Fréttablaðið - 13.09.2011, Side 14
14 13. september 2011 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Kundalini jóga - Byrjendanámskeið
Meðgöngujóga - Mömmujóga - Krakkajóga
Hatha jóga - Yoga Nidra - Sadhana
DANS dans DANS
Ertu „enn á leiðinni“ í jóga?
Vantar þig orku, einbeitingu, gleði og ró?
KUNDALINI JÓGA
„Vertu velkominn“
Orkugefandi - Markvisst - Umbreytandi
Skráning og nánari upplýsingar:
www.jogasetrid.is
Auður Bjarna 846 1970
JÓGASETRIÐ - Borgartúni 20, 4. hæð
HALLDÓR
Hanna Birna Kristjánsdóttir, oddviti Sjálfstæðisflokksins í borgarstjórn,
virðist hafa sérkennilegan skilning á hlut-
verki borgarstjóra og embætti borgarritara
sem auglýst var nú um helgina. Mér finnst
rétt að leiðrétta þennan misskilning.
Hanna Birna heldur því fram í fréttum
um helgina að borgarkerfið sé að þenjast
út. Ekkert er jafn fjarri sannleikanum. Hún
misskilur eitthvað þar. Veit hún ekki betur
eða er hún kannski að misskilja viljandi? Er
hún búin að gleyma því að árið 2007 lagði
Sjálfstæðisflokkurinn fram eins tillögu um
stofnun embættis borgarritara?
Kostnaður við skrifstofu borgarstjóra
hefur ekki aukist eins og hún heldur líka
fram í sama viðtali. Hann hefur þvert á
móti lækkað umtalsvert eins og Hönnu
Birnu á að vera vel kunnugt um. Þar hefur
starfsfólki fækkað og rekstrarkostnaður
lækkað.
Ekkert er á reiki varðandi verkefni
borgar stjóra. Ég mun áfram verða æðsti
embættismaður borgarinnar og þeirra
sviða sem Reykjavíkurborg rekur. Reyndar
eru sviðin orðin færri núna. Menntasvið,
leikskólasvið og frístundahluti ÍTR sam-
einuðust í nýtt skóla- og frístundasvið sem
tók til starfa nú í vikunni.
Skrifstofustjóri borgarstjóra hefur haft
yfirumsjón með því verkefni og embætti
borgarritara á einmitt að skoða og gera til-
lögur um hvernig hægt er að fara í enn
frekari sameiningar skrifstofa og gera mið-
læga stjórnsýslu borgarinnar einfaldari,
skilvirkari og hagkvæmari. Þetta á að vera
stöðugt verkefni í rekstri borgarinnar.
Borgarritari verður staðgengill borgar-
stjóra. Það er ekkert nýtt. Borgarstjóri
hefur alltaf haft staðgengil. Slíkur stað-
gengill hefur heitið skrifstofustjóri borgar-
stjóra og hann hefur einnig verið kallaður
borgarritari. Stundum hefur borgarlögmað-
ur jafnvel verið staðgengill borgarstjóra.
Þegar Hanna Birna var sjálf borgarstjóri
og brá sér til útlanda var skrifstofustjóri
borgarstjórnar jafnan staðgengill hennar.
Staðgengill borgarstjóra leysir hann ekki
af í vinnunni dags daglega eins og Hanna
Birna heldur fram. Hér er um að ræða
nauðsynlegan hlut í stjórnsýslu þar sem
staðgengill verður að vera til staðar ef, í
þessu tilviki borgarstjóri, er af einhverjum
orsökum fjarverandi. Hlutverkin eru mjög
skýr. Staða borgarritara er mjög spennandi,
krefjandi og lifandi starf. Vil ég nota þetta
tækifæri til þess að hvetja sem flesta sem
telja sig hæfa til að gegna embættinu til
að sækja um stöðuna. Umsóknarfrestur
rennur út 26. september næstkomandi.
Skýrt hlutverk
Borgarmál
Jón Gnarr
borgarstjóri
Leikskólaumræður
Erfitt getur verið að eiga við þvera
krakka sem bíta eitthvað í sig. Þrátt
fyrir að útskýrt sé fyrir þeim að það
sé ekki í þínu valdi að verða við kröf-
unum breytir það stundum litlu. Þing-
menn stjórnarandstöðunnar fylktu liði
í pontu á þingi í gær og kröfðust þess
að Jóhanna Sigurðardóttir forsætis-
ráðherra yrði viðstödd umræður um
breytingar á stjórnarráði. Forseti
upplýsti að boðunum yrði
komið til hennar, meira væri
ekki hægt að gera. Það stöðv-
aði þó ekki þingmenn í langri
umræðu um málið. Forseti
upplýsti þá að forsætis-
ráðherra væri að taka á
móti erlendum gestum og kæmi strax
að því loknu. Engu að síður þurftu
fjórir þingmenn stjórnarandstöðunnar
að koma í pontu og ræða þá óum-
breytanlegu stöðu. Svona er umræðan
stundum á leikskólum landsins.
Sittu kyrr og hlustaðu
Einn þeirra þingmanna sem aftur tjáðu
sig um málið var Ásmundur Einar
Daðason. Hann krafðist ekki aðeins
þess að forsætisráðherra kæmi í þing-
sal, brýnt væri að tryggja að Jóhanna
sæti kyrr undir ræðum þingmanna
og tæki þátt í umræðunni. Vald
Alþingis verður sífellt meira og
val einstakra þingmanna að
sama skapi minna.
Allt skýrt, eða ekki neitt
Enn og aftur sannaðist það í gær að
ráðherrar ríkisstjórnarinnar líta hlutina
ekki sömu augum. Í umræðu um
skýrslu ESB um landbúnaðarmál á
Íslandi kom þetta vel í ljós. Utanríkis-
ráðherra taldi allt í skýrslunni kýrskýrt.
Landbúnaðarráðherra taldi hana svo
óskýra að hann væri til í ferð til Brus-
sel til að grafast fyrir um raunverulega
merkingu hennar. Margt má
segja um ríkisstjórnina, en
samstíga er hún ekki.
kolbeinn@frettabladid.is
F
iðrildavika UN Women er nú haldin í annað sinn. Mark-
miðið er að vekja athygli á kjörum kvenna í fátækustu
löndum heims. Um leið er þess farið á leit við Íslendinga
að ganga í systralag með þessum konum með því að láta
fé af hendi rakna til baráttunnar gegn ofbeldi og fátækt.
Hugmyndin að baki því að kenna átakið við fiðrildi er falleg
og skírskotar til þeirrar kenningar að vængjasláttur agnar lítilla
fiðrilda í einum heimshluta geti haft áhrif á veðrakerfið í öðrum
heimshluta, auk þess sem fiðrildið hefur um aldir verið tákn
umbreytinga og frelsis.
Lítið framlag á Íslandi getur enda aukið líkurnar á því að
fátækum konum auðnist að
skapa sér og börnum sínum og
um leið samfélaginu öllu betri
framtíð.
Starf UN Women beinist
fyrst og fremst að því að bæta
kjör kvenna í fátækustu löndum
heimsins. Það er ekki að ástæðu-
lausu því 70% allra þeirra sem
búa við sára fátækt eru konur sem bera yfirleitt ekki aðeins
ábyrgð á því að fæða og framfleyta sjálfum sér heldur einnig
börnum sínum.
Margar rannsóknir hafa sýnt að aðstoð við að bæta kjör, mennt-
un og réttindi kvenna í þróunarlöndum hefur margfeldisáhrif
vegna þess að hún skilar sér einnig í meðal annars betri kjörum
og menntun barna þeirra.
Verkefni sem snúa að jafnrétti kynjanna í þróunarlöndum eru
endalaus. Þessi verkefni krefjast ekki aðeins mannafla og tíma
heldur einnig talsverðra fjármuna. Þess vegna er efnt til þessa
fjársöfnunarátaks nú.
Það fé sem Íslendingar láta af hendi rakna í Fiðrildaviku mun
ganga til þess að styrkja konur í fátækustu löndum heims til þess
að verða sjálfstæðir borgarar sem hafa áhrif á eigin líf og kjör og
á samfélag sitt allt. Til þess að svo geti orðið þurfa þessar konur
menntun og atvinnutækifæri. Þannig geta þær öðlast sjálfstætt
líf án ofbeldis.
Þetta er í annað sinn sem Fiðrildavika er haldin en haustið
2008 tókst UN Women (eða UNIFEM eins og samtökin hétu þá)
að safna 100 milljónum króna.
Kannski sýnir það þá ábyrgð sem Íslendingar, sem að mjög
mörgu leyti standa framarlega í jafnréttismálum kynjanna,
kenna til gagnvart systrum sínum í löndum þar sem lengra er í
land í jafnréttismálum.
Verkefnin eru enn óþrjótandi og því vonlegt að íslenskar konur
og karlar taki enn á ný við sér með jafnmyndarlegum hætti og
fyrir þremur árum. Það gildir nefnilega það sama hér og um
aðra þróunaraðstoð að lítið framlag á Íslandi getur með fiðrilda-
áhrifum skipt sköpum fyrir líf og framtíð konu í fjarlægu landi.
Vængjasláttur á Íslandi getur gefið konu
í fjarlægu landi byr undir báða vængi.
Fiðrildaáhrif
systralags
SKOÐUN
Steinunn
Stefánsdóttir
steinunn@frettabladid.is