Bankablaðið - 01.12.1977, Blaðsíða 21

Frá Starfsmannafélagi
Sparisjóðs Hafnarfjarðar
Starfsemi starfsmannafélagsins hefur verið
með miklum blóma það sem af er árinu.
í janúar-mánuði bauð Sparisjóðurinn starfs-
mönnum ásamt mökum til leikhúsferðar. Var
farið að sjá „Gullna hliðið“, og að leikriti
loknu var öllum boðið í glæsilegt samkvæmi
á heimili sparisjóðsstjóra.
Starfsmannafélagið hélt árshátíð sína að
þessu sinni í Sjálfstæðishúsinu í Hafnarfirði.
Pátttaka var mjög góð. Þar mættu félagsmenn
með maka og aðra gesti og var mikið um
dýrðir.
Stærsta verkefnið, sem ráðist var í á árinu,
var kaup á sumarbústað í Grímsneshreppi, með
1,5 ha. eignarlands. Félag með ekki fleiri með-
limi en 25, er lítils megnugt, þegar út í slíka
stórframkvæmd er ráðist, og hefði ekki fjár-
hagsleg aðstoð sparisjóðsins komið til, hefði
þessi draumur okkar aldrei ræst. — H. H.
Frá Starfsmannafélagi
Sparisjóðsins í Keflavík
Starfsmannafélag Sparisjóðsins í Keflavík er
ungt félag, ekki eins árs, en það var stofnað
20. janúar 1977 og hefur því ekki merkilega
sögu að baki.
Félagar eru nú tuttugu talsins, en trúlega
fjölgar þeim enn, þar sem Sparisjóðurinn er
að hefja starfsemi í nýju útibúi í Njarðvík.
Eins og gefur að skilja, hefur fjárhagshliðin
háð starfseminni enn sem komið er, en úr
henni rættist núna, er Sparisjóðurinn varð 70
ára, 7. nóv. sl., því þá gáfu forráðamenn
stofnunarinnar okkur sparisjóðsbók með kr.
500.000, sem er mjög rausnarlegt framlag til
félagsins, sem við kunnum vel að meta og
þökkum fyrir.
Aðrar fréttir eru ekki að sinni.
M. A. H. G.
Fréttir úr Iðnaðarbankanum
Félagslíf síðastliðið ár í Iðnaðarbankanum
hefur verið með miklum blóma. Má þar nefna
m. a. árshátíð, jólagleði, spilakvöld o. fl. Gerð
var tilraun til tilbreytingar frá hefðbundnu
skemmtanaformi og haldið hlöðuball í sam-
komusal aðalbanka. Var þar öllu umturnað,
veggir klæddir striga, hólfað í jötur, stíur og
hlöðu. Lýsing var gjörbreytt, og neyttu menn
hefðbundinna íslenskra drykkja, svo sem hæfði
reglulegu sveitaballi. Þótti skemmtunin takast
hið besta og höfðu menn hið mesta gaman af
og hafa komið fram óskir um endurtekningu.
í júní síðastliðnum var langþráðum áfanga
náð í sögu félagsins. Þá voru tekin í notkun
hin nýju sumarhús að Húsafelli, og hafa þau
verið vel nýtt síðan. Rétt þykir að taka fram,
að þar naut starfsmannafélagið mikillar aðstoð-
ar bankaráðs og stjórnar bankans. Þökk sé
þeim. Við vígsluhátíð var farin rútuferð með
þá er mest höfðu unnið við og stuðlað að
byggingu húsanna.
Á árinu opnaði Iðnaðarbankinn nýtt útibú á
Selfossi auk þess sem starfsemi Breiðholtsúti-
bús hefur verið flutt í nýtt og betra húsnæði.
Þar er í kjallara útibúsins fullkomin skjala-
geymsla, sem verður til mikilla bóta fyrir Iðn-
aðarbankann í heild.
Fyrr í haust setti stjórn S. I. á laggirnar
íþróttanefnd til að vinna að heilbrigðismálum
starfsmanna. Hefur nefndin staðið sig með á-
gætum og hefur nú til umráða tvo tíma í viku
hverri sem almenn ánægja er með. Formaður
íþróttanefndar er Ægir E. Hafberg. Nú á næst-
unni verður efnt til samkeppni um merki fé-
lagsins og hefur þegar verið kosin nefnd til
að velja úr besta merkið, sem síðan mun verða
notað fyrir starfsmannafélagið.
Aðalfundur Starfsmannafélagsins var hald-
inn 13. marz 1977.
BANKABLAÐIÐ 21