Fréttablaðið - 29.04.2011, Side 16

16 29. apríl 2011 FÖSTUDAGUR
Við stofnun Slökkviliðs Höf-uðborgarsvæðisins bs.
(SHS) þann 1. júní árið 2000
urðu ákveðin kaflaskil í rekstri
slökkviliða á Íslandi. Slökkvi-
lið Reykjavíkur ásamt Slökkvi-
liði Hafnarfjarðar runnu í eitt
og úr varð öflugt og vel rekið
slökkvilið sem þjónar höfuð-
borgarsvæðinu af miklum
myndarskap og veitir íbúum nú
ákveðna öryggiskennd vitandi
um þá þjónustu sem SHS veitir.
Við brotthvarf Varnarliðsins
1. okt. 2006 varð eftir ákveðin
óvissa um skyldur slökkviliða
á Suðurnesjum er varða gamla
varnarsvæðið og Keflavíkur-
flugvöll. Við og á flugvellin-
um eru rekin þrjú slökkvilið,
Slökkvilið Keflavíkurflugvallar,
Brunavarnir Suðurnesja (BS) og
Slökkvilið Sandgerðis.
Aukið flækjustig
Þar til nýverið sá Slökkvilið
Keflavíkurflugvallar alfarið um
alla slökkvi- og björgunarþjón-
ustu á flugvellinum þ.e. allar
byggingar og flugvélar auk við-
búnaðar vegna eiturefnaslysa.
Eins og nú háttar, eiga þrjú
áðurgreind slökkvilið að sjá
um þessa þjónustu. Slökkvilið
Keflavíkurflugvallar á að sjá
um flugslys og eld í flugvélum
jafnt utan sem innandyra. BS
á að sjá um allar byggingar á
eystra svæði flugvallarins jafnt
flugskýli sem aðrar byggingar
og Slökkvilið Sandgerðis á að sjá
um allar byggingar og flugskýli
vestan til á flugvellinum. Komið
er upp allnokkurt flækjustig er
varðar útköll og boðun slökkvi-
liða í byggingar á flugvellinum
og má þar nefna eftirfarandi:
Verði eldur í flugskýli á
Keflavíkurflugvelli mun BS
verða boðað, Slökkvistöð BS
er staðsett í Keflavík. Sé hins
vegar flugvél inni í áðurnefndu
flugskýli, ber Slökkviliði Kefla-
víkurflugvallar að mæta og
slökkva í flugvélinni og þá er
þetta væntanlega spurning
hvort greinarmunur sé gerður í
brunaboði frá flugskýli með og
án flugvélar, þetta á reyndar við
öll flugskýli á flugvellinum.
Sama er að segja um t.d. flug-
turninn á Keflavíkurflugvelli,
komi brunaboð frá flugturni,
þá fer slökkviliðsmaður frá
Slökkviliði Keflavíkurflugvallar
og athugar hvort um bilun í kerfi
sé að ræða, sé hinsvegar eldur í
byggingunni þá hringir slökkvi-
lið flugvallarins sem staðsett er
steinsnar frá flugturni, í BS sem
kemur frá Keflavík og sér um
að slökkva eldinn. Allur þessi
hrærigrautur leiðir til óvissu og
ómarkvissra viðbragða.
Óvissa sem hefur verið í
kringum slökkvilið Keflavíkur-
flugvallar með kröfu Isavia ohf.
um að slökkvilið flugvallarins
verði í raun lagt niður í núver-
andi mynd og einskonar viðbún-
aðarþjónusta komi í staðinn, er
einungis til þess fallin að auka
á þá ringulreið sem er nú þegar
í slökkvi- og björgunarþjónustu
flugvallarins.
Sameinaðir kraftar
Með reynslu af stofnun SHS
í huga þá er það skoðun okkar
og margra annarra, að sveitar-
félögin og stjórnvöld sem eiga
hlut að máli komi að þessu með
sambærilegum hætti og gert var
þegar SHS var stofnað og sam-
eini krafta allra slökkviliða á
áðurnefndum svæðum.
Hugmyndir sem settar voru
fram á árunum 2005-2006 um
eitt öflugt slökkvilið höfuðborg-
arsvæðis-Suðurnesja-Selfoss-
Akraness, eiga fyllilega rétt á
sér nú á tímum samdráttar og
sparnaðar.
Fjárhagslegur og fagleg-
ur ávinningur af einu öflugu
slökkviliði er ótvíræður.
Fjárhagslegur ávinningur
felst m.a. í samlegð á tækjum
og mannafla. Faglegur ávinn-
ingur mun m.a. skila sér í nán-
ari samhæfingu í þjálfun og öfl-
ugra og markvissara viðbragðs
á öllu svæðinu.
Við brotthvarf Varnarliðsins 1. okt. 2006
varð eftir ákveðin óvissa um skyldur
slökkviliða á Suðurnesjum er varða
gamla varnarsvæðið og Keflavíkurflugvöll.
Árið 1991 var í fyrsta sinn úthlut-að sérstökum styrkjum til
atvinnumála kvenna að frumkvæði
Jóhönnu Sigurðardóttur þáverandi
félagsmálaráðherra. Síðan þá hafa
þessir styrkir verið veittir árlega af
hálfu félagsmálaráðuneytisins, nú
velferðarráðuneytisins.
Upphaflega var markmið styrk-
veitinganna að draga úr atvinnu-
leysi í röðum kvenna sem þá var
töluvert, jafnframt því að efla
nýsköpun í atvinnulífinu. Þessi
markmið eiga við enn í dag. Sú stað-
reynd blasir við að konur eiga ein-
ungis fjórðung fyrirtækja í landinu
og því er styrkjunum einnig ætlað
að auka hlut þeirra í fyrirtækja-
rekstri. Enn fremur hafa rannsókn-
ir sýnt að konur fá aðeins fimmt-
ung styrkja sem í boði eru og því
er nauðsynlegt að vega upp á móti
þeim mun með sértækum styrkveit-
ingum sem þessum.
Styrkir til atvinnumála kvenna
eru ætlaðir konum sem vinna að
góðum viðskiptahugmyndum og
verkefnum. Skilyrði styrkveitinga
eru þau að verkefnin séu í eigu
kvenna og feli í sér nýnæmi eða
nýsköpun. Ekki er nauðsynlegt að
vera með starfandi fyrirtæki til
að sækja um styrk og því er heim-
ilt að sækja um vegna verkefna á
byrjunarstigi en einnig geta þær
konur sótt um styrk sem eru að
þróa nýjungar í starfandi fyrirtækj-
um. Unnt er að sækja um styrki til
gerðar viðskiptaáætlunar, vegna
markaðssetningar, vöruþróunar og
hönnunar en ekki eru veittir styrk-
ir til framkvæmda eða vegna stofn-
kostnaðar.
Verkefni sem hlotið hafa styrki í
gegnum tíðina eru afar fjölbreytt á
sviði framleiðslu, hönnunar og þjón-
ustu af ýmsu tagi. Sem dæmi um
styrkveitingar síðustu ára má nefna
styrki til þróunar á morgunkorni,
barnamat og heilsusamlegum birki-
safa, markaðssetningar á blásturs-
hljóðfæraviðgerðum, vöruþróunar á
heimagerðum ís, baðhúss í Stykkis-
hólmi auk verkefna á sviði hönnun-
ar af ýmsu tagi. Af þessari upptaln-
ingu má sjá að fjölbreytnin er mikil
enda kraftur í nýsköpun kvenna um
þessar mundir.
Í þarfagreiningu sem gerð var í
fyrra meðal styrkhafa síðustu ára
voru konurnar beðnar um að meta
þýðingu styrkjanna fyrir sig. Fyrir
utan þann augljósa ávinning að fá
fjármuni til að koma verkefnum
sínum áfram bar öllum saman um
að viðurkenningin sem fólst í styrk-
veitingu væri þeim afar mikilvæg
og hvatning til að halda áfram og
vinna enn harðari höndum að því að
gera verkefnin að veruleika.
Með styrkjum sem þessum er tví-
mælalaust stuðlað að aukinni fjöl-
breytni í atvinnulífinu. Ný fyrir-
tæki hafa litið dagsins ljós sem
skapa störf, samfélaginu til hags-
bóta.
Í ár bárust 338 umsóknir hvað-
anæva af landinu og hafa aldrei
borist fleiri. 30 milljónir króna eru
til úthlutunar og hefur ráðgjafar-
nefnd metið umsóknir á undanförn-
um vikum. Að þessu sinni hljóta 42
konur styrki og mun afhendingin
fara fram í Víkinni – Sjóminjasafn-
inu í Reykjavík kl. 13.00 í dag.
Listi yfir styrkhafa er á heima-
síðu verkefnisins, www.atvinnu-
malkvenna.is.
30 milljónir til at-
vinnumála kvenna
Velferðarmál
Guðbjartur
Hannesson
velferðarráðherra
Eitt öflugt slökkvilið
Eggert Karvelsson
formaður Félags slökkviliðsmanna
Keflavíkurflugvelli
Ó. Ingi Tómasson
aðalvarðstjóri Keflavíkurflugvelli
Jón E. Árnason
varðstjóri Keflavíkurflugvelli
Öryggismál
TRJÁPLÖNTUÚTSALA
ÖSP, FURA, BIRKI, GRENI, TOPPAR,
RÓSIR, ÖLUR, REYNIR, KVISTUR,
RUNNI, VÍÐIR, RUNNAMURUR, BER,
ÞÖLL, GULLREGN OG MARGAR
FLEIRI TEGUNDIR.
TRJÁPLÖNTUR Í STYKKJATALI
EÐA MARGAR SAMAN.
BIRKI
ÚTSÖLUVERÐ 150 KR.
Verð áður 500 kr. stk.
ILMREYNIR
ÚTSÖLUVERÐ 950 KR.
Verð áður 1.750 kr. stk.
SITKAGRENI
ÚTSÖLUVERÐ 500 KR.
Verð áður 1.000 kr. stk.
STAFAFURA
ÚTSÖLUVERÐ 600 KR.
Verð áður 1.200 kr. stk.
Smiðjuvöllum 14 | AkranesiNánari upplýsingar í síma 856 1488
ALLT
AÐ
70%
AFSL
ÁTTU
R
Ka
im
an
sve
llir
Holtsflöt
Hagaflöt
Dalbraut
Ha
ga
flö
t
Brúa
Sm
iðj
uv
ell
ir
Esjubraut
14
ÍS
L
E
N
S
K
A
S
IA
.I
S
L
A
E
5
46
34
0
4/
11