Fréttablaðið - 03.08.2011, Blaðsíða 8
3. ágúst 2011 MIÐVIKUDAGUR8
FRÉTTASKÝRING
Hvernig standa mál Kvikmyndaskóla Íslands?
Stjórn Kvikmyndaskóla Íslands hefur óskað
eftir að árlegt framlag ríkisins verði aukið úr
38 milljónum króna í 70. Í mars fór stjórnin
fram á 140 milljón króna árlegt framlag, en
hefur nú lækkað þá ósk. Ráðuneytið hefur
boðið 57 milljón krónur
árlega. Því hafnaði skólinn
í júní.
Hilmar Oddsson skóla-
stjóri segir að starfsemi
skólans geti haldið áfram,
verði stjórnvöld við lág-
markskröfum um 70 millj-
óna króna árlegt framlag.
Hann segir núverandi
framlag miðað við fjórum
sinnum minni skóla. Því sé
ekki nema eðlilegt að það
hækki í samræmi við aukin
umsvif.
„Við höfum skilið að ekki
sé hægt að hækka framlag-
ið til fulls miðað við ástand-
ið og því lagt til 70 milljón
króna framlag. Það munar
13 milljónum króna á okkar
tillögum og ríkisins. Mun
íslenska ríkið falla með
þeim milljónum til Kvikmyndaskóla Íslands?
Auðvitað ekki, þetta er einfaldlega pólitísk
ákvörðun.“
Elías Jón Guðjónsson, aðstoðarmaður
ráðherra, segir að ráðuneytið hafi bent á að
miðað við þær tekjur sem skólinn hefur gangi
reksturinn ekki upp þar sem útgjöld séu þar
langt umfram. Ráðuneytið hafi velt upp þeim
möguleika að skólinn verði minnkaður.
Hilmar bendir á að allar ákvarðanir um
stækkun skólans hafi verið teknar í samráði
við stjórnvöld. „Ef það er myndin sem menn
fá að við höfum verið að spila eitthvað sóló þá
er það kolrangt.“ Það sé heldur engin lausn að
minnka skólann um helming, með því minnk-
uðu tekjur hans í skólagjöldum. Skólagjöldin
séu komin að sársaukamörkum fyrir nemend-
ur og ekki hægt að hækka þau, en þau hafa
ekki hækkað síðan 2003. Þá sé ósanngjarnt
að minnka námsframboð skólans á miðri önn,
eftir að nemendur hafi fjárfest í dýru námi
með ákveðna námskrá í huga.
Í fréttatilkynningu sem stjórnin sendi frá
sér í gær var það gagnrýnt að Katrín Jakobs-
dóttir, mennta- og menningarráðherra, hefði
ekki gengið frá samningum við skólann áður
en hún fór í barneignarleyfi. Katrín segist lítt
skilja þessa gagnrýni.
„Þá stóðu yfir viðræður sem var ekki lokið.
Ég gat því miður ekki frestað fæðingarorlof-
inu,“ segir Katrín, en vísar að öðru leyti til
starfandi ráðherra, Svandísar Svavarsdóttur.
Ekki náðist í hana við vinnslu fréttarinnar.
Mikill niðurskurður hefur átt sér stað í
menntamálum á síðustu árum. Á síðasta ári
var framlag til háskólastigs skorið niður um
10 prósent og um 15 prósent til framhalds-
skólastigs. Hilmar bendir hins vegar á að skól-
inn hafi verið undirfjármagnaður í mörg ár.
Stjórnendur Kvikmyndaskólans og fulltrú-
ar menntamálaráðuneytisins munu funda um
málefni skólans í dag. kolbeinn@frettabladid.is
Þá stóðu yfir viðræður sem var
ekki lokið. Ég gat því miður ekki
frestað fæðingarorlofinu.
KATRÍN JAKOBSDÓTTIR
MENNTA- OG MENNINGARMÁLARÁÐHERRA
Þrettán milljónir ber á milli
Kvikmyndaskóli Íslands óskar eftir 70 milljóna króna árlegu ríkisframlagi. Ríkið býður 57 milljónir. Krafa
skólans hefur lækkað um helming. Ráðuneytið hefur stungið upp á því að skólinn verði minnkaður.
KVIKMYNDASKÓLINN Framlög skólans eru miðuð við fjórum sinnum minni skóla, að sögn stjórnenda. Ráðuneytið
hefur stungið upp á því að skólinn minnki. FRÉTTABLAÐIÐ/ANTON
HILMAR ODDSSON
KATRÍN
JAKOBSDÓTTIR
Hilmar segir skólann hafa boðið Listaháskóla
Íslands samstarf síðastliðið haust en stjórnendur
þar á bæ hafi hafnað þeirri tillögu. „Það var
aldrei vilji né áhugi hjá ríkisstjórninni til þess að
koma náminu þar inn.“
Hilmar segist hins vegar sannfærður um að á
endanum muni kvikmyndagerð verða kennd við
Listaháskólann. Hann segir stöðu Kvikmynda-
skólans nú endurspegla það skilningsleysi sem
kvikmyndagerð hafi lengi búið við hér á landi.
Litið hafi verið á þá sem við hana starfa sem
afætur, þegar raunin sé sú að um mjög arðbæra
grein sé að ræða.
Samstarfi hafnað
KALDRIFJAÐUR Ted Bundy kom vel fyrir
en undir yfirborðinu var hann samvisku-
laus morðingi sem skildi eftir sig blóði
drifna slóð um Bandaríkin endilöng.
BANDARÍKIN, AP Löggæsluyfirvöld
í Bandaríkjunum vonast til þess
að geta upplýst nokkur óleyst
morðmál frá fyrri tíð með hjálp
nútímatækni, eftir að blóðsýni
úr raðmorðingjanum Ted Bundy
fannst fyrir tilviljun.
Bundy játaði á sig morð á
þrjátíu konum og stúlkum á
árunum 1974 til 1978 og var tek-
inn af lífi fyrir glæpi sína árið
1989.
Lögregla hafði hingað til ekki
haft neitt fullkomið lífsýni í
höndunum, en getur nú borið
sýnið nýfundna saman við gögn
úr óleystum morðmálum um
öll Bandaríkin síðustu fimmtíu
árin. - þj
Ný sönnunargögn fundin:
Morð Bundys
jafnvel fleiri
Þrjár plöntur í Eyjum
Lögreglan í Vestmannaeyjum lagði
hald á þrjár kannabisplöntur við
húsleit í íbúð í Vestmannaeyjum
í fyrrakvöld. Einnig var lagt hald á
búnað til ræktunar. Húsráðandinn var
færður til yfirheyrslu vegna málsins
og viðurkenndi aðild að málinu. Talið
er að fleiri tengist ræktuninni og er
málið í rannsókn.
LÖGREGLUMÁL
VILD IS ÐE HÓL POJNT!
Allt fyrir áskrifendur
Nú geturðu byrjað að nota punktana þína sem þú
hefur safnað í Stöð 2 Vild.
Kauptu viðbótaráskrift fyrir punkta.
Nýttu punktana þína upp í glæsileg tilboð hjá
Vildarvinum Stöðvar 2.
Kannaðu punktastöðuna þína á stod2.is og njóttu
allra þeirra fríðinda sem Stöð 2 Vild býður upp á.
VILDARÁSKRIFT AÐ STÖÐ 2 INNIHELDUR AUK STIGVAXANDI AFSLÁTTAR. 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
LÖGREGLUMÁL Eftirlitsmaður
frá Fiskistofu gerði síðastliðinn
sunnudag upptæk tvö net sem
lögð höfðu verið á Bíldudalsvogi.
Bannað er að hafa net við strend-
ur frá föstudagskvöldi til þriðju-
dagsmorguns en einnig er líklegt
að þau hafi legið nær ármynni en
lög gera ráð fyrir.
„Hann kom hérna í lögreglu-
fylgd í gegnum garðinn með
myndavél og tók myndir af laxa-
hreistri áður en hann fór út á
voginn og tók þetta upp,“ segir
Kolbeinn Gunnarsson, sem varð
vitni að atburðinum. Hann er ekki
eigandi netanna. Hann segir enn
fremur að einungis hafi verið
makríll í netunum en enginn lax.
Hann segir enn fremur að það
hafi vakið athygli bæjarbúa að
eftirlits maðurinn hafi verið ásamt
konu sinni eins og hver annar
ferðamaður á tjaldstæðinu á Bíldu-
dal. Þorsteinn G. Hilmarsson, upp-
lýsingafulltrúi Fiskistofu, segir að
Fiskistofa fái verktaka til þessara
starfa vítt og breitt um landið og
sé þeim í sjálfsvald sett hvernig
þeir haga sínum ferðalögum.
Lögreglan á Vestfjörðum segir að
netin hafi verið gerð upptæk og að
málið sé nú til rannsóknar. - jse
Eftirlitsmaður með erindisbréf frá Fiskistofu kallaði lögregluna til á Bíldudal:
Tók tvö ólögleg net með makríl
FRÁ BÍLDUDALSVOGI Eftirlitsmaður
með erindisbréf frá Fiskistofu fór ekki í
erindisleysu um voginn á sunnudaginn.
DANMÖRK Foreldrar í Danmörku
auglýsa í sífellt auknum mæli eftir
nýjum afa og ömmu handa börnum
sínum. Í einni slíkri auglýsingu er
tekið fram að enginn afi og amma
séu í móðurætt og að afi og amma
í föðurætt séu orðin of gömul.
Bjarne Bekker, ritstjóri Senior-
life.dk sem birt hefur yfir 600
slíkar auglýsingar á einu og hálfu
ári, segir breytingar í samfélaginu
eiga hlut að máli. Afinn og amman
séu mögulega útivinnandi og hafi
ekki tíma til þess að gæta barna-
barnanna. - ibs
Breytt samfélag í Danmörku:
Auglýsa eftir
afa og ömmu
1 Hversu margir Saffran-staðir
verða opnaðir í Bandaríkjunum?
2 Hver sigraði í Einvíginu í golfi
um helgina?
3 Hvar fór unglingalandsmót
UMFÍ fram um helgina?
SVÖR:
1. Fimm. 2. Nökkvi Gunnarsson.
3. Á Egilsstöðum
VEISTU SVARIÐ?