Fréttablaðið - 13.09.2011, Qupperneq 27

meistaradeild evrópu ● fréttablaðið ●ÞRIÐJUDAGUR 13. SEPTEMBER 2011 3
Það þekkja allir Messi,
Rooney, Ronaldo og Torres.
En hvaða leikmenn eiga
eftir að koma mest á óvart
í Meistaradeildinni í vetur?
Arnar Björnsson, einn
reyndasti íþróttafréttamaður
landsins, bendir á 11 leikmenn
sem áhorfendur ættu að taka
vel eftir í vetur.
„Það eru margir leikmenn sem
gætu sett skemmtilegan svip
á keppnina og skotið sér upp á
stjörnuhimininn í vetur,“ segir
Arnar.
Þjóðverjinn Mario Götze var
lykil maður í sigri Borussia Dort-
mund í þýsku Bundesligunni síðast-
liðinn vetur. „Grunnurinn er til
staðar og hann er ótrúlega góður
miðað við aldur og getur orðið ein
af stórstjörnunum í boltanum.“
Eden Hazard, kantmaður Lille,
spilaði einnig stórt hlutverk þegar
lið hans tryggði sér óvæntan sigur
í frönsku deildinni. „Hazard var
einn heitasti leikmaðurinn á mark-
aðinum í sumar og það er spurn-
ing hvað hann verður lengi hjá
Lille. Annar leikmaður sem áhorf-
endur ættu að gefa gaum er Dan-
inn Christian Eriksen. Það verður
gaman að sjá hann með Kolbeini
Sigþórssyni. Tveir frábærir leik-
menn sem hafa alla burði til að ná
enn lengra.“
Einn leikmaður sem hefur
komið Arnari á óvart í vetur
er Phil Jones, varnarmaður
Manchester United. „Það er ljóst
að Ferguson hefur veðjað á réttan
leikmann og hann hefur staðið sig
betur en ég reiknaði með. Smell-
passar í United-liðið.“
„Juan Mata lærði fræðin hjá
Real Madrid og gæti orðið einn af
lykilmönnum Chelsea í vetur og
Kóreumaðurinn Park Chu-Young
gæti spilað stórt hlutverk hjá
Arsenal. Ég sá hann spila nokkra
leiki með Mónakó og hann kemur
með nýja vídd inn í enska boltann.“
Einn áhugaverðasti mark-
vörðurinn í Meistaradeildinni er
Manuel Neuer hjá Bayern. „Það
verður forvitnilegt að sjá hvort
forráðamenn Manchester United
eigi eftir að naga sig í handar bökin
fyrir að hafa ekki keypt Neuer í
sumar.“
„Giuseppe Rossi hjá Villarreal
hefur ótrúlegt markanef og verð-
ur gaman að fylgjast með honum
kljást við stóra og sterka varnar-
menn í Meistaradeildinni. Fábio
Coentrão er fjölhæfur leik maður
og gæti gert gæfumuninn fyrir
Real Madrid. Hann var að mínu
mati besti maður Portúgala hér á
Laugardalsvelli gegn Íslendingum.
Marek Hamšík er stórskemmti-
legur sóknarmaður hjá Napoli og
João Moutinho hjá Porto er alvöru-
miðjumaður og gæti orðið stórt
númer í Evrópuboltanum.“
Götze verður
STÓRSTJARNA
MARIO GÖTZE
Borussia Dortmund
Fæddur: 3. júní 1992 (19 ára)
Staða á velli: Sóknartengiliður
Næsta stórstjarna Þýskalands og efstur
á óskalista Manchester United. Hefur
þegar stimplað sig inn í þýska
landsliðið.
EDEN HAZARD
Lille
Fæddur: 7. janúar 1991 (20 ára)
Staða á velli: Kantmaður
Eldfljótur og leikinn Belgi sem Arsenal
reyndi að kaupa í sumar og Liverpool
freistaði þess að fá forkaupsrétt á.
CHRISTIAN ERIKSEN
Ajax
Fæddur: 14. febrúar 1992 (19 ára)
Staða á velli: Sóknartengiliður
Efnilegasti Dani sem komið hefur fram
í síðan Michael Laudrup sló í gegn.
Yngsti leikmaðurinn á HM 2010.
JUAN MATA
Chelsea
Fæddur: 28. apríl 1988 (23 ára)
Staða á velli: Kantmaður/framherji
Upp alinn hjá Real Madrid, sló í gegn
hjá Valencia og seldur til Chelsea fyrir
23,5 milljónir punda.
MAREK HAMŠÍK
Napoli
Fæddur: 27. júlí 1987 (24 ára)
Staða á velli: Sóknartengiliður
Besti leikmaður Slóvakíu frá upphafi.
Kom til Brescia aðeins 17 ára og seldur
til Napoli fyrir 5,5 milljónir evra 2007.
MANUEL NEUER
Bayern Munchen
Fæddur: 2 7. mars 1986 (25 ára)
Staða á velli: Markvörður
Var frábær milli stanganna hjá Schalke
og Bayern borgaði 18 milljónir evra
fyrir hann í sumar.
GIUSEPPE ROSSI
Villarreal
Fæddur: 1. febrúar 1987 (24 ára)
Staða á velli: Framherji
Fæddur í New Jersey í Bandaríkjunum,
lék í unglingaliðum Man. Utd og er
orðinn lykilmaður í ítalska landsliðinu.
PHIL JONES
Manchester United
Fæddur: 21. febrúar 1992 (19 ára)
Staða á velli: Miðvörður
Hefur leikið frábærlega með United í
upphafi tímabilsins. Þykir líklegur sem
framtíðarfyrirliði enska landsliðsins.
FÁBIO COENTRÃO
Real Madrid
Fæddur: 11. mars 1988 (23 ára)
Staða á velli: Vinstri bakvörður
Portúgalskur landsliðsmaður sem Real
Madrid borgaði 30 milljónir evra fyrir í
sumar. Getur einnig leikið á kantinum.
PARK CHUYOUNG
Arsenal
Fæddur: 10. júlí 1985 (26 ára)
Staða á velli: Framherji
Fyrirliði landsliðs Suður-Kóreu. Kom frá
Mónakó, þar sem hann skoraði 25
mörk í 91 deildarleik á þremur árum.
JOÃO MOUTINHO
Porto
Fæddur: 8. september 1986 (24 ára)
Staða á velli: Miðjumaður
Leikstjórnandi Porto sem sigraði í
Evrópudeildinni og ofarlega á
óskalista stærstu liða Evrópu.