Morgunblaðið - 10.02.2009, Side 8

8 FréttirINNLENT
MORGUNBLAÐIÐ ÞRIÐJUDAGUR 10. FEBRÚAR 2009
Eftir Baldur Arnarson
baldura@mbl.is
„MAÐURINN minn var reyndar
ekki búinn að missa vinnuna. Hann
var ekki kominn á atvinnuleysisskrá
en það hefði styst í það úr því sem
komið er, því það er að fjara út öll
vinna,“ segir Guðborg Eyjólfsdóttir
bókari um þá ákvörðun eiginmanns
síns, Guðmundar Kristmundssonar,
pípulagningamanns hjá Vatnsafli og
tveggja barna föður, að hefja tíma-
bundið störf í Ósló.
„Það var byrjað að segja upp
mönnum í hans fyrirtæki strax í
október. Við erum með erlend lán og
hugsuðum að ef allt færi til fjandans
myndum við fara úr landi. Svo var
haft samband við vinnuveitanda
hans og hann beðinn að lána tvo
menn til Noregs. Þeir fóru tveir í
morgun [í gærmorgun]. Þeim bjóð-
ast fín laun, fæði og frítt húsnæði.
Mér skilst að ef hann tekur launin
sín út í íslenskum krónum úti fái
hann miklu meira fyrir vinnuna. Ég
held að norska krónan séu 22 ís-
lenskar krónur þarna úti, en um 16
krónur hér.“
Fjölskyldan veit á þessari stundu
ekki hversu lengi Guðmundur mun
þurfa að vera frá fjölskyldunni.
„Ég veit það ekki. Ég vona sem
styst. Maður vonar að þetta ástand
hér fari að lagast og maður geti farið
að lifa þokkalegu lífi.“
Innt eftir þýðingu starfsins fyrir
heimilisbókhaldið segir Guðborg að
það hafi mikið að segja, fjölskyldan
hafi tekið erlend lán til að fjármagna
fasteigna- og bílakaup og því komi
norskar krónur sér vel nú.
„Mikill ágangur Íslendinga“
Fjallað var um straum Íslendinga
í atvinnuleit til Noregs í dagblaðinu
Aftenposten í gær, undir fyrirsögn-
inni „Nýju Pólverjarnir“. „Það er
mikill ágangur Íslendinga sem óska
eftir vinnu í Noregi núna,“ hefur
blaðið eftir ráðgjafa hjá atvinnumiðl-
uninni Nav Eures.
Ræðir blaðið við tvær íslenskar
konur, Ingunni Pétursdóttur og
Guðbjörgu Jónsdóttur, sem hyggj-
ast báðar ráða sig sem flutningabíl-
stjóra í Noregi, eftir að hafa misst
vinnuna í niðursveiflunni í haust.
Bjargar fjárhagnum
 Íslenskur fjölskyldufaðir sækir vinnu til Óslóar  Heima hverja fimmtu viku
 Íslendingar sagðir „nýju Pólverjarnir“ í viðtali í dagblaðinu Aftenposten
Í HNOTSKURN
»Vinnutilhögun Guð-mundar Kristmundssonar
verður þannig að hann starfar
í fjórar vikur og kemur svo í
eina viku heim til Íslands, áður
en hann heldur aftur utan.
»Til að létta undir með Guð-mundi og íslenskum félaga
hans greiðir norska fyrirtækið
25.000 krónur á mánuði upp í
ferðakostnað þeirra.
»Eftirspurn er sögð veraeftir íslenskum iðnaðar-
mönnum í Noregi.
Hjón Guðmundur og Guðborg.
HANN vissi hvar hann átti að leita fanga þessi
bústni þröstur og þess vegna tyllti hann sér á
rekkverk við Bæjarins bestu í Tryggvagötunni.
Þar beið hann hinn rólegasti og hefur vafalaust
fengið eitthvað gott í gogginn áður en yfir lauk.
Þrösturinn eða vorboðinn ljúfi eins og Jónas
kallaði hann er raunar farfugl og flestir leita
þeir suður á bóginn á veturna. Aðrir hafa hér
vetursetu, tilbúnir að fagna vorinu.
Beðið eftir krásinni við Bæjarins bestu
Morgunblaðið/Heiddi
Eftir Andra Karl
andri@mbl.is
BREYTINGAR á reglugerð um ökuferilsskrá og
punktakerfi tóku gildi um síðustu mánaðamót. Lúta þær
einvörðungu að punktakerfinu og eru gerðar nokkrar til-
slakanir. Engin brot eru lengur metin til fjögurra
punkta. Að sögn upplýsingafulltrúa samgöngu-
ráðuneytisins eru breytingarnar m.a. gerðar vegna
gagnrýni á of mikla hörku gagnvart ökumönnum með
bráðabirgðaskírteini.
Í umferðarlögum segir að banna skuli ökumanni með
bráðabirgðaskírteini í fyrsta sinn að aka hafi hann fengið
fjóra punkta samkvæmt punktakerfi vegna umferð-
arlagabrota. Akstursbannið gildir þar til byrjandinn hef-
ur sótt sérstakt námskeið og staðist ökupróf að nýju.
Jóhannes Tómasson, upplýsingafulltrúi samgöngu-
ráðuneytisins, segir það hafa verið gagnrýnt að ungir
ökumenn þurfi að endurtaka ökupróf fyrir að brjóta einu
sinni af sér, s.s. ef þeir aka gegn rauðu ljósi. „Með því að
fækka punktum hafa þeir ökumenn alla vega þennan
séns að gera einhver mistök.“
Guðbrandur Sigurðsson, aðalvarðstjóri umferð-
ardeildar lögreglu höfuðborgarsvæðisins, segir að innan
deildarinnar hafi þessar breytingar verið metnar eðlileg-
ar. Gerðar hafa verið ráðstafanir innan lögreglunnar
vegna breytinganna.
Fyrir að aka gegn rauðu ljósi fær ökumaður tvo
punkta í staða fjögurra. Þá er hámarksfjöldi punkta
vegna hraðaksturs einnig þrír punktar í stað fjögurra.
Tilslökun í punktakerfinu
Morgunblaðið/Júlíus
Tékk Lögregla athugar með ástand ungra ökumanna.
ÁFORM um olíuhreinsistöð í Arn-
arfirði eru í biðstöðu í augnablikinu
vegna óvissu sem skapast hefur vegna
heimskreppunnar,
að sögn Ragnars
Jörundssonar,
bæjarstjóra
Vesturbyggðar.
Eins og fram
hefur komið í
fréttum standa
rússnesk stórfyr-
irtæki að baki
framkvæmdinni
og hefur fyr-
irtækið Íslenskur hátækniiðnaður
komið fram fyrir þeirra hönd á Ís-
landi. Ragnar segir að Vesturbyggð sé
í góðu sambandi við Íslenskan há-
tækniiðnað. Það sé langt í frá að búið
sé að slá áformin út af borðinu. Menn
vilji sjá hvernig heimskreppan þróist
áður en næstu skref verði stigin. Það
sé skiljanlegt, því um sé að ræða fram-
kvæmd sem kosta mun fjóra milljarða
dollara, eða rúmlega 400 milljarða ís-
lenskra króna. Þá hafi það vissulega
haft áhrif hve olíuverð hefur lækkað
mikið á síðustu mánuðum.
Að sögn Ragnars er búið að fram-
kvæma grunnrannsóknir í Hvestudal
og ekkert verði í veginum fyrir því að
setja framkvæmdina í umhverfismat
þegar grænt ljós verður gefið.
sisi@mbl.is
Olíu-
hreinsi-
stöð í bið
Ragnar
Jörundsson
Heimskreppan hefur
áhrif í Hvestudal
KATRÍN Jakobsdóttir mennta-
málaráðherra hefur skipað nýja full-
trúa í stjórn Lánasjóðs íslenskra
námsmanna, LÍN, til næstu tveggja
ára. Er Haraldur Guðni Eiðsson for-
maður stjórnarinnar.
Varamaður Haralds er Halldór
Grönvold. Aðrir í stjórninni eru Auð-
ur Lilja Erlingsdóttir varaformaður,
varamaður hennar er Sæunn Stef-
ánsdóttir; Finnur Friðriksson, vara-
maður hans er Silja Bára Ómars-
dóttir; og Eyja Margrét
Brynjarsdóttir en varamaður henn-
ar er Sigurður Haraldsson.
Áfram sitja í stjórn lánasjóðsins:
Bergur Sigurjónsson, varamaður
hans er Agnar Burgess; Ásgeir Þór-
arinn Ingvarsson, varamaður er
Hjördís Jónsdóttir; Rakel Lind
Hauksdóttir, sem er með Ásu Dóru
Finnbogadóttur sem varamann; og
Sindri Rafn Þrastarson, varamaður
hans er Sindri Snær Einarsson.
Skipuð ný
stjórn LÍN
Sæktu
um núna
á n1.is
-5kr. / -15%