Bankablaðið - 01.12.1944, Blaðsíða 29
BANKABLAÐIÐ
hús hans megi komast hjá frekari skemmd-
um af völdum hildarleiksins. Mun það
setja mikinrj og fagran svip á I.undúnaborg
í framtíðinni. Mega Englandsbanki og
brezka þjóðin vissulega vera stolt af þess-
um samastað bankans.
Hér er þess eigi kostur að rekja þátt
þeirra manna, sent veitt hafa Englands-
banka forstöðu á hinum ýmsu tímum. Ýms-
ir hinna fyrstu forystumanna bankans urðu
miklir frömuðir stjórnmála og viðskipta á
Bretlandi og Englandsbanki hefur allajafna
Montagu Norman
var bankastjóri Englandsbanka i
ár. Áður hefur enginn gegnt
þvi starfi lengur en 6 ár.
átt því láni að fagna, að til hans hafa ráðizt
mikilhæfir forustumenn, sem hafa í senn
vcrið stórhuga og framtakssamir og for-
sjálir og aðgætnir. — Mun það að sjálf-
sögðu fyrst og fremst forustumönnum og
starfsliði bankans á hverjum tíma að
þakka, hversu bankanum hefur tekizt giftu-
samlega að sigla flevi sínu heilu í höfn af
hafróti liðinna alda. Englandsbanki hefur
41
ekki farið varhluta af erfiðleikum og marg-
víslegunt hættum. Hvarvetna er mótgangi
að mæta, en ef til vill eru sveiflur láns og
óláns hvergi stórfelldari en á vettvangi fjár-
málanna og viðskiptanna. Margar lilið-
stæðar stofnanir og Englandsbanki var í
upphafi, hafa orðið að una hruni á því
tímabili, sem hann hefur starfað. En hann
hefur staðið af sér straum erfiðleikanna og
orðið voldugri eftir sérhvern mótgang. Sá
foruslumanna Englandsbanka, sem kunn-
astur er nútímamönnum utan Bretlands, er
fyrrverandi bankastjóri hans, Montagu
Norman, en hann lét af störfum hinn 18.
apríl síðast liðinn. Núverandi bankastjóri
Englandsbanka er Catto lávarður af Cairn-
catto.
Saga Englandsbanka er saga mikilla
breytinga og straumhvarfa. Hún er saga
tímabils hinnar miklu tækni og vélamenn-
ingar. A þeim tvö hundruð og fimmtíu ár-
um, sem liðin eru frá stofnun hans, liefur
ný öld setzt að völdum og látið áhrifa sinna
gæta með þeim hætti, að lengi mun í minn-
um haft. Englandsbanki hefur verið barn
sinna tíma. Hann hóf starfsemi sína sem
lítil stofnun, er margir spáðu feigð. Hon-
um mættu margir erfiðleikar í öndverðu
og oft og tíðum eftir að honum tók að vaxa
fiskur um hrygg. En þróun hans hefur verið
örugg og markviss. Nú er bankinn, sem
forðum hafði í þjónustu sinni seytján
bankaritara og tvo dyraverði, starfsvett-
vangur fjögurra þúsunda manna. Hann er
voldugasta bankastofnun á Bretlandi og
ein af mestu miðstöðvum fjármála og við-
skipta víðrar veraldar. Slíkur er sá orðstír,
sem hann hefur getið sér, þegar áfanga
tvö hundruð og fimmtíu ára afmælisins
hefur verið náð.
Englandsbanki hefur með margvíslegum
hætti verið forustustofnun fjármála og við-
skipta á Bretlandi. Hann hefur orðið fyrir-