Fréttablaðið - 13.09.2011, Blaðsíða 2
13. september 2011 ÞRIÐJUDAGUR2
Nú eru ýmis traust
raftæki á góðu
Tækifærisverði.
Láttu sjá þig.
Nóatúni 4 · Sími 520 3000
www.sminor.is
Tæki færi
8. - 24. september 2011
LANDBÚNAÐUR „Það er svolítið
skrýtið að fá hingað kind sem
aldrei hefur farið úr heima-
högum,“ segir Sigurjón Stefáns-
son, bóndi á Steiná í Svartárdal
í Austur-Húnavatnssýslu, sem
fann kind úr Rangárvallasýslu í
Stafnsrétt þegar réttað var þar í
200. sinn síðastliðinn laugardag.
„Hún getur hafa komið öðru-
hvoru megin við Hofsjökul norður
á Eyvindarstaðaheiði þaðan sem
hún smalaðist. Hún hefur þurft að
fara yfir einhverjar jökulár nema
hún hafi farið yfir Hofsjökul. það
er ómögulegt að segja hvaða leið
hún hefur farið.“
Ljóst er að leiðin sem ærin
fór var löng og klaufirnar voru
gengnar upp í kviku að sögn Sig-
urjóns, sem finnst skrýtið að fá
norður kind sem aldrei hefur
farið úr heimahögum.
„En kannski var hún að flýja
sandrok. Hún hefur kannski ekki
þekkt landið sitt sem hún var vön
að ganga á.“
Þetta er ekki í fyrsta sinn sem
Sigurjón fær kind að sunnan. „Ég
hef einu sinni fengið kindur sunn-
an af Eyrarbakka. Þær voru orðn-
ar klaufalitlar.“
Eigandi flökkukindarinnar úr
Fljótshlíð, Kristinn Hákonarson
á Eyvindarmúla, segist hafa látið
hana út í maí. „Hún bar í vor og
var sleppt upp á heimaland hjá
okkur en var lamblaus þegar hún
fannst. Þetta var sex ára kind
mörkuð mér og það er magnað
að hún skuli hafa farið alla þessa
leið. Hún er búin að fara yfir
margar sauðfjárveiki varnarlínur.
Hún er búin að brjóta vel af sér,“
segir hann um flökkukindina,
sem var slátrað í gær.
Kristinn kveðst aldrei hafa
misst kind á þennan hátt áður.
Sigurður Eyþórsson, fram-
kvæmdastjóri Landssamtaka
sauðfjárbænda, segir samtökin
hafa talsverðar áhyggjur af línu-
brjótum. „Það er ekki svo langt
síðan varnarhólfum í sauðfjár-
rækt var fækkað. Við héldum
að gert yrði átak í að lagfæra
varnar girðingar en viðhaldi
þeirra er sums staðar ábótavant.“
Matvælastofnun á að sjá um
viðhaldið en hefur ekki fengið
nægilegt fé til þess. „Þetta er
eilíf barátta um fjármagn,“ segir
Þorsteinn Ólafsson, dýralæknir
nautgripa- og sauðfjársjúkdóma
hjá Matvælastofnun.
Það er mat hans að línu brjótar
séu ekki orðnir fleiri en þeir
voru. „Það er þó nokkuð um línu-
brjóta en þeim hefur ekki fjölg-
að.“ ibs@frettabladid.is
Kind gekk úr Fljóts-
hlíð norður í land
Klaufirnar gengnar upp í kviku eftir ferðina þvert yfir landið. Var sleppt upp
á heimaland með lambi í vor en var lamblaus þegar hún fannst í Stafnsrétt í
Svartárdal. Viðhaldi sauðfjárveikivarnagirðinga ábótavant vegn fjárskorts.
LÍNUBRJÓTURINN Kindin bar í vor en var lamblaus þegar hún fannst. Hún fór yfir
margar sauðfjárveikivarnarlínur. MYND/ELÍN
Hún hefur þurft að
fara yfir einhverjar
jökulár nema hún hafi farið
yfir Hofsjökul.
SIGURJÓN STEFÁNSSON
BÓNDI Á STEINÁ Í SVARTÁRDAL
TRÉ ÁRSINS 2010 Í fyrra varð þessi álmur
við Heiðarveg í Vestmannaeyjum fyrir
valinu.
NÁTTÚRA Tré ársins 2011 verður
kynnt við hátíðlega athöfn að
Greniteigi 9 í Reykjanesbæ í
hádeginu í dag. Skógræktar félag
Íslands sér um valið en þetta er
í fyrsta sinn sem tré á Suður-
nesjum verður fyrir valinu.
Í tilkynningu frá Skógræktar-
félaginu segir að tré þetta þyki
fyrirtaks dæmi um það hvernig
trjágróður geti vaxið og dafnað
þrátt fyrir erfið skilyrði.
Útnefningunni er ætlað að
beina sjónum almennings að því
gróskumikla starfi sem unnið er
um allt land í trjá- og skógrækt
og benda á menningarlegt gildi
einstakra trjáa um allt land. - mþl
Tré á Suðurnesjum valið:
Tré ársins
kynnt í dag
ALÞINGI Jóhanna Sigurðardóttir
vildi lítið tjá sig á Alþingi í
gær um nýleg ummæli Ólafs
Ragnars Grímssonar, forseta
Íslands, sem
gagnrýnt hefur
ríkisstjórnina
fyrir að beygja
sig fyrir
erlendu valdi
í samningum
um Icesave.
Ólöf Nordal,
varaformaður
Sjálfstæðis-
flokksins,
krafði Jóhönnu
svara um skoðun hennar á
ummælunum, hvort hún teldi
forsetann hafa farið út fyrir
valdsvið sitt og það væri ríkis-
stjórninni að meinalausu að for-
setinn viðhefði slík ummæli í
hennar nafni erlendis. Ólöf tók
fram að hún væri sammála for-
setanum.
Jóhanna vísaði í ummæli sín
í fjölmiðlum; forsetinn hefði
vegið ómaklega að stjórnvöldum
og hún hygðist ræða það við
hann. - kóp
Krafin svara um forsetann:
Jóhanna þögul
um forsetann
JÓHANNA
SIGURÐARDÓTTIR
ATVINNUMÁL Forsvarsmenn Arion banka sögðu
upp 57 starfsmönnum í gær. 38 þeirra störfuðu
hjá höfuð stöðvum bankans en 19 á öðrum starfs-
stöðvum, að því er fram kemur í tilkynningu frá
bankanum.
Forsvarsmenn bankans segjast harma aðgerð-
irnar en að ljóst megi vera að rekstur íslenska
fjármálakerfisins sé of kostnaðarsamur. Ekki séu
fyrirhugaðar frekari aðgerðir af þessu tagi.
„Almennt má ljóst vera að rekstur íslenska fjár-
málakerfisins er of kostnaðarsamur. Fjöldi starfs-
fólks hjá fjármálafyrirtækjum hér á landi er of
mikill miðað við umfang kerfisins. Sú staðreynd á
einnig við um Arion banka. Að auki eru ný verkefni,
svo sem eftirspurn eftir nýjum lánum og fjárfest-
ingar í lægð sem stendur,“ segir í tilkynningunni.
Einnig kemur fram að þrátt fyrir að afkoma
bankans hafi verið viðunandi síðastliðin misseri
sé stór hluti þess hagnaðar tilkominn vegna endur-
mats á lánabók á fyrirtækjasviði bankans. Líkt og
greint hefur verið frá í fjölmiðlum að undanförnu
var hagnaður bankans 10,2 milljarðar á fyrrihluta
þessa árs. „Arion banki hefur styrkt stöðu sína á
markaði frá stofnun bankans en engu að síður eru
aðgerðirnar nú nauðsynlegar til að treysta stöðu
bankans og samkeppnishæfni til framtíðar.“
Vinnumálastofnun hefur verið tilkynnt um upp-
sagnirnar. - sv
Fjöldauppsagnir hjá Arion banka þrátt fyrir 10 milljarða hagnað á síðasta ári:
Fimmtíu og sjö manns sagt upp
HÖFUÐSTÖÐVAR ARION BANKA 38 starfsmönnum í höfuð-
stöðvum bankans var sagt upp í gærmorgun. FRÉTTABLAÐIÐ/PJETUR
Friðrik, hefur þú nú hitt í
mark?
„Já, skeytin inn.“
Friðrik Steinn Friðriksson vöruhönnuður
hannaði átthyrnt fótboltamark og vakti
þar með athygli hönnunartímaritsins
FORM, sem telur hann meðal fimm
bestu unghönnuðanna.
SLYS Umferðarslys varð um
kvöldmatarleytið á Akranesi í
gær þegar ökumaður mótorhjóls
missti stjórn á hjóli sínu. Talið
er að maðurinn hafi blindast af
kvöldsólinni með fyrrgreindum
afleiðingum.
Samkvæmt upplýsingum frá
lögreglunni á Akranesi slasaðist
maðurinn töluvert og var fluttur
á Sjúkrahúsið á Akranesi til
aðhlynningar. Hann er þó ekki
talinn í lífshættu. Að sögn lög-
reglu var maðurinn vel búinn og
varð það til þess að betur fór en
á horfðist. - sv
Mótorhjólaslys á Akranesi:
Blindaðist af
kvöldsólinni
UMHVERFISMÁL Mikil svifryksmengun
mældist í Reykjavík í gær. Magn svif-
ryks mældist yfir 260 míkrógrömm
á rúmmetra um miðjan dag, en fari
magnið yfir 100 er einstaklingum með
ofnæmi eða með alvarlega hjarta- og
lungnasjúkdóma ráðlagt að halda sig
innan dyra.
Þegar styrkurinn er orðinn meira en
150 geta einstaklingar sem eiga ekki
við vandamál í öndunarfærum að stríða
einnig fundið fyrir óþægindum.
Í tilkynningu frá Heilbrigðiseftirliti
Reykjavíkur segir að ekki hafi verið
um öskufok að ræða heldur hafi sandur
og þurr leir borist til borgarinnar frá
þurrum svæðum við Langjökul. Því
megi búast við að styrkur svifryks fari
yfir sólarhringsheilsuverndarmörk.
Seinnipart dags var hálftímagildi
í Grensásstöðinni, þar sem mengun
mælist yfirleitt mest í Reykjavík, rúm-
lega 200 míkrógrömm á rúmmetra,
en meðaltal frá miðnætti er 37,8.
Samkvæmt spá Veðurstofu Íslands er
búist við að vind lægi í dag og því má
búast við að fokið minnki.
Töluvert mistur var yfir Reykjavíkur-
borg um helgina en þó fór svifryk ekki
yfir heilsuverndarmörk fyrr en í gær. - sv
Svifryksmengun í Reykjavík var svo mikil í gær að möguleiki er á að heilbrigðir hafi fundið til óþæginda:
Loftmengun mælist langt yfir hættumörkum
SVIFRYKSMENGUN Í REYKJAVÍK Í GÆR Svifryk fór yfir 250 í gær
vegna sand- og leirfoks frá Langjökli. FRÉTTABLAÐIÐ/ANTON
SLYS Gangnamaður á þrítugsaldri
slasaðist töluvert í Þjórsárdal í
gær þegar hestur sparkaði í höfuð
hans.
Samkvæmt upplýsingum frá
lögreglunni á Selfossi var maður-
inn í hóp með öðrum á leið upp á
Flóamannaafrétt til að leita fjár.
Allir mennirnir voru ríðandi á
hestum.
Maðurinn hlaut mjög slæman
skurð á höfði þegar hesturinn
sparkaði í hann. Lögregla og
sjúkralið var kallað á vettvang og
var maðurinn fluttur til aðhlynn-
ingar á sjúkrahús. - sv
Gangnamaður slasaðist:
Hestur sparkaði
í höfuð smala
SPURNING DAGSINS