Fréttablaðið - 13.09.2011, Qupperneq 26

13. SEPTEMBER 2011 ÞRIÐJUDAGUR2 ● fréttablaðið ● meistaradeild evrópu
Argentínski snillingurinn Lionel
Messi hefur verið markahæstur
í Meistara deildinni undan farin
þrjú ár. Hann fær væntan lega
harða samkeppni frá Cristiano
Ronaldo í vetur.
Messi hefur verið óstöðvandi með
Barcelona undanfarin ár og er að
flestra mati besti knattspyrnu-
maður heims um þessar mundir.
Portúgalinn Cristiano Ronaldo hjá
Real Madrid er þó ekki langt undan
og það var gaman að fylgjast með
einvígi þeirra um markakóngs-
titilinn á Spáni síðasta vetur.
Ronaldo sigldi fram úr undir lokin
og hafði betur með 41 mark í 34
deildarleikjum, en Messi skoraði
31 mark í 33 leikjum. Alls skor-
aði Ronaldo 54 mörk í 54 leikjum
í öllum keppnum en Messi skoraði
53 mörk í 55 leikjum í öllum keppn-
um. Raunar eru ekki allir sáttir við
talninguna og telja að Ronaldo hafi
verið gefið eitt mark sem Pepe
skoraði gegn Real Sociedad í deild-
inni.
Það var samt Messi sem hafði
meiri ástæðu til að fagna í vor, enda
sigraði Barcelona bæði í spænsku
deildinni og í Meistara deildinni.
HVOR ER BETRI?
Messi er maðurinn á bak við glæsi-
legan árangur Barcelona á síð-
ustu árum. Hann kom fyrst inn
í lið Börsunga í deildarleik gegn
nágrönnunum í Espanyol í októ-
ber 2004, aðeins 17 ára og 114
daga gamall. Síðan þá hefur leið-
in legið upp á við og hann hefur
fimm sinnum orðið spænsk-
ur meistari og þrisvar sinnum
Evrópu meistari. Hann lék reynd-
ar ekki með í úrslita leiknum gegn
Arsenal árið 2006 en hlaut verð-
launapening þar sem hann lék sex
leiki í keppninni og skoraði eitt
mark. Messi skoraði síðan í báðum
úrslitaleikjunum gegn Manchester
United 2009 og 2011.
Ronaldo hefur einu sinni fagn-
að sigri í Meistaradeildinni en það
var með Manchester United árið
2008. Hann var síðan í liði United
sem tapaði fyrir Barcelona í úrslit-
um 2009 og það reyndist vera síð-
asti leikur hans í treyju United.
Einvígi þessara mögnuðu knatt-
spyrnu kappa mun halda áfram
næstu árin. Þeir hófu þetta tíma-
bil líkt og þeir luku því síðasta.
Ronaldo skoraði þrennu í fyrsta
deildarleik Real Madrid, 6-0 sigri
á Real Zaragoza. Messi svaraði
með tveimur mörkum í 5-0 sigri
Barcelona á Villarreal. Þetta er
bara byrjunin á frábæru fótbolta-
tímabili.
MARKAKÓNGUR MEISTARADEILDARINNAR ÞRJÚ ÁR Í RÖÐ
STÖÐ 2 SPORT SÝNIR ALLA HELSTU LEIKINA FRÁ MEISTARADEILD EVRÓPU OG EVRÓPUDEILDINNI Í VETUR Í BEINNI ÚTSENDINGU
Tímabil Markahæstur Mörk
1992-93 Romário (PSV Eindhoven) 7
1993-94 Ronald Koeman (Barcelona) 8
1993-94 Wynton Rufer (Werder Bremen) 8
1994-95 George Weah (Paris Saint-Germain) 7
1995-96 Jari Litmanen (Ajax) 9
1996-07 Milinko Pantić (Atlético Madrid) 5
1997-98 Alessandro Del Piero (Juventus) 10
1998-99 Andriy Shevchenko (Dynamo Kiev) 8
1998-99 Dwight Yorke (Manchester United) 8
1999-00 Mário Jardel (Porto) 10
1999-00 Rául González (Real Madrid) 10
1999-00 Rivaldo (Barcelona) 10
Tímabil Markahæstur Mörk
2000-01 Rául González (Real Madrid) 7
2001-02 Ruud van Nistelrooy (Man. Utd) 10
2002-03 Ruud van Nistelrooy (Man. Utd) 12
2003-04 Fernando Morientes (Monaco) 9
2004-05 Ruud van Nistelrooy (Man. Utd) 8
2005-06 Andriy Shevchenko (AC Milan) 9
2006-07 Kaká (AC Milan) 10
2007-08 Cristiano Ronaldo (Man. Utd) 8
2008-09 Lionel Messi (Barcelona) 9
2009-10 Lionel Messi Barcelona) 8
2010-11 Lionel Messi Barcelona) 12
MARKAKÓNGAR MEISTARADEILDARINNAR FRÁ UPPHAFI
Tveir leikmenn hafa náð þeim ár-
angri að skora fyrir fimm mis-
munandi lið í Meistaradeildinni.
Þetta eru Argentínumaðurinn
Hernán Crespo og Svíinn Zlatan
Ibrahimovic, sem um tíma léku
saman hjá Internazionale á Ítalíu.
Crespo skoraði tvö mörk í níu
leikjum fyrir Parma (1997–2000),
fimm mörk í 13 leikjum fyrir Lazio
(2000–02), tíu mörk í 15 leikjum
fyrir Inter (2002-03 og 2006-07),
fjögur mörk í 15 leikjum fyrir Chel-
sea (2003–04 og 2005–06) og sex í
tíu leikjum fyrir AC Milan (2004–
05) Ibrahimovic skoraði sex mörk
í 19 leikjum með Ajax (2002–04),
þrjú mörk í 19 leikjum fyrir Juven-
tus (2004–06), sex mörk í 22 leikjum
fyrir Inter (2006-09), fjögur mörk í
10 leikjum fyrir Barcelona (2009–
10) og fjögur mörk í átta leikjum
fyrir AC Milan (2010–11).
Skorað fyrir fimm lið
Messi eða Ronaldo?
Lionel Messi hefur skorað 37 mörk í 57 leikjum með Barcelona í Meistaradeildinni á
undanförnum sjö árum. Hann er bara 24 ára og á eftir að bæta við einn fleiri mörkum.
MYNDIR NORDICPHOTOS/GETTY
Cristiano Ronaldo hefur skorað 29 mörk í 76 Evrópuleikjum með Sporting Lisbon,
Manchester United og Real Madrid.
Lionel Messi
Fullt nafn: Lionel Andrés Messi
Fæddur: 24. júní 1987 (24 ára)
Upphafið: Kom 11 ára til Barcelona frá
Newell’s Old Boys í Argentínu.
Ferill:
2004–2005 Barcelona B 22 6
2004–2011 Barcelona 178 121
Landsleikir: Argentína 60 17
Cristiano Ronaldo
Fullt nafn: Cristiano Ronaldo
dos Santos Aveiro
Fæddur: 5. febrúar 1985 (26 ára)
Verð: £80.000.000 frá Man. Utd.
Ferill:
2001–2003 Sporting 25 3
2003–2009 Man. Utd. 196 84
2009–2011 Real Madrid 64 69
Landsleikir: Portúgal 83 29
Útgefandi: 365 miðlar ehf., Skaftahlíð 24, s. 512 5000
Ritstjórn: Sævar Hreiðarsson, saevar@365.is
Sterkasta deild í heimi, Meistara-
deild Evrópu, hefst á ný í dag
með frábærum leikjum og fram
undan er skemmtilegur fótbolta-
vetur.
Stöð 2 Sport mun sem fyrr sýna
a.m.k. sex leiki frá hverri umferð,
þrjá á þriðjudögum og þrjá á mið-
vikudögum. Evrópudeildin tekur
síðan við á fimmtudögum en þar
eru nokkrir íslenskir leikmenn í
eldlínunni með félögum sínum.
Það eru því fjölmörg ómissandi
fótboltakvöld fram undan fyrir
fótboltaaðdáendur.
Í sumar framlengdi 365 miðlar
samstarf við Knattspyrnu-
samband Evrópu um útsendingar
frá Meistaradeild Evrópu og Evr-
ópudeildinni til ársins 2015.
Ari Edwald, forstjóri 365 miðla,
segir að Meistaradeild Evrópu
sé flottasta sjónvarpsefni sem
völ er á. „Alex Ferguson, stjóri
Manchester United, sagði eitt
sinn að Meistaradeildin væri betri
keppni en HM í fótbolta og það er
hægt að taka undir það. Í Meistara-
deildinni eru bestu leikmennirnir,
bestu liðin, bestu þjálfararnir og
besti fótboltinn. Vinsældir henn-
ar hafa farið vaxandi með hverju
árinu og leikmenn og þjálfarar
telja þátttöku í Meistaradeildinni
til mestu afreka sem hægt er að
áorka í knattspyrnu,” segir Ari.
Íslendingar hafa átt fimm full-
trúa í Meistaradeildinni frá því
hún var sett á laggirnar árið 1992
og sá sjötti bætist við í ár þegar
Kolbeinn Sigþórsson mætir til
leiks með hollenska stórliðinu
Ajax. Leikjum liðsins verða gerð
góð skil í vetur. „Það verður spenn-
andi að fylgjast með Kolbeini og
Ajax í vetur og sjá hann spreyta
sig gegn þeim bestu í heimi,“ segir
Ari og bætir við að Evrópudeildin
sé ekki síður spennandi með öllum
Íslendingunum sem þar leika.
Stöð 2 Sport mun sýna beint frá
öllum helstu leikjunum í deildanna
tveggja og þætti með ítarlegri um-
fjöllun um hverja leikviku.
Besta knattspyrnukeppni í heimi