Morgunblaðið - 07.05.2009, Blaðsíða 21

Daglegt líf 21ÚR BÆJARLÍFINU
MORGUNBLAÐIÐ FIMMTUDAGUR 7. MAÍ 2009
Kjarnakot, hús Skógræktarfélags
Eyfirðinga í Kjarnaskógi, er í sér-
stöku uppáhaldi hjá norðlenskum
skemmdarvörgum um þessar mund-
ir. Um daginn voru sex rúður brotn-
ar og öll ljós innandyra.
  
Hvers konar fólk stendur í svona?
  
Og hvers konar fólk rífur upp hellu
úr bílastæðinu við Akureyrarkirkju
og hendir inn um steindan glugga?
Er nema von að spurt sé.
  
Ingi frændi minn er fimm ára. Hann
er sagður líkur afa Skapta, langafa
sínum, að mörgu leyti og hefur mikið
fengið að heyra um gamla manninn.
Þetta örleikrit skrifaði sig sjálft í
gær, þegar ég hringdi heim til
Hrannar frænku minnar og Pálma.
„Halló.“
„Sæll, þetta er Skapti. Hvað heitir
þú?“
„Ingi.“
„Sæll frændi. Er pabbi þinn
heima, eða mamma?“
„Bara pabbi.“
„Má ég aðeins tala við hann?“
„Pabbi, það er til þín. Þetta er
Skapti – sem er ekki dáinn.“
  
Páll Stefánsson ljósmyndari heldur
fyrirlestur í Kvosinni í MA í dag kl.
17.15 á vegum Áhugaljósmynd-
araklúbbs Akureyrar. Aðgangur er
ókeypis og öllum opinn.
  
Forráðamenn Iceland Express hafa
ákveðið að bjóða upp á flug tvisvar í
viku í sumar á milli Kaupmanna-
hafnar og Akureyrar.
  
Norðlendingar verða væntanlega á
ferð og flugi í sumar, ef einhver á
peninga, því einu sinni í viku verður
flogið frá Akureyri til Portúgals.
  
Vorsýning nemenda Myndlistaskól-
ans á Akureyri verður um helgina, í
húsnæði skólans, í tilefni þess að 35.
starfsárinu er að ljúka. Sýnd verða
verk nemenda fornámsdeildar, list-
hönnunar- og fagurlistadeilda. Alls
verða 32 nemendur brautskráðir að
þessu sinni.
  
Vegna vinnu við gerð nýrra und-
irganga undir Hörgárbraut við
Skúta verður brautin, þjóðvegur 1,
lokuð milli Hlíðarbrautar og Und-
irhlíðar frá því í dag til 5. júní næst-
komandi.
  
Undirgöngin eru þörf framkvæmd
og löngu tímabær, því fjöldi barna í
Hlíðahverfinu er í Glerárskóla,
handan þjóðvegar 1, og svo hefur
verið lengi. Það er því gríðarlegt ör-
yggismál að þessi göng verði að
veruleika, þó þau hafi verið minna í
umræðunni en mörg önnur …
  
Hjáleið verður um Hlíðarbraut,
Krossanesbraut og Undirhlíð meðan
á framkvæmdum stendur.
  
Sýningin Kalli25 var opnuð í vikunni
í Gallerí Ráðhús, bæjarstjórn-
arsalnum, þar sem sjá má verk
Karls Guðmundssonar. Þau eru unn-
in með olíulitum á bókbandspappa.
  
„Karl er alvarlega mál- og hreyfi-
hamlaður ungur maður sem býr yfir
góðum skilningi. Þrátt fyrir fötlun
sína tekst Kalla að koma til skila
þeirri næmu listrænu tilfinningu
sem býr innra með honum,“ segir
Rósa Kristín Júlíusdóttir í sýning-
arskrá. Hún er myndlistarkona og
kennari en þau Kalli hafa unnið mik-
ið saman.
  
Akureyrarhöfn er hvorki meira né
minna en þriðja besta höfnin í Evr-
ópu, samkvæmt skoðanakönnun sem
gerð var meðal farþega skemmti-
ferðaskipa í eigu Princess Cruises
um þjónustu í höfnum. Vikudagur
sagði frá þessu.
  
Alls voru 34 hafnir í Evrópu nefndar
í könnuninni og aðeins hafnirnar í
Geirangri og Flåm í Noregi fengu
betri útkomu en Akureyrarhöfn.
  
Bæjarstjórinn á Akureyri, Sigrún
Björk Jakobsdóttir, fagnar nið-
urstöðu skoðanakönnunarinnar í
samtali við Vikudag og sömu sögu er
að segja af fólki í ferðaþjónustunni.
  
Bruce Krumrine, aðstoðarforstjóri
ferðasviðs Princess Cruises, sagði í
samtali við Vikudag, að helsta
ástæða fyrir góðri einkunn Akureyri
til handa væri hversu hlýjar og góð-
ar móttökur farþegar fengju frá
bæjarbúum. Einnig nefndi hann úr-
val góðra ferðaþjónustuaðila og fal-
legt umhverfi, ekki síst frá náttúr-
unnar hendi.
AKUREYRI
Skapti Hallgrímsson
Morgunblaðið/Skapti Hallgrímsson
Kalli Karl Guðmundsson við opnun
sýningarinnar í Gallerí Ráðhús í
vikunni. Eitt verkanna í baksýn.
Pétur Stefánsson kastar framvísnagátu og verður svarið
gefið upp í Vísnahorninu á morgun:
Er það fast á einum stað,
en aldrei kjurt.
Allir hafa í sér það
sem um er spurt.
Jónas Hallgrímsson lætur sig
óréttlætið varða á blogginu á
Baggalúti og gaman að heyrist frá
þjóðskáldinu. Nú lætur hann sig
varða „viðvarandi óréttlæti
skemmtanalífsins“:
Vér mótmælum, allir sem einn,
órétti, spillingu, valdi.
Hér kvenmaður næst ekki neinn
nema gegn ást, eður gjaldi.
Þar bloggar einnig Sigurður
Breiðfjörð „agnarlitla valhendu um
ástand heimsins“:
Við ógnum heimsins enginn
býður ærlegt svar
– enda hafa ílengst þar
einkanlega fávitar.
Einnig kom upp úr kafinu á
Baggalúti forn vísa eftir Snorra
Sturluson:
Glitnir hét salur,
hann var gulli studdur
og sjálfumgleði hið sama;
nú þar féhirðar
híma flestan dag
– tæta gögn og gráta.
VÍSNAHORNIÐ pebl@mbl.is
Af Jónasi og Breiðfjörð
Kringlan, sími 533 4533
Smáralind, sími 554 3960
MARINE BIOLOGY COLLECTION
Öflug orkublanda
fyrir líflausa húð
Gerir húðina bjartari
og orkumeiri!
Vertu velkomin
á kynningu í
HYGEA
KRINGLUNNI
í dag fimmtudag 7.
og á morgun
föstudag 8. maí
kl. 13-17
Bjóðum 10%
kynningarafslátt
og fallegan kaupauka
Íslensk verðbréf hf. I Strandgötu 3 I 600 Akureyri
Sími: 460 4700 I iv@iv.is I www.iv.is
Íslensk verðbréf eru sjálfstætt, sérhæft eignastýringarfyrirtæki
sem hefur þjónað einstaklingum og fagfjárfestum í meira en tuttugu ár
og býr að mikilli reynslu og þekkingu á verðbréfamarkaði.
Leitar þú að traustum og óháðum aðila til að ávaxta fjármuni þína?
Kynntu þér málið á iv.is eða talaðu við sérfræðinga okkar í síma 460 4700.
Við stöndum vörð
um fjármuni þína
Fáðu úrslitin
send í símann þinn