Morgunn - 01.12.1938, Blaðsíða 89

MORGUNN
213
Þessar upplýsingar, sem nú hafa verið gefnar, vona ég
að komið geti einhverjum að gagni, en mjög er það að
harma, hve margir á meðal spíritista hér eru ólæsir á
enska tungu. Þó er það víst, að á meðal þeirra eru líka
margir, sem hafa nægilega undirstöðuþekkingu í málinu
til þess að geta lesið enskar bókmenntir, ef þeir aðeins
hefðu þolinmæði til þess að klífa upp á örðugasta hjall-
ann. Þá, sem það vilja reyna, vil ég brýna um að nota
ensk-enska orðabók (góð orðabók fæst á kr. 2,40) og þeir
munu sanna, að þá sækist þeim leiðin hálfu fljótara, en
ef þeir hafa aðeins ensk-íslenzka orðabók.
Einar Loftsson.
Conan Doyle sannar sig.
Skrifstofulykill hans fluttur um 40 mílna veg.
Þegar nafnkunnir spíritistar, sem mikið hefir kveðið að,
falla frá, er þess eðlilega vænzt, að þeir hafi áfram sam-
band við vini sína og myndast þá oft um það sögur, sem
sumar eru lítt áreiðanlegar eða studdar nægum sönnun-
um. Svo hefir t. d. verið um Harald Níelsson og Conan
Doyle. En því merkari eru þá sögur, sem bera með sér
fullar sannanir, og þær eru einnig margar. Eftirfarandi
frásögn um Conan Doyle stendur í vikuritinu „Psychic
News“ 25. júní í sumar:
Hér um bil mánuði eftir að Conan Doyle andaðist heyrði
bona, sem var miðill, andarödd segja skýrum rómi: „Ég
er Arthur Conan Doyle. Ég vil að þú komist í samband
við konuna mína og sendir henni skeyti“.
Miðillin, sem var skozk kona, hafði aldrei séð Conan
Éoyle. Hún þekkti ekki konu hans og alls engan af fjöl-
skyldu hans og með því að hún var full af tortryggni og