Fréttablaðið - 03.08.2011, Blaðsíða 42
3. ágúst 2011 MIÐVIKUDAGUR34
sport@frettabladid.is
ÁSDÍS HJÁLMSDÓTTIR spjótkastari tryggði sér í gærkvöldi sæti á Ólympíuleikunum í London 2012. Ásdís
kastaði 59,12 metra á móti í Laugardalnum en lágmarkið er 59 metrar. Ásdís, sem keppir á Demantamótaröðinni í
frjálsum í London á föstudag, sagði í samtali við Fréttablaðið mikinn létti að lágmarkið væri komið í hús. Aðstæður
í Laugardalnum hefðu verið hinar bestu og ánægjulegt væri að geta farið afslöppuð til keppni í London.
FÓTBOLTI Merkilegur viðsnúning-
ur hefur átt sér stað í frammi-
stöðu Spánverja á stórmótum í
knattspyrnu undanfarin ár. Fyrir
örfáum árum þótti jafnöruggt að
Spánverjar myndu ekki standa
undir væntingum á stórmótum og
Englendingar. Þá er mikið sagt.
Í kjölfarið á Evrópumeistaratitli
sínum sumarið 2008 tóku hins
vegar Spánverjar yfir alþjóða-
knattspyrnu og virðast seint munu
sleppa takinu.
Frammistaða yngri landsliða
Spánar gefur nefnilega til kynna
að framtíðin sé afar björt. U21
árs landsliðið fór taplaust í gegn-
um Evrópukeppnina í Danmörku í
sumar. Sigurinn var forsmekkur-
inn að mögnuðu sumri hjá yngri
landsliðum Spánar.
Kvennalandsliðið skipað leik-
mönnum 17 ára og yngri varð
Evrópu meistari á sunnudag þar
sem íslensku stelpurnar voru
meðal annars yfirspilaðar af
meisturunum. Sólarhring síðar var
komið að karlalandsliðinu skipuðu
leikmönnum 19 ára og yngri, sem
lagði Tékka í dramatískum úrslita-
leik.
„Lykillinn að árangrinum er
starfið sem knattspyrnusamband
Spánar vinnur um allt landið,“
sagði Ginés Meléndez, þjálfari 19
ára landsliðs Spánar, eftir sigur
sinna manna á mánudag. „Við fáum
leikmennina þegar þeir eru 15
ára. Þeim er kennt að vinna innan
ákveðins ramma sem breytist ekki
þótt þeir flytjist á milli aldurs-
flokka. Ramminn er sá sami allt
upp í A-landsliðið,“ sagði Meléndez.
Sigurinn var sá fimmti í
Evrópu keppni 19 ára karlalands-
liða á tíu árum. Árið 2002 mættu
Spánverjar jafnöldrum sínum frá
Þýskalandi í úrslitaleik keppninn-
ar. Fernando Torres skoraði eina
mark úrslitaleiksins á Ullevaal-
leikvanginum í Osló.
Sex árum eldri, sumarið 2008,
var Torres aftur úrslitavaldurinn
þegar hann skoraði sigurmark-
ið í Evrópukeppni A-landsliða.
Aftur lágu Þjóðverjar í valnum.
Spánverjar höfðu ekki unnið stór-
mót í knattspyrnu síðan á Evrópu-
mótinu 1964.
Með heimsmeistaratitlinum
2010, sínum fyrsta, staðfesti
spænska landsliðið yfirburði sína
á knattspyrnuvellinum. Landsliðs-
þjálfarinn Vincente del Bosque er
þó alls ekki saddur.
„Það er frábært að minnast
sigra og fagna þeim en á sama
tíma verðum við að undirbúa
okkur fyrir framtíðina,“ segir del
Bosque, en fram undan er Evrópu-
keppni landsliða 2012.
Hann segir árangur A-landsliðs-
ins enga tilviljun.
„Leikmennirnir sem við höfum
úr að velja koma í A-landsliðið
meðvitaðir um hvernig þeir eiga
að spila,“ segir del Bosque.
Hvergi er veikan blett að finna
á Spánverjum þegar knattspyrna
er annars vegar. Barcelona hefur
borið höfuð og herðar yfir önnur
félagslið undanfarin ár. Til marks
um það hefur liðið staðið uppi
sem sigurvegari í Meistaradeild
Evrópu þrisvar á síðustu sex árum.
Spánverjar virðast meira að
segja fremstir meðal jafningja
í innanhússknattspyrnu, futsal.
Karlalandsliðið er ríkjandi
Evrópu meistari og si lfur-
verðlaunahafi á síðasta heims-
meistaramóti. - ktd
Ekkert lát er á sigurgöngu knattspyrnulandsliða Spánverja, sem bættu tveimur titlum í safnið um helgina:
Ótrúleg velgengni spænsku landsliðanna
BIKARINN Á LOFT Spánverjar fagna heimsmeistaratitlinum sumarið 2010, einum af
fjölmörgum sigrum landsliða Spánar á undanförnum árum. NORDIC PHOTOS/AFP
FÓTBOLTI Keppni í Pepsi-deild karla
hefst aftur í dag eftir stutt hlé.
Fimm leikir fara fram í kvöld en
viðureign Keflavíkur og KR er
frestað vegna þátttöku síðarnefnda
liðsins í Evrópudeild UEFA. KR
er þó með fjögurra stiga forystu á
næsta lið og missir því ekki topp-
sætið í kvöld.
Þórður Þórðarson, þjálfari topp-
liðs ÍA í 1. deild karla, telur ein-
mitt að fátt geti komið í veg fyrir
að KR standi uppi sem Íslands-
meistari í haust.
„Ég á ekki von á öðru en að KR,
ÍBV og Valur verði áfram að berj-
ast á toppnum eins og áður,“ sagði
Þórður um framhaldið. „Mér sýn-
ist að þessi lið séu sterkustu lið
deildarinnar þegar á heildina er
litið. Ég tel einnig að það sé ekkert
lið sterkara en KR í dag og býst við
að KR-ingar muni sigla titlinum í
höfn í haust.“
Erfitt hjá ÍBV í Árbænum
Valur mætir Grindavík á heima-
velli í kvöld en ÍBV mætir Fylki
í Árbænum. Þórður reiknar með
Valssigri en segir verkefni ÍBV
erfiðara. „Gallinn við Fylkismenn
er hversu óstöðugir þeir hafa verið
en þeir hafa verið sterkir í síðustu
leikjum,“ sagði Þórður.
Íslandsmeistarar Breiðabliks
mæta bikarmeisturum FH í
kvöld en hvorugt lið hefur náð sér
almennilega á strik í sumar. FH
er í fjórða sæti en Blikar í því átt-
unda. „Bæði lið þurfa þrjú stig til
að halda sér í efri hluta deildarinn-
ar – sérstaklega Blikar. Ég á ekki
von á að þeir muni blanda sér í
baráttu efstu fimm liða deildarinn-
ar ef þeir tapa í kvöld,“ segir Þórð-
ur en gengi Blika í sumar hefur
komið honum á óvart. „Breiða-
blik átti gott tímabil í fyrra og ég
hélt að liðið myndi ná að fylgja því
eftir.“
Láta frekar verkin tala
Stjörnumenn hafa að sama skapi
staðið sig betur en Þórður reiknaði
með fyrir tímabilið en liðið er nú
í fimmta sætinu og mætir lánlaus-
um Víkingum í kvöld.
Víkingar eru í fallsæti eins og
er og töpuðu í síðasta leik fyrir
hinum nýliðunum, Þór, með sex
mörkum gegn einu. Var það fyrsti
leikur Bjarnólfs Lárussonar með
liðið eftir að skipt var um þjálfara.
„Bjarnólfur sagði fyrir þann leik
að það yrðu miklar breytingar á
sínu liði strax í fyrsta leik. Helsta
breytingin var hversu mörg mörk
Víkingar fengu á sig. Mér finnst
hann hafa verið full yfirlýsinga-
glaður og fengið sín ummæli í
bakið. Það eru ekki traustvekjandi
vinnubrögð og sendir slæm skila-
boð til leikmanna. Oft er betra að
láta verkin tala,“ sagði Þórður.
Þorvaldur mun bjarga Fram
Fram er í botnsæti deildarinn-
ar og mætir einmitt Þór í kvöld.
Þórður hefur meiri trú á að Fram
muni bjarga sér en Víkingur. „Ég
þekki það sjálfur að Þorvaldur
(Örlygsson) er góður þjálfari og
tel að hann muni ná að bjarga lið-
inu frá falli. Það mun þó velta að
stórum hluta á þessum leik. Þórs-
arar hafa þó verið á góðum skriði
að undanförnu og ef þeir ætla sér
að verða alvörulið verða þeir að
halda áfram á þeirri siglingu.“
Værum um miðja efstu deild
Skagamenn hafa sýnt ótrúlega
yfirburði í fyrstu deildinni í sumar
og eru með sextán stiga forystu á
liðið í þriðja sæti. Þórður telur að
sínir menn myndu spjara sig ágæt-
lega í Pepsi-deildinni í ár. „Ég tel
að ÍA væri miðlungslið í deildinni
í dag. Við erum skrefi á eftir bestu
liðunum en gætum siglt nokkuð
lygnan sjó um miðja deild miðað
við spilamennsku okkar í sumar,“
segir Þórður en bendir á að Skaga-
menn séu langt því frá byrjaðir að
hugsa um líf í Pepsi-deildinni. „Við
ætlum ekki að fagna einu né neinu
fyrr en úrvalsdeildarsætið verður
í höfn.“ eirikur@frettabladid.is
Hef meiri trú á Fram en Víkingi
Þrettánda umferð Pepsi-deildar karla hefst í dag með fimm leikjum. Þórður Þórðarson, þjálfari ÍA, spáir í
spilin fyrir Fréttablaðið en hann hefur ekki trú á því að önnur lið muni ógna atlögu KR að titlinum.
MEISTARARNIR MÆTAST Þórður Þórðarson, þjálfari ÍA, reiknar með spennandi viðureign þegar Breiðablik tekur á móti FH í kvöld.
Hér eru Atli Viðar Björnsson, FH, og Blikinn Kristinn Jónsson í fyrri leik liðanna í sumar. FRÉTTABLAÐIÐ/VILHELM
KR 11 8 3 0 25-7 27
Valur 12 7 2 3 18-9 23
ÍBV 11 7 1 3 16-9 22
FH 12 5 4 3 26-18 19
Stjarnan 12 5 3 4 22-20 18
Fylkir 12 5 3 4 20-21 18
Keflavík 12 5 2 5 17-17 17
Breiðablik 12 4 3 5 20-24 15
Þór 12 4 2 6 17-23 14
Grindavík 12 3 2 7 15-26 11
Víkingur 12 1 4 7 9-21 7
Fram 12 1 3 8 7-17 6
PEPSI-DEILDIN
Bjarnólfur sagði fyrir
þann leik að það yrðu
miklar breytingar á sínu liði
strax í fyrsta leik. Helsta
breytingin var hversu mörg
mörk Víkingar fengu á sig.
ÞÓRÐUR ÞÓRÐARSON
ÞJÁLFARI ÍA
Miðvikudagurinn 3. ágúst
Fylkir - ÍBV kl.18.00
Fylkisvöllur
Valur - Grindavík kl.19.15
Vodafonevöllurinn
Breiðablik - FH kl.19.15
Kópavogsvöllur
Víkingur R. - Stjarnan kl.19.15
Víkingsvöllur
Þór - Fram kl.19.15
Þórsvöllur
kl. 9.15
KÖRFUBOLTI Haukur Helgi Pálsson,
landsliðsmaður Íslands í körfu-
knattleik, hefur tekið þá ákvörðun
að hætta að spila með Maryland-
háskóla. Hann vonast til þess að
komast að hjá félagi í Evrópu.
„Ég held að leikstíllinn minn
henti betur í Evrópu. Mér hefur
fundist mun skemmtilegra að spila
í Evrópu en í Bandaríkjunum.
Þetta er meira alhliða körfubolti í
Evrópu,“ segir Haukur.
Haukur, sem er 19 ára, stóð sig
vel á fyrsta ári sínu með skóla-
liðinu í fyrra.
„Jú, það gekk ágætlega úti. Ég
byrjaði í seinustu tveimur leikj-
unum mínum, sem er mjög gott
fyrir fyrsta árs nema. En þótt það
hafi gerst leitaði hugurinn alltaf
til Evrópu,“ segir Haukur.
Haukur segir vissulega áhættu
fólgna í því að segja upp fullum
skólastyrk í þeirri von að komast
að hjá félagi í Evrópu.
„Það er náttúrulega alltaf
áhætta eins og heimurinn er í dag.
En ég vona það besta. Það er ekk-
ert skrifað í stein hvort ég fer eitt-
hvað eða ekki. En vonandi gerist
það og ég er frekar bjartsýnn,“
segir Haukur, sem segir nokkur
félög í Evrópu hafa sýnt honum
áhuga.
„Ég hefði mjög gaman af því
að spila á Ítalíu eða á Spáni. En
maður veit aldrei hvar maður
endar sitt fyrsta atvinnutímabil í
körfuboltanum ef af verður.“ - ktd
Haukur hættur hjá Maryland:
Vill komast að
hjá liði í Evrópu
ALHLIÐA LEIKMAÐUR Haukur telur
boltann í Evrópu henta sér betur.