbas, forseti Pal-
estínu, mun sitja áfram sam-
kvæmt samkomulaginu, en for-
sætisráðherrar beggja landsvæða
munu segja af sér.
Ósamkomulag milli hópa Pal-
estínumanna hefur haft afar
slæm áhrif á það friðarferli sem
þó hefur verið í gangi undanfarin
ár, enda hafa Palestínumenn ekki
getað talað einum rómi í viðræð-
unum. brjann@frettabladid.is
Þetta samkomulag
þýðir í raun að
hryðjuverkamenn eru komnir
til valda á Vesturbakkanum.
AVIGDOR LIEBERMAN
UTANRÍKISRÁÐHERRA ÍSRAELS
HEILBRIGÐISMÁL Með fyrirhuguðum
breytingum á lögum um sjúkra-
tryggingar er stefnt að því að draga
verulega úr lyfjakostnaði þeirra
sjúklinga sem mest greiða. Guð-
bjartur Hannesson velferðarráð-
herra kynnti frumvarpið í fyrra-
dag. Meginmarkmiðið er að auka
jöfnuð sjúklinga og draga úr heild-
arútgjöldum þeirra sem mest þurfa
á lyfjum að halda.
Samkvæmt núgildandi kerfi
greiðir fólk ákveðið hlutfall af
verði þess lyfs sem ávísað er hverju
sinni upp að ákveðnu hámarki.
Hins vegar er ekki kveðið á um
hámark heildarlyfjakostnaðar ein-
staklings sem þýðir að kostnað-
ur þeirra sem þurfa á mörgum og
dýrum lyfjum að halda eða nota lyf
að staðaldri getur orðið mjög hár.
Breytingarnar gera ráð fyrir að
sjúkratryggðir greiði lyfjakostnað
að fullu upp að ákveðnu hámarki á
tólf mánaða tímabili. Þá taka við
stighækkandi greiðslur sjúkra-
trygginga en
kostnaður ein-
staklingsins
lækkar. Miðað
er við að öll lyf
sem sjúkra-
tryggingar taka
þátt í að greiða
verði felld inn í
einn flokk.
Guðbjartur
Hannesson vel-
ferðarráðherra segir breyting-
arnar fela í sér verulega kjarabót
fyrir fjölda fólks sem nú glímir
við há útgjöld vegna lyfjakostn-
aðar. Frumvarpið feli þó ekki í sér
breytingar á útgjöldum hins opin-
bera heldur tilfærslu innan kerfis-
ins. - sv
Hugað að breytingum á sjúkratryggingalögum til að minnka lyfjakostnað:
Bæti kjör sjúklinga sem mest þurfa
FÉLAGSMÁL Samtök atvinnulífsins
hafa gengið allt of langt í því að
nota lausa kjarasamninga á vinnu-
markaði til að reyna að hafa sitt
fram um breytta umgjörð fisk-
veiðistjórnunarkerfisins, sagði
Stefán Einar Stefánsson, nýr for-
maður VR, á aðalfundi félagsins á
miðvikudag.
„Þeir sem þar ráða för hafa
engan siðferðislegan eða laga-
legan rétt til að halda launafólki í
gíslingu vegna þessa máls,“ sagði
Stefán.
Hann sagði almenning hafa
sýnt ótrúlegt
þ o l g æ ð i o g
reynt að gera
gott úr því sem
að höndum hafi
borið. Það hafi
meðal annars
verið gert af
virðingu við
atvinnurekend-
ur. Stefán benti
á að laun hafi
lækkað, fólki hafi verið sagt upp,
og dregið hafi úr yfirvinnu.
„Allt hefur þetta verið framlag
okkar launamanna til þess að
halda fyrirtækjunum og hjólum
efnahagslífsins gangandi. En við
getum ekki dregið þann vagn ein
og sér. Það þurfa allir að leggjast
á eitt,“ sagði Stefán í ræðu sinni.
„Og nú er svo komið að Samtök
atvinnulífsins hafa í raun gefið
það út, að þau ætlast til þess að
við höldum púlinu áfram en að
þau geti haldið að sér höndum
þar til öllum þeirra kröfum
hefur verið fullnægt gagnvart
hinu opinbera. Við það verður
ekki unað.“ - bj
Formaður VR gagnrýndi Samtök atvinnulífsins harkalega á aðalfundi félagsins:
Segir SA halda launafólki í gíslingu
STEFÁN EINAR
STEFÁNSSON
LYF KEYPT Markmið frumvarpsins er að
minnka lyfjakostnað þeirra sjúklinga
sem mest þurfa af lyfjum.
GUÐBJARTUR
HANNESSON
DÓMSMÁL Lögreglustjórinn á Sel-
fossi hefur ákært tvo karlmenn
fyrir að veiða á stöng í óleyfi, nota
maðk við veiðarnar og að hafa ekki
sleppt veiddum fiski.
Mennirnir, sem báðir eru á
fertugsaldri, voru um hádegisbil
20. ágúst 2009 í heimildarleysi og
óleyfi við stangveiðar í Köldukvísl
á Holtamannaafrétti, skammt frá
Hrauneyjum. Þeir notuðu að ein-
hverju leyti óleyfilegt agn við
veiðarnar og brutu auk þess veiði-
reglur svæðisins með því að sleppa
ekki öllum veiddum fiski. - jss
Tveir menn brutu veiðilög:
Veiddu í óleyfi
og notuðu maðk
Aðalfundur Vina Vatnajökuls – hollvinasamtaka Vatnajökulsþjóðgarðs
Föstudaginn 6. maí 2011 kl. 15:00 verður haldinn aðalfundur Vina
Vatnajökuls. Fundurinn verður til húsa í Þjóðmenningarhúsinu,
Hverfisgötu 15, 101 Reykjavík. Fundarefni venjuleg aðalfundarstörf.
Stjórnin
Skemmtilegar hugmyndir fyrir fermingar-
veisluborðið á www.gottimatinn.is
Ísraelsstjórn hafnar
samstarfi við Hamas
Sögulegt samkomulag stríðandi fylkinga Palestínumanna virðist ekki auka líkur
á friðarsamkomulagi við Ísrael. Utanríkisráðherra Ísraels segir Palestínumenn
ganga of langt og að hryðjuverkamenn séu komnir til valda á Vesturbakkanum.
FAGNAÐ Fjölmargir Palestínumenn fögnuðu samkomulagi Fatah og Hamas um að
stjórna sjálfsstjórnarsvæðum Palestínu sameiginlega næsta árið og boða svo til
kosninga. Hrifningin var minni hjá stjórnvöldum í Ísrael. FRÉTTABLAÐIÐ/AP
Á að flytja Landhelgisgæsluna
á Keflavíkurflugvöll ef rekstrar-
kostnaður hækkar við það?
JÁ 22%
NEI 78%
SPURNING DAGSINS Í DAG:
Spilar þú tölvuleiki?
Segðu skoðun þína á Visir.is
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
KJÖRKASSINN