Fréttablaðið - 03.08.2011, Blaðsíða 24
3. ÁGÚST 2011 MIÐVIKUDAGUR2 ● fréttablaðið ● ferðir
● SAMFERÐA Vefsíðan www.
globetropper.com aðstoðar not-
endur við að skipuleggja ferðalög
og hafa í leiðinni uppi á samferða-
fólki í svipuðum hugleiðingum. Á
síðunni er hægt að skoða sögur
úr afstöðnum ferðalögum, sem
eru jafn fjölbreyttar og þær eru
margar, skipuleggja nýjar ferðir og
bjóða fólki að vera með. Ferðirn-
ar eru síðan flokkaðar út frá nokkr-
um þáttum, svo sem erfiðleikum, menningarsjokki, fjarlægð og áhættu.
Þar er líka spjallvefur þar sem fólk skiptist á alls kyns hugleiðingum og
hagnýtum upplýsingum. Hægt er að hafa samband við vefstjóra á slóð-
inni www.globetrooper.com/general/contact.
● HEIMILISLAUSIR MEÐ LEIÐSÖGN UM LUNDÚNIR Ferða-
menn upplifa borgir vissulega á annan hátt en íbúar þeirra. Undir farar-
stjórn Sock Mob Events um Lundúnir geta ferðamenn verið öruggir um
að fá allt aðra sýn á borgina. Ástæða þess er að leiðsögumennirnir eru
heimilislausir borgarar.
Hugmyndin að baki þessu er að gefa utangarðsfólki tækifæri til þess
að gera eitthvað uppbyggilegt. Á sama tíma fá þátttakendur að kynnast
borginni með augum heimilislausra ásamt því að fræðast um sögu
hennar. Leiðsögumennirnir eru þjálfaðir og leiða göngur meðal annars
um Shoreditch, Covent Garden, Brick Lane og Mayfair. Hver leiðsögn
endar á sögulegum bar í nágrenninu þar sem tækifæri gefst til að kynn-
ast leiðsögumanninum nánar.
Frekari upplýsingar á vefsíðunni www.sockmobevents.org.uk.
Breska blaðið The Independent
hefur birt lista yfir þau lönd sem
þykja skara fram úr í ævintýra-
ferðamennsku. Ísland er þar í
öðru sæti yfir helstu iðnríki á
eftir Sviss, en í næstu könnun á
undan var Ísland í toppsætinu.
Listinn byggir á úttekt sem
Samtök í ævintýraferðamennsku
(ADTI) og George Washington-
háskóli og ráðgjafar fyrirtækið
Vital Wave Consulting gerðu
á 195 löndum, þar sem þeim
var skipt í iðnríki og þróunar-
ríki og gefin stig að uppfylltum
ákveðnum atriðum. Fjölbreytt
af þreying, öryggi og náttúru-
auðlindir voru á meðal þeirra
þátta sem mið var tekið af.
Athygli vekur að tvö önnur
Norðurlandaríki eru á lista yfir
tíu efstu iðnríkin, það er Noreg-
ur og Svíþjóð. Bretland, Ástralía,
Lúxemborg, Danmörk og Spánn
hafa öll verið atkvæðamikil síð-
ustu ár en ná ekki inn á listann
að þessu sinni.
Ævintýraeyjan Ísland
Ísland þykir vera langt komið í svokallaðri ævintýraferðamennsku samkvæmt The
Independent. FRÉTTABLAÐIÐ/VILHELM
Allt sem þú þarft
Þú færð Fréttablaðið á kostnaðarverði
á 120 stöðum um land allt. Nánari
upplýsingar á visir.is/dreifing
Áform eru uppi um að reisa
lúxuskattahótel í Kattholti á
komandi mánuðum.
„Ef ég mætti ráða þá yrði móttaka
með miðum eins og er á hótelum.
Það er aldrei að vita hvað ég geri,“
segir Anna Kristine Magnús dóttir,
formaður Kattavinafélags Ís-
lands. Áform eru uppi um að gera
kattahótelið í Kattholti að lúxus-
hóteli fyrir ketti á komandi mán-
uðum. „Þar sem súkkulaðimolar
eru á koddunum á fínum hótelum
er aldrei að vita nema við setjum
rosalega gott kattanammi í hvert
búr þegar kettirnir tékka inn.“
Anna Kristine segir draumur-
inn vera að breyta kattahótelinu í
lítið sex stjörnu lúxushótel. Breyt-
ingarnar á hótelinu munu felast í
því að smíðuð verða ný og stærri
búr bæði fyrir kettina sem gista á
hótelinu og þá sem eru í óskilum.
„Þetta verða stærri búr en þeir
eru í, þar sem þeir geta athafnað
sig betur. Við erum komin með
teikningar að búrunum en þurf-
um að finna út hver getur gert
þetta fyrir okkur eða hvar við
fáum þau,“ segir Anna Kristine og
bætir við að einnig þurfi að mála
hótelið upp á nýtt.
Að hennar sögn var katta-
hótelið alveg troðfullt um
verslunarmanna helgina. „Fólk
virðist vera betur meðvitað um að
setja kisurnar sínar á Hótel Katt-
holt þegar það fer út úr bænum
heldur en að skilja þær eftir
heima þar sem einhver gefur
þeim eða setja þær í fóstur,“ út-
skýrir Anna Kristine, sem segir
vel hugsað um kettina á Hótel
Kattholti. Þar sé leikið við þá og
þeir fái mat, hlýju og ást.
Anna Kristine er innt eftir
því hvernig verkefnið verði fjár-
magnað. „Kattholt stendur mjög
illa fjárhagslega,“ segir hún með
áherslu en upplýsingar um reikn-
ingsnúmer þar sem hægt er að
styrkja Kattholt er að finna á
heimasíðunni www.kattholt.is.
„Peningaskorturinn háir okkur.
Okkur vantar fólk sem er til í að
hjálpa okkur að reisa þetta hótel.
Eins ef einhverjir vilja gefa okkur
málningu og ef það er einhver
sem getur smíðað búr þá má sá
gjarnan hafa samband við mig,“
upplýsir Anna Kristine, sem segir
að sig hafi alltaf dreymt um að
verða hótelstjóri. - mmf
Alltaf dreymt um
að verða hótelstjóri
Anna Kristine Magnúsdóttir segir að sig hafi alltaf dreymt um að verða hótelstjóri. FRÉTTABLAÐIÐ/ANTON
Áformað er að búrin verði stærri þegar
kattahótelið verður sex stjörnu lúxus-
hótel.