Fréttablaðið - 03.08.2011, Blaðsíða 41
MIÐVIKUDAGUR 3. ágúst 2011 33
Leikarinn James Franco sagði frá
því í viðtali við Playboy að hann
og kærasta hans til fimm ára, leik-
konan Ahna O’Reilly, væru hætt
saman. Hann kenndi námsþorsta
sínum um sambandsslitin.
„Ég hafði nýlokið námi í New
York og skráði mig svo í frekara
nám í Yale. Ég held að það hafi
gert útslagið. Ég var of mikið fjar-
verandi,“ sagði leikarinn. Aðrir
vilja meina að parið hafi hætt
saman vegna vináttu Francos við
bresku fyrirsætuna Agyness Deyn
en þau hafa sést ítrekað saman frá
því í janúar. Síðast sást til þeirra
á hóteli í Los Angeles í lok síðustu
viku og að sögn sjónarvotta voru
þau mjög innileg við hvort annað.
Sáust ítrekað saman
Bandaríska leikkonan og fyrir-
sætan Paz de la Huerta er að
leggja lokahönd á nýja kvikmynd
sem byggð er á sögunni um rauðu
skóna. Hún segir mikilvægt að
boðskapur kvikmyndarinnar kom-
ist til skila því hann eigi mjög vel
við í dag.
„Myndin fjallar um einstaka
konu sem býr í smábæ og er
útskúfað vegna þess að hún er
hæfileikarík og öðruvísi en aðrir.
Þegar hún svo gerir mistök fyr-
irgefa hinir bæjarbúarnir henni
ekki því þeir eru svo öfundsjúkir
út í hana,“ sagði de la Huerta, sem
fer sjálf með aðalhlutverkið. Leik-
konan þykir nokkuð sérstök bæði í
hegðun og fasi og hefur látið ýmis-
legt flakka í blaðaviðtölum. Í við-
tali við New York Observer segir
hún lélegar ljósmyndir af Amy
Winehouse hafa verið á meðal
þess sem varð söngkonunni ungu
að falli.
„Fjölmiðlar verða að læra að
bera ábyrgð á gjörðum sínum.
Sjáið hvað kom fyrir Amy Wine-
house. Kannski hefði hún haft
meira sjálfstraust ef tímarit hefðu
ekki birt svona mikið af ljótum
myndum af henni og þá hefði hún
kannski ekki drukkið eins mikið,“
sagði leikkonan.
Ljósmyndir urðu Amy að falli
SEST Í LEIKSTJÓRASTÓL Paz de la Huerta
leikstýrir kvikmynd sem flytur boðskap
sem á vel við í dag. NORDICPHOTOS/GETTY
NÝTT PAR? James Franco og Agyness
Deyn hafa sést ítrekað saman frá því í
janúar. NORDICPHOTOS/GETTY
Rapparinn Jay-Z hefur verið
kvæntur söngkonunni Beyoncé
frá árinu 2008 og er parinu mjög
umhugað um einkalíf sitt. Sam-
kvæmt sjónarvottum sást þó
rapparinn skemmta sér með
fyrirsætunni Selitu Ebanks á
skemmtistað.
„Þau föðmuðust og hlógu
mikið saman. Hann virtist alveg
áhyggjulaus og hagaði sér eins og
hann væri á lausu. Beyoncé virt-
ist ekki vera í huga hans,“ sagði
sjónarvottur.
Beyoncé er á tónleikaferðalagi
um Evrópu um þessar mundir en
hún er ein vinsælasta söngkona
heims.
Sást með
annarri konu
ÁHYGGJULAUS Jay-Z skemmti sér
áhyggjulaus ásamt fyrirsætu á meðan
Beyoncé ferðaðist um heiminn.
NORDICPHOTOS/GETTY
Lítið hefur sést til Blake Lively
og Leonardos DiCaprio undanfar-
ið og hafa slúðurmiðlar velt því
fyrir sér hvort parið hafi slitið
sambandi sínu. Svo er þó ekki
því til þeirra sást í Los Angeles á
miðvikudag.
Lively og DiCaprio sáust fyrst
saman á Cannes-kvikmynda-
hátíðinni í vor og hafa fjölmiðlar
veitt sambandi þeirra mikla
athygli. Ástin milli þeirra virð-
ist enn í fullum blóma því Lively
tók sér hlé frá tökum til þess að
snæða hádegismat með DiCaprio
á miðvikudaginn var. „Þau sátu
hlið við hlið og deildu með sér
disk af mexikóskum mat. Þau
töluðu mjög hljóðlega saman
og aðrir gestir létu þau alveg í
friði,“ var haft eftir sjónarvotti.
Deildu taco
á milli sín
ENN SAMAN Blake Lively og Leonardo
DiCaprio eru enn saman.
NORDICPHOTOS/GETTY
Reykjavík
Skútuvogi 1
Sími: 562 4011
Akureyri
Draupnisgata2
Sími: 460 0800
Reyðarfjörður
Nesbraut 9
Sími: 470 2020www.ronning.is