Fréttablaðið - 28.07.2011, Qupperneq 28

28. júlí 2011 FIMMTUDAGUR2
ÚR HÁBORG TÍSKUNNAR
Bergþór Bjarnason skrifar frá Nice
Nothing er heitið á iPhone tösku kóreska hönnuðarins Jin-woong koo.
Hann heldur vel utan um iPhoninn, kortin og skilríkin en sumir komast
ansi langt með það eitt í farteskinu.
Að vanda var hátíska næsta vetrar kynnt blaðamönnum og við-skiptavinum í París í
júlí, en viðskiptavinir hátísk-
unnar eru aðeins tvö hundruð
í heiminum. Hver kjóll er enda
framleiddur í einu eintaki og
aðeins er selt eftir pöntunum.
Viðburðaríkar voru sýningarn-
ar í heild sinni ekki. Það hafði
verið beðið með nokkurri eftir-
væntingu eftir því hvað tísku-
hús Dior myndi gera á fyrstu
hátískusýningunni eftir brott-
rekstur Johns Galliano í mars
síðastliðnum. Minna var um
stórfenglegar flíkur með ótrú-
legum fylgihlutum og ekki laust
við að vantaði heildarmynd á
sýninguna. Blandan af munstri
og litum í hverri „silúettu“
var í ójafnvægi og ólíklegt
að stjórn Dior láti tísku-
húsið fljóta stjórnlaust
áfram um langa hríð.
Umgjarðir sýning-
anna voru ansi ólíkar.
Meðan Chanel endur-
skapar Place Ven-
dôme með súlunni á
miðju torginu, þar
sem Coco Chanel er
komin í stað Napó-
leons, var engin
tískusýning hjá
Givenchy held-
ur voru flíkurnar
sýndar á líflausum
fyrirsætum en um
leið var hönnunin í
fyrirrúmi.
Jean Paul Gaultier
vakti, eins og oft,
athygli fyrir sína
hönnun en sjaldan
hafa eins margar
karlfyrirsætur sést á sýn-
ingarpallinum á hátísku-
sýningu og að þessu sinni enda
hefur Gaultier oft skemmt sér
við að má út mörkin milli hins
karl- og kvenlega. Þarna sáust
því konur í jakkafötum með
bindi og menn í pilsum og síðum
skikkjum. Svo mikla athygli
vakti að hin ómissandi brúður
í lok sýningarinnar þurfti að
koma tvisvar fram. Þetta var
Mylène Farmer, lifandi goðsögn
í frönsku poppi.
Þrír ungir herrar (eins og
venjulega engir kvenhönnuðir)
áttu ágæta spretti á hátísku-
sýningunum en það er enginn
barnaleikur að tefla við hátísku-
gyðjuna. Alexis Mabille er einn
af áhugaverðari hönnuðunum í
dag. Hjá honum mátti sjá sögu-
hetjur úr sögum La Fontaine
eins og refinn og krákuna,
storkinn og maurinn en spurn-
ing hver á að nota flíkurnar.
Giambattista Valli sýndi í
boði hátískusamtakanna en
þrátt fyrir metnað sinn
átti hönnun þessa Ítala
í erfiðleikum með að
sannfæra gesti, þrátt
fyrir umfangsmikla
prinsessukjóla og fóru
sumar fyrirsæturnar
grátandi af sviðinu
svo óþægilegir voru
skórnir. Sá þriðji var
Alexandre Vauthier,
fyrrum aðstoðarmað-
ur Gaultiers. Allir
kjólarnir hans voru
rauðir og eins og
vantaði tilbreytingu
í hönnunina. Nýtt
blóð virðist því
ekki duga til að
lífga upp á hátísk-
una. Kannski vant-
ar þar kvenlega sýn.
bergb75@free.fr
Hátíska á lágum nótum
Kristján Eyjólfsson gullsmiður
hefur fengið inngöngu í hin virtu
bresku samtök The Goldsmiths‘
Company Directory, sem eru
lokuð samtök gullsmiða í Bret-
landi. Kristján er eini Íslend-
ingurinn sem er í samtökunum
en í þeim eru einungis um þrjú
hundruð meðlimir. „Stærstu
nöfnin í gullsmíði í Bretlandi
eru meðal annarra inni í þess-
um samtökum,“ segir Kristján
og bætir við að þau séu gífurlega
virt í Bretlandi. „Þetta þykir
mikill heiður og gæðastimpill.“
Kristján segir að samtökin
eigi rætur að rekja til þrettándu
aldar. „Hópurinn sem ég er orð-
inn hluti af var stofnaður árið
2002,“ upplýsir Kristján en eftir-
sótt er að verða meðlimur í sam-
tökunum. „Ég veit nokkur dæmi
um gull- og silfursmiði sem hafa
reynt margsinnis að komast í
samtökin en fá ekki inngöngu,“
segir Kristján sem fór í gegnum
strangt inntökuferli, sótti viðtöl,
sýndi skartgripi sína og sendi inn
ferilskrá.
Kristján er inntur eftir því
hverju innganga í samtökin
breyti fyrir hann. „Hönnun mín
verður öruggari og ég reikna
með að mínir viðskiptavinir
taki mig alvarlega sem hönnuð
og gullsmið. Þetta skiptir miklu
máli fyrir framtíðina,“ útskýrir
Kristján sem hefur búið í Bret-
landi frá árinu 2004. Þá fór hann
í BA-nám í gull- og silfursmíði
í School of Jewellery í Birm-
ingham. „Ég gekk inn í þriðja
árið en ég þurfti að taka á mig
heilmikið nám á þessu eina ári.
Þetta reyndi á en var verulega
skemmtilegt.“
Við útskrift hlaut Kristján
verðlaun fyrir frumlega hönnun
frá breska skartgripasamband-
inu BJA. Eftir árið í Birmingham
fékk hann ýmis atvinnutilboð og
þáði að lokum eitt þar sem hann
starfaði sem yfirsmiður þar til á
síðasta ári, þegar hann stofnaði
sitt eigið fyrirtæki, Eyjolfsson
Goldsmiths með eiginkonu sinni
Ivonne Valle. Kristján vinnur nú
að nýrri línu en hann hittir við-
skiptavini sína víða um London.
„Þetta er rosalega gaman. Ég
hitti alls konar fólk sem gengið
hefur með þann draum í magan-
um að láta smíða skartgripi fyrir
sig,“ segir Kristján en vel hefur
gengið hjá honum undanfarið
og myndir af skartgripum eftir
hann birtust í júlíhefti breska
Vogue fyrir skömmu.
martaf@frettabladid.is
Kristján Eyjólfsson segir það gæðastimpil að fá inngöngu í samtökin. MYND/ÚR EINKASAFNI
Sumar útsalan
er hafin
4 verð
1.990–4.990
Útsala
30-50%
afsláttur
af útsöluvörum
Fékk inngöngu í virt
samtök gullsmiða
Kristján Eyjólfsson gullsmiður fékk nýlega inngöngu í hin virtu bresku
samtök The Goldsmiths‘ Company Directory. Öll þekktustu nöfnin í breskri
skartgripahönnun eru í samtökunum sem telja bara 300 manns.