Árdís - 01.01.1963, Blaðsíða 67

Ársrit Bandalags lúterskra kvenna
65
Rannveig K. G. Sigbjörnsson
1880 — 1963
Það var á síðastliðnum vetri;
þann 16. febrúar að dauða 'þessarar
merkiskonu bar að höndum. Fregn-
in um lát hennar snerti viðkvæma
strengi í hjörtum allra er lesið
höfðu ritverk hennar.
Fundum okkar bar saman aðeins
einu sinni, þegar hún var heiðurs-
gestur á þingi Bandalags Lúterskra
Kvenna. En við höfðum bréfaskifti
um langan tíma, sagði hún mér í
bréfum nokkurn hluta ævisögu
sinnar. Hefur sú ævisaga verið
færð í letur í hinni fögru minn-
ingargrein, skrifuð af dóttir henn-
ar, er birtist í Lögberg-Heims-
kringlu.
Rannveig var mikil trúkona og
starfaði af áhuga og einlægni í
Foam Lake Sask. á starfstíð séra Haraldar Sigmars og síðar er
séra Carl J. Olson þjónaði þar sem prestur. Eftir að Lútersk
starfsemi féll þar niður gerðist hún meðlimur Anglican kirkjunnar
er var starfandi á því svæði, því trúar áhugi hennar knúði hana
til starfa.
Eins og kunnugt er var hún stórvirk að skrifa ritgjörðir af
ýmsu tagi og sögur. Hefur nokkuð af ritverkum hennar komið á
prenti í blöðum og tímaritum bæði hér og á íslandi. Hún virtist
jafnvíg á enska sem íslenzka tungu, stúlkan sem kom frá íslandi
rúmlega tvítug og vann í vistum til að fullkomna þá þekkingu sem
hún hafði hlotið í ensku á íslandi. Einnig var hún óþreytandi að
lesa góðar enskar bækur. Stíllinn á því sem hún skrifaði var
kraftmikill og fagur. Oft fann ég til þess að henni var aldrei sýnd
sú viðurkenning sem hún verðskuldaði.