Fréttablaðið - 13.05.2011, Page 24

13. maí 2011 FÖSTUDAGUR24
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
timamot@frettabladid.is
Hjartans þakkir til þeirra sem sýndu
okkur samúð og hlýhug við andlát
og útför
Sigurðar Freysteinssonar
Sérstakar þakkir færum við starfsfólki Sóltúns fyrir
alúð og góða umönnun.
Sigrún Lovísa Grímsdóttir
Grímur Sigurðsson Sigríður Finnsdóttir
Freysteinn Sigurðsson Kolbrún Sigurpálsdóttir
Hulda G. Sigurðardóttir Brynjar Þórarinsson
Guðbjörg Sigurðardóttir Skúli Kristjánsson
Sigurður Sigurðsson Liv Marit Sigurðsson
Sigrún Lovísa Sigurðardóttir
og fjölskyldur
Innilegar þakkir sendum við öllum
þeim sem sýndu okkur samúð og hlýju
við andlát og útför móður okkar,
tengdamóður, ömmu og langömmu,
Guðlaugar Stefánsdóttur.
Einnig sendum við kærar kveðjur öllum þeim sem
geyma í hugskoti sínu ljúfar minningar um hana.
Guðríður Ó. Vestmann Bragi Jóhannsson
Alma Vestmann Ægir Sigurðsson
Stefán Vestmann Sara Saengduan Sinpru
ömmu- og langömmubörn
80 ára afmæli
Guðlaugur Jónas
Guðlaugsson
bifreiðasmiður
varð 80 ára þann 10. maí.
Af því tilefni bjóða þau Guðlaugur og Fjóla
ætting jum og vinum að eiga góðan dag með
þeim á veitingahúsinu Boston, Laugavegi
28, kl. 16-18.30 laugardaginn 14. maí.
Benedikta
Þorsteinsdóttir
Benedikta Þorsteinsdóttir fædd-
ist 20. maí 1920 í Efri-Brekku við
Brekkustíg í Reykjavík. Foreldrar
hennar voru Þorsteinn Fr.
Einarsson, húsasmiður, f. 26. mars
1887 á Skipum í Stokkseyrarhreppi,
d. 30. des. 1976, og k.h. Ragnhildur
Benediktsdóttir, f. 1. júní 1887 á
Tumastöðum í Fljótshlíð, d. 20.
nóv. 1954 í Reykjavík. Benedikta
var næstyngst 5 systkina sem nú
eru öll látin. Benedikta giftist 14. mars 1942 Sæmundi
E. Kristjánssyni, vélstjóra, f. 2. sept. 1909 í Otradal við
Arnarfjörð, d. 5. nóv. 1982 í Reykjavík. Þau bjuggu
allan sinn búskap í Reykjavík og eignuðust þar fjög-
ur börn, Kristján, f. 26. okt. 1942, maki Vigdís B.
Aðalsteinsdóttir, Sverri, f. 17. júní 1945, maki Erna
Vilbergsdóttir, Sigríði Dagbjörtu, f. 15. nóv. 1947, maki
Jón Örn Marinósson, og Viktor Smára, f. 8. febr. 1955,
maki Ingibjörg Hafstað. Barnabörn Benediktu eru 13
og barnabarnabörnin 24. Síðustu æviár sín dvaldist
Benedikta á Dvalar- og hjúkrunarheimilinu Grund og
þar lést hún snemma að morgni 6. maí.
Minning
Innilegar þakkir til allra sem sýndu
okkur samúð og hlýhug við andlát
og útför
Ásgerðar Ágústu
Pétursdóttur
Sérstakar þakkir færum við starfsfólki Sóltúns fyrir
góða umönnun.
Pétur Vilhjálmsson Auður Sjöfn Tryggvadóttir
Sigríður Vilhjálmsdóttir
Jóhanna Vilhjálmsdóttir Örn Guðmarsson
Jóhann Sigurfinnur Vilhjálmsson
barnabörn, barnabarnabörn og barnabarnabarnabörn.
Elskuleg eiginkona mín, móðir,
tengdamóðir, amma og langamma,
Sigríður Kristjánsdóttir
Sólhaga, Vatnsleysuströnd,
lést á heimili sínu þriðjudaginn 10. maí. Útför hennar
fer fram frá Kálfatjarnarkirkju fimmtudaginn
19. maí kl. 14.00.
Aðalsteinn Sigursteinsson
Jón Haukur Aðalsteinsson Jóna Harðardóttir
Margrét Aðalsteinsdóttir Pétur Einarsson
Gróa Aðalsteinsdóttir
Guðbergur Aðalsteinsson Helga Jóhannsdóttir
Kristjana Aðalsteinsdóttir Helgi Kristjánsson
Steinþór Aðalsteinsson Kolbrún Skúladóttir
barnabörn og barnabarnabörn
„Ég ætla ekki að halda upp á afmæl-
ið með hefðbundnum hætti,“ segir
Ásta B. Gunnlaugsdóttir, fyrrverandi
landsliðskona í fótbolta, en hún stend-
ur á fimmtugu í dag. Ásta verður á
flandri á afmælisdaginn.
„Við hjónin drifum okkur út úr
bænum í gær og verðum á ferðinni í
dag á Suðurlandinu. Látum veður og
vinda ráða ferð. Í kvöld förum við á
veitingastaðinn Fjöruborðið og borð-
um þar með dætrum okkar tveim og
tengdasonum. Það verður hin eigin-
lega afmælisveisla.“
Gamanið verður þó ekki úti þegar
afmælisdagurinn er liðinn því á
morgun heldur Ásta áfram að ferðast.
„Þá er ég boðin í heljarinnar
skvísuferð til í Stykkishólms að borða
góðan mat og hafa það huggulegt.
Ég sagði einu sinni að á þessu stór-
afmæli ætlaði ég að fara í einhvers
konar „pretty woman“ ferð með vin-
konum til Bandaríkjanna, en Stykk-
ishólmur verður það í ár,“ segir hún
hlæjandi og hlakkar auðheyrilega til
ferðarinnar. Hún segir það líka hafa
kosti í för með sér að vera að heiman
á afmælisdaginn sjálfan.
„Mér hefur verið komið á óvart
kvöld eftir kvöld. Síðustu helgi færðu
vinkonur mínar mér afmælisgjöf,
og í saumaklúbbi í vikunni fékk ég
miða á Eagles-tónleikana. Svo fékk ég
einnig veglega gjöf frá starfsfélögum
mínum svo ég brosi bara hringinn
þessa dagana.“
Spurð hvort hún hræðist aldurinn
segir Ásta það af og frá. Hún þakki
fyrir hvert ár sem bætist við. Ekki
sé sjálfgefið að eldast og fólk eigi
að njóta lífsins. „Mér finnst í raun-
inni fimmtíu ár ekkert merkilegri
aldur en 49 ár. Það á að hafa góðan
mat þegar maður vill, sama hvaða
dagur er. Ég hef heldur aldrei skil-
ið konurnar sem segjast vera yngri
en þær eru. Ef þú ert 35 og lítur út
fyrir að vera 32 en segist vera 29, þá
kemur það nú ekki vel út,“ segir hún
og skellir upp úr.
Ekki er hægt að sleppa Ástu án
þess að spyrja hvort hún sé ekki „allt-
af í boltanum“ en hún var var lengi
markahæsta landsliðskona Íslands.
„Ég vinn í íþróttamiðstöð og æfi
með karlahópi í hádeginu á vinnu-
staðnum. Svo starfa ég í unglinga-
nefnd KSÍ og er liðsstjóri í nítján
ára landsliði kvenna. Dætur mínar
eru báðar í fótbolta og ég fylgist auð-
vitað með þeim. Svo jú, ég er „allt-
af í boltanum“, þó að ég sé hætt að
keppa.“ heida@frettabladid.is
ÁSTA B. GUNNLAUGSDÓTTIR FÓTBOLTAKONA: FAGNAR FIMMTUGU Í DAG
EKKERT MERKILEGRA EN 49 ÁR
Íslenska ríkið undirritaði samning um
kaup á Skaftafelli í Öræfasveit undir
þjóðgarð. Jörðin var afhent í sept-
ember árið eftir og þjóðgarðurinn
opnaður um vorið 1968.
Þjóðgarðurinn þekur um 4.800
ferkílómetra lands og þar vex mikill
gróður milli sands og jökla. Þjóð-
garðurinn var stækkaður 1984 og svo
aftur 2004 og eru nú um tveir þriðju
hlutar af Vatnajökli innan þjóðgarðs-
ins. Við stofnun Vatnajökulsþjóð-
garðs 8. júní 2008 varð Skaftafell
hluti hans. Sem þjóðgarður var
Skaftafell skipulagt sem göngusvæði
og býður fjölbreytt landslagið upp
á ólíkar gönguleiðir. Svartifoss og
Skaftafellsjökull draga að ferðalanga
og í Skaftafelli er þjónustumiðstöð
og stórt tjaldsvæði.
Heimild: wikipedia.org og
vatnajokulsthjodgardur.is
ÞETTA GERÐIST: 13. MAÍ ÁRIÐ 1966
Ríkið kaupir Skaftafell
ÁSGEIR ÁSGEIRSSON forseti Íslands (1894-1972) fæddist þennan dag.
„Mark þurfa allir að setja sér og velja leiðina í samræmi við það.“
BROSIR ALLAN HRINGINN Ásta B. Gunn-
laugsdóttir, fyrrverandi landsliðskona í
fótbolta, verður á flandri á fimmtugsaf-
mælinu sínu.
FRÉTTABLAÐIÐ/VALLI