Fréttablaðið - 29.04.2011, Side 47

FÖSTUDAGUR 29. apríl 2011 23
Bókmenntir ★★★
Stolnar stundir
Ágúst Borgþór Sverrisson
Sögur ehf. 2011
Þórir er þjófur. Hann stelur tíma
frá fjölskyldu sinni. Þykist vera í
vinnunni en situr þess í stað á kaffi-
húsi og skrifar blogg. Langar að
skrifa skáldsögu en vandamálið er
að hann hefur ekkert að skrifa um.
Líf hans er of venjulegt til að hægt
sé að nota það í skáldsögu og hann
hefur ekki getu til að ímynda sér líf
annarra. Svo hringir kona og sögu-
efnið verður til.
Hann á eftir að upplifa það
Ágúst Borgþór er kunnur smá-
sagnahöfundur og bloggari og óhjá-
kvæmilegt að reka augun í sam-
svaranirnar á milli hans sjálfs og
sögupersónunnar Þóris. Enda hefur
hann sagt í viðtölum að hann noti
eigið líf og umhverfi sem grunn.
Þessi aðferð er sniðug til að vekja
gægjuhneigð lesandans sem óneit-
anlega veltir því fyrir sér hvað í
nóvellunni Stolnar stundir eigi sér
rætur í lífi höfundarins. Ágúst ýtir
enn frekar undir þessar vangaveltur
með því að nota teikningu af sjálf-
um sér á forsíðu bókarinnar, teikn-
ingu sem Þórir skýrir frá í sögunni
hvernig varð til. Þannig leikur hann
sér með bloggformið þar sem fólk
birtir þá mynd af sjálfu sér sem
það vill að heimurinn sjái. Ímynd-
arsköpun og mörk skáldskapar og
veruleika eru meginstef sögunnar
sem gerist árið 2007 þegar áherslan
liggur öll á því hvað þú sýnist vera,
ekki á því hver þú ert í raun. Og ein-
hvers staðar á leiðinni missa menn
sjónar á því hverjir þeir eru og hvert
þeir eru að fara. „Þórir skynjaði að
í honum blundaði sterk löngun til að
vera einhver annar en hann var – en
þó enginn sérstakur.“ (bls. 43)
Ágúst Borgþór hefur sérhæft sig í
stuttum textum, myndum af augna-
blikum, og Stolnar stundir er byggð
upp af slíkum örmyndum sem raðast
saman í púslmynd af lífi sögupers-
ónunnar á áhrifaríkan hátt. Firr-
ingin og sjálfhverfnin kristallast í
samskiptum Þóris við
ókunnu konuna sem
kemur hreyfingu á
gráan hversdagsleik-
ann um stund, en
skiptir hann engu
máli sem mann-
eskja. Bráðfyndin
lýsing á foreldra-
fundi í fótbolta-
deild sonar hans,
þar sem umræðu-
efnið er hvort
hagkvæmara sé
að þiggja fótboltatösk-
ur af Landsbankanum eða Glitni
er hárbeitt lýsing á tíðarandanum
og lýsingarnar á umbyltingu íbúð-
ar hjónanna í anda Húsa og híbýla
gefa tóninn fyrir inni-
haldsleysi lífsmátans.
Það er ekki bara Þórir
sem þráir að vera annar
og öðruvísi, það er allt
þjóðfélagið.
Ágúst Borgþór hefur
löngu sannað það að hann
er fínn stílisti og hér fágar
hann stíl sinn enn frek-
ar. Ekki orði er ofaukið og
fágað yfirborð textans und-
irstrikar þá örvæntingu sem
undir býr – þrátt fyrir allt.
Friðrika Benónýsdóttir
Niðurstaða: Vel stíluð og beitt ádeila
sem veltir upp spurningum og vekur
umhugsun.
Listahátíðin List án landamæra
verður sett í dag klukkan 17 í
Ráðhúsi Reykjavíkur. Á hátíð-
inni vinna ólíkir aðilar saman
að alls konar list en þátttakend-
ur eru „fólk með skrýtin áhuga-
mál, fólk með geðræna sjúkdóma,
fólk frá Finnlandi, fólk með stóra
fætur og litla fætur, kvenfélög,
hæfingarstöðvar, fólk með mikla
hreyfihömlun, listasöfn, dreifbýl-
ingar og þéttbýlingar, sjálfstæðir
leikhópar, fólk með þroskahöml-
un, leikarar, fólk sem er börn,
fólk sem er fullorðið. Listafólk af
öllum toga og umfram allt hópur
af frábæru skapandi fólki,“ eins
og segir í fréttatilkynningu.
Á opnunarhátíðinni stígur
fjöldinn allur af listafólki á svið.
Meðal annars vestfirski karla-
kórinn Fjallabræður sem kemur
fram ásamt táknmálskórnum
sem „syngur“ á táknmáli. Valur
geislaskáld mun lesa ljóð og
Guðrún S. Gísladóttir les upp úr
bókinni „Undur og örlög“ eftir
Áslaugu Ýri Hjartardóttur. Kynn-
ar verða Gunnar Þorkell Þor-
grímsson og Björn Thors.
List án
landamæra í
Ráðhúsinu
LISTAMENN Fjölbreyttur hópur tekur
þátt í list án landamæra, meðal annars
þessi fjögur sem ljósmyndari Frétta-
blaðsins rakst á í Ráðhúsinu.
FRÉTTABLAÐIÐ/VILHELM.
VÖNDUÐ
REGNFÖT
Pollagalli
st. 80-130
Vnr. 836931
5.999kr
Pollagalli
m/ flísfóðri
st. 80-130
Vnr. 836930
7.999kr
Vnr. 787455
Gildir til 3. maí á meðan birgðir endast.
Vnr. 836357, 836358
Vnr. 787458
Pollagalli
st. 98-128
Vnr. 841622, 841623
6.999kr