Morgunblaðið - 23.03.2009, Side 8

8 FréttirINNLENT
MORGUNBLAÐIÐ MÁNUDAGUR 23. MARS 2009
Eftir Rúnar Pálmason
runarp@mbl.is
FÉLAG sem var rekið af Brynjólfi
Árnasyni, fyrrverandi sveitarstjóra
Grímseyjarhrepps, krefst þess að
krafa sem Grímseyjarhreppur hefur
uppi gegn félaginu verði lækkuð sök-
um þess að hreppurinn skuldi félag-
inu húsaleigu. Oddviti Grímseyj-
arhrepps segir hins vegar að
leigusamningurinn, sem sveitastjór-
inn fyrrverandi vísar til, sé falsaður.
Eins og kunnugt er var Brynjólfur
fyrir skömmu dæmdur í 18 mánaða
fangelsi fyrir fjárdrátt og umboðs-
svik í starfi og til að greiða hreppn-
um um 14 milljónir króna til baka.
Áður en dómur var kveðinn upp í
fjársvikamálinu höfðaði hreppurinn
einkamál gegn Grímskjörum ehf.
sem var félag um verslunarrekstur
sveitarstjórans og eiginkonu hans í
Grímsey. Þess var krafist að Gríms-
kjör greiddu hreppnum til baka 4,2
milljónir króna sem Brynjólfur tók
úr sveitarsjóði til að greiða fyrir
kaup Grímskjara á fasteign.
Grímskjör svöruðu með því að
krefjast þess að krafa hreppsins yrði
lækkuð verulega sökum þess að
Grímseyjarhreppur skuldaði Gríms-
kjörum húsaleigu. Af hálfu Gríms-
kjara var vísað í samning um að
hreppurinn hefði samið um að greiða
Grímskjörum 250.000 krónur í húsa-
leigu. Þessu hafnaði Garðar Ólason,
oddviti Grímseyjarhrepps, og sagði
að enginn slíkur samningur hefði
verið gerður. Samningurinn væri
falsaður, þar með talin undirritun
hans á skjalinu.
Hækkaði um 100.000 krónur
Í samtali við Morgunblaðið sagði
Garðar að á sínum tíma hefði verið
ákveðið að Grímseyjarhreppur
myndi styðja við verslunarrekstur í
eyjunni með því að greiða félaginu
um 100.000 krónur á mánuði. Í hin-
um falsaða húsaleigusamningi væri
hins vegar kveðið á um að hrepp-
urinn greiddi 200.000 krónur á mán-
uði. Von er á dómi í málinu fljótlega.
Krefst húsa-
leigu út á
„samning“
Morgunblaðið/ÞÖK
Skuldir Sveitarstjórinn var dæmd-
ur til að greiða 14 milljónir króna.
Oddvitinn í Grímsey, Garðar Ólason,
segir að leigusamningurinn sé falsaður
Morgunblaðið/Ómar
Eftir Ingibjörgu B. Sveinsdóttur
ingibjorg@mbl.is
HEIMILT verður að rífa skólastofuálmu Mennta-
skólans við Sund við Gnoðarvog verði deiliskipu-
lagstillaga, sem hægt er að gera athugasemdir við
til 6. apríl næstkomandi, samþykkt.
Í þessari skólaálmu, sem kölluð er Langholt,
voru á sínum tíma yngstu nemendur Vogaskóla.
Nú telja sumir þeirra að menningarverðmæti
glatist verði álman rifin en Einar Sveinsson arki-
tekt og húsameistari Reykjavíkur teiknaði Voga-
skóla um miðja síðustu öld.
Í fundargerð Húsafriðunarnefndar frá 13. febr-
úar síðastliðnum segir að ekki sé lagst gegn fyr-
irliggjandi áformum um breytingar á húsnæði
Menntaskólans við Sund í samræmi við deiliskipu-
lagstillögu og er í því samhengi vísað í húsakönn-
un frá 2004. Jafnframt mælist Húsafriðunarnefnd
til þess að skoðað verði hvort sambærileg skóla-
álma við Breiðagerðisskóla skuli njóta hverfis-
verndar.
Rektor segir skólaálmuna ónýta
Már Vilhjálmsson, rektor Menntaskólans við
Sund, segir ekki bara brýnt að byggja nýtt hús-
næði fyrir skólann, heldur sé fyrrgreind skóla-
álma ónýt. „Það er búið að áætla að verði húsnæð-
inu komið í nothæft ástand og búið að uppfylla öll
skilyrði varðandi heilbrigði og öryggi nemi kostn-
aðurinn um 100 milljónum króna. Samt værum við
með arfaslæmt húsnæði sem ekki uppfyllir kröfur
framhaldsskóla.“
Rektorinn bendir á að Menntaskólinn við Sund
sé 40 ára á þessu ári og hafi alla tíð verið í bráða-
birgðahúsnæði. „Umræður um að byggja yfir
hann eru jafngamlar skólanum. Það er ekki einn
einasti hluti af skólanum hannaður sem fram-
haldsskóli. Skólinn fluttist í áföngum í húsnæði
Vogaskólans og árið 1977 var öll starfsemin komin
hingað. Þá voru gerð eignaskipti milli borgarinnar
og ríkisins og síðan hafa þetta verið byggingar
menntaskólans.“
Að sögn Más býr enginn skóli á landinu fyrir ut-
an Kvennaskólann við jafnþröngan húsakost og
Menntaskólinn við Sund.
„Við erum með innan við helminginn af því hús-
næði sem ætlað er á hvern nemanda í fermetrum
talið. Hér er heldur enginn fjölnotasalur, mötu-
neytið er pínulítið og aðgengi fyrir fatlaða er ekk-
ert. Þetta er spurning um að skólinn lifi af.“
Brýnt að byggja nýtt hús
STJÓRN Marels hefur gert sam-
komulag við Hollendinginn Theo
Hoen um að hann verði forstjóri
sameinaðs fyrirtækis Marel Food
Systems og Stork Food Systems.
Hörður Arnarson, sem gegnt hefur
stöðu forstjóra síðastliðin 10 ár, mun
við þetta tækifæri stíga til hliðar.
Hoen var áður forstjóri Stork Food
System, sem Marel sameinaðist árið
2008.
„Eftir að tvö frábær fyrirtæki,
Marel og Stork, sameinuðust varð
það niðurstaða að stjórnin óskaði eft-
ir því við Theo Hoen, forstjóra Stork
Food Systems, að hann tæki við og
leiddi sameinað fyrirtækið áfram til
aukinnar arðsemi og alþjóðavæð-
ingar,“ segir Árni Oddur Þórðarson
stjórnarformaður. Hann notaði tæki-
færið og þakkaði Herði fyrir fram-
lag hans til árangurs fyrirtækisins á
síðustu árum. andresth@mbl.is
Skipt um
forstjóra hjá
Marel
ÁRMANN Kr.
Ólafsson, alþing-
ismaður, hefur
tekið þá ákvörð-
un að taka ekki
sæti á lista Sjálf-
stæðisflokksins í
Suðvesturkjör-
dæmi í komandi
alþingiskosn-
ingum.
Ármann sóttist
eftir 2.-3. sæti á listanum, en hafn-
aði í því sjöunda.
Ekki verður gefið upp hver tekur
sæti Ármanns fyrr en listinn verður
kynntur í heild sinni á fundi kjör-
dæmaráðs á miðvikudagskvöld.
andresth@mbl.is
Ármann tekur
ekki sæti
Ármann Kr.
Ólafsson
STEINGRÍMUR
J. Sigfússon segir
að lagðir verði
auknir fjármunir
til embættis sér-
staks saksóknara
vegna banka-
hrunsins. Rann-
sóknin verði ekki
látin stranda á
skorti á þeim.
„Það stefnir í að
þetta starf verði umfangsmeira en
áætlanir gerðu ráð fyrir í byrjun og
það kallar á fjárveitingar og þá verð-
ur bara að bregðast við því,“ segir
Steingrímur. Ljóst sé þó að auknar
fjárheimildir verði ekki afgreiddar á
yfirstandandi þingi. „Það eru nægir
fjármunir ætlaðir í þetta til að standa
straum af kostnaði í bili. Það er þá
eitthvað sem menn leiðrétta síðar á
árinu í fjáraukalögum.“ ben@mbl.is
Aukið fé til
saksóknara
Steingrímur J.
Sigfússon
ALÞJÓÐLEGUR dagur Downs-heilkennis var haldinn hátíðlegur í fyrsta
skipti á Íslandi á laugardag. Dagskráin fór fram í Laugardalnum í Reykja-
vík og hófst með göngu um dalinn. Að göngu lokinni var boðið upp á kakó
og kleinur, og nutu gestir samneytisins konunglega. „Það var mjög góð
stemning,“ segir Unnur Helga Óttarsdóttir, formaður félags áhugafólks
um Downs-heilkennið. Hún áætlar að á milli 150-200 manns hafi mætt, þar
af margir aðstandendur. „Aðstandendur [mættu] og hittu þá annað fólk
sem þeir vissu ekki að væru tengdir einhverjum sem er með Downs-
heilkenni,“ segir Unnur. Dagurinn hafi þannig stuðlað að auknum kynn-
um.
Deginum lauk svo með balli í Hlégarði, þar sem Sniglabandið lék fyrir
dansi. Að sögn Unnar standa vonir til þess að hátíðarhöldin verði árviss
viðburður.
Einkunnarorð hátíðarhaldanna hérlendis eru „Hvað er einn litningur á
milli vina?“ og er þar vísað til þess að á meðan flestir hafa 46 litninga í
frumum sínum eru einstaklingar með Downs-heilkenni með þrjú eintök af
litningi númer 21, eða alls 47 litninga. Að sama skapi vísar dagsetning há-
tíðarhaldanna, 21.3., til þessara þriggja eintaka af litningi 21.
Dagur Downs-heilkennis
Morgunblaðið/Golli
Hvað er einn
litningur á milli vina?