Útvarpstíðindi - 16.03.1942, Blaðsíða 3

.... Æska og þróttur á að einkenna
kirkju Krists, - hungruð sókn eftir sann-
leikanum, en ekki vonlaus vörn gamalla
erfðakenninga — segir séra Jón Auðuns.
Séra Jón Auðuns hefur nokkra sér-
stöðu meðal íslenzkra kennimanna.
Hann hefur verið fríkirkjuprestur í
Hafnarfirði frá því er hann tók vígslu
1930, auk þess er hann prestur Frjáls-
lynda safnaðarins í Reykjavík, sem
stofnaður var fyrir ári síðan. Mér er
tjáð, að séra Jón hafi kirkjusókn mikla,
ekki aðeins á hátíðum og tyllidögum,
heldur í hvert skipti er hann prédikar,
og fari aðsókn að prédikunum hans
heldur vaxandi. Þetta stingur nokkuð í
stúf við þá skoðun, sem á loft hefur
verið haldið, að á þessum síðustu og
verstu tímum sé fólk fráhverft kirkju
og kristindómi og láti gjörsamlega reka
á reiðanum í andlegum málum. Það er
því með nokkurri forvitni, að ég óska
viðtals við séra Jón Auðuns, til þess að
birta nú í páskahefti Utvarpstíðinda.
Séra Jón býr í Hafnarfirði. Hann er
geðþekkur maður, lipur í viðræðum og
ekki myrkur í máli.
— Eg get verið mjög glaður yfir
þeirri góðu áheyrn, sem ég hef fengið
hjá fjölda fólks, en í því liggur ekki
neinn leyndardómur, segir sr. Jón. Eg
er spiritisti og hef aldrei farið dult með
það. Eg hef auk þess alltaf leitast við
að leysa úrlausnarefni mín í samræmi
við þessa höfuðlífsskoðun mína og það
er þetta, sem safnaðarbörn mín og á-
heyrendur aðhyllast. Spiritisminn er
alltaf að vinna á. Mikill hluti fólksins
er í söfnuðinum af því að presturinn
er spiritisti. Og ég vil að gamni geta
þess, til þess að sýna að fólki er spirit-
isminn alvörumál, að margir áheyrend-
ur mínir eru þeir sömu, sem sóttu
kirkju til séra Haralds, — þeir sitja
jafnvel í sömu sætunum.
Þér komið til að tala við mig um
kirkjuna ? Einn ágætasti og vitrasti af
hennar mönnum nú á tímum, Dr. Em-
erson Fosdick prestur í New York,
sagði eftir síðustu styrjöld, að kirkjan
mundi ekki lifa af aðra heimsstyrjöld,
sá ósigur mundi ríða henni að fullu.
Ég er honum ekki sammála um það.
Ég hef þá trú, að kirkjan muni taka
þeim breytingum, sem hún þarf, til að
geta lifað.
Hverjar breytingar eigið þér við ?
í stuttu viðtali get ég ekki svarað því
til fulls. Kirkjan er nú fyrir löngu kom-
in í varnarstöðu, hætt að vera í sókn.
Það ættum við á þessum hernaðartím-
um að skilja, að er hættuleg aðstaða,
ÚTVARPSTÍÐINDI
231