Fréttablaðið - 01.06.2011, Síða 13

MIÐVIKUDAGUR 1. júní 2011 13
DÝRAHALD „Þetta var reglulega óvænt,“
segir Guðjón Antonsson á Hvolsvelli um
hryssu sína sem kastaði tveimur folöld-
um aðfaranótt mánudags. Hryssan er
ásamt fleiri hrossum á Skeggjastöðum
í Vestur-Landeyjum. Sjaldgæft er að
hryssur eignist tvíburafolöld.
„Ég fór þarna nóttina sem hún kastaði.
Það voru komin tvö folöld og ég hélt í
fyrstu að tvær hryssur væru kastaðar.
Svo kom í ljós að það var önnur hryssa að
reyna að stela öðru folaldinu hennar. Það
leyndi sér ekki að hún átti bæði folöldin.“
Hryssan frjósama eignaðist tvær
hryssur sem eru sprækar og fá nóg að
drekka hjá móður sinni. Önnur þeirra
er heldur minni en hin, eins og oft vill
verða með tvíburafolöld, en hún gefur
systur sinni samt ekkert eftir.
Halldór Kristinn, sonur Guðjóns,
kveðst í samtali við Fréttablaðið hafa
farið að skoða folöldin, annað sé rautt
en hitt móvindótt. Þau eru vel ættuð, út
af Ófeigi frá Flugumýri og Eldjárn frá
Tjaldhólum.
Halldór Kristinn og Guðjón reka
hrossabúskap á Skeggjastöðum og eru
þar með 50 til 60 hross. Þeir fá upp undir
tuttugu folöld á ári og selja sum til lífs
en önnur í kjötframleiðslu. - jss
Hrossabónda á Skeggjastöðum í Vestur-Landeyjum birtist óvænt sýn þegar hann kom í hagann:
Hryssa kastaði tveimur sprækum folöldum
TVÍBURAFOLÖLDIN Litlu hryssurnar með móður sinni. Þær
hafa ekki fengið nafn.
DÓMSMÁL Lögreglustjórinn á
höfuðborgarsvæðinu hefur ákært
konu á fertugsaldri fyrir þjófnað
og fíkniefnalagabrot.
Konunni er gefið að sök að hafa
stolið snyrtivörum og skarti úr
Hagkaupi í Smáralind. Verðmæti
þýfisins nam rúmlega tuttugu
þúsund krónum.
Þá er konan ákærð fyrir að
hafa haft í fórum sínum fíkniefn-
ið maríjúana sem lögregla fann
við leit í bifreið hennar, þar sem
hún var stöðvuð við Jaðarsel í
Reykjavík. - jss
Kona ákærð fyrir þjófnað:
Stal skarti og
snyrtivörum
NOREGUR Ólíklegt er að hugmynd-
ir norskra samgönguyfirvalda
um hraðlest milli höfuðborga
Norðurlanda verði að veruleika
í bráð.
Í Noregi hefur undanfarið verið
unnið að undirbúningi lestar
sem færi á allt að 330 kílómetra
hraða á klukkustund milli Ósló-
ar, Stokkhólms og Kaupmanna-
hafnar en Svíar taka ekki í mál
að leyfa meiri hraða en 250.
Í Aftenposten kemur fram að
á þeim hraða myndi ferðalagið
milli Óslóar og Kaupmanna-
hafnar taka meira en þrjá tíma
og þar með gera lestarferðirnar
óhagkvæmar, því að fólk kysi þá
fremur að fljúga milli staða. - þj
Samgöngubót í uppnámi:
Segja Svíana
hindra hraðlest
HRAÐLESTAR Áætlanir Norðmanna um
hraðlest milli höfuðborga Norðurlanda
eru í uppnámi. FRÉTTABLAÐIÐ/AP
Ræktun í risíbúð
Tveir karlmenn á þrítugsaldri hafa
verið ákærðir fyrir að rækta eina
kannabisplöntu í risíbúð við Melgerði
í Reykjavík. Plantan var orðin 115
sentimetrar á hæð þegar ræktunin var
stöðvuð.
LÖGREGLUMÁL
- vélar
Vesturhrauni 3 · 210 Garðabæ.
Sími 480-0000 · www.aflvelar.is
- sala
- varahlutir
- þjónusta
**
*
*
*
*
*
*
*
*
*
*
* **