Árdís - 01.01.1963, Síða 55

Ársrit Bandalags lúterskra kvenna
53
voru á dagskrá. Vinir hans og aðrir málsmetandi menn hvöttu
hann til að gefa kost á sér í ríkisstjórnarkosningunni og var hann
kosinn.
Sem ríkisstjóri New York borgar fýsti hann að kynnast fyrir-
komulagi og rekstri á opinberum stofnunum, svo sem barnaheimil-
um, sjúkrahúsum fyrir lömuð börn, betrunarhúsum og geðveikra-
hælum. Eleanor var ætíð í fylgd með honum á þessum ferðum og
af því hann var fatlaður maður þá varð það hlutverk hennar að
fara inn í þessar stofnanir og sjá og skoða hvernig var farið með
heimilisfólkið — aðhlynningu, hreinlæti og matarhæfi o. s. frv.
Hann vissi að óhætt var að reiða sig á hennar skýrslur. Eftir fjögur
ár sem ríkisstjóri var hann kosinn forseti Bandaríkjanna og fjöl-
skyldan flutti í Hvíta Húsið. Nú víkkaði verkahringur Eleanor.
Iiún varð að gegna ýmsum skyldum sem forseta frú — taka á
móti gestum stjórnarinnar, hafa og sækja heimboð og margt fleira,
en áhugamálum sínum gleymdi hún ekki. Hún gjörðist meðlimur
ýmsra félagssamtaka sem á einhvern hátt voru tengd við þær
hugsjónir sem hún áleit að gætu orðið þjóðinni til blessunar. Hún
vann að því að stofna sjóð til hjálpar börnum sem voru vanrækt
og yfirgefin, og einnig heimili þar sem vinnulausar fátækar stúlkur
gætu haft athvarf á meðan þær væru að leita sér að vinnu. Hún
beitti sér fyrir jafnrétti negra, betri húsakynnum í fátækra-
hverfum borgarinnar og öðrum velferðarmálum.
Á þriðja forseta tímabili Roosevelts sögðu Bandaríkjin Japan,
Þýzkalandi og ítalíu stríð á hendur og innan skamms var Banda-
ríkja herinn kominn á orustuvöll í Evrópu, Asíu og Afríku. For-
setinn og ráðamenn hans óskuðu eftir ábyggilegum fréttum
viðvíkjandi heilsufari, hugarfari og viðurværi hermanna sinna
á Englandi. Þetta var vandasamt verk og hættuleg ferð. For-
setahjónin ræddu og íhuguðu málið vandlega svo var ákveðið
að Eleanor skyldi þiggja heimboð sem hún átti hjá konungshjón-
um Bretlands. Hún hugsaði eigi um hættuna á þessu ferðalagi en
aðeins að geta orðið landi sínu og þjóð að einhverju liði, og á
sama tíma séð einn son sinn sem var við heræfingar á Englandi.
Á Englandi gisti hún í Buckingham Palace, en ferðaðist á meðal
bæði almúgans og fólks af aðalsættum. Hún heimsótti herbúðir
Bandaríkja hersins og talaði við og borðaði með óbreyttum liðs-
mönnum jafnt sem hersforingjum. Hún skoðaði skotfæra og vopna