Morgunblaðið - 07.05.2009, Blaðsíða 36
36 MenningFÓLK
MORGUNBLAÐIÐ FIMMTUDAGUR 7. MAÍ 2009
Draumalandið, heimildarmynd
Andra Snæs Magnasonar og Þor-
finns Guðnasonar, verður sýnd á
Húsavík í kvöld. Að sýningu lokinni
munu þeir Andri og Þorfinnur
svara spurningum bíógesta og taka
þátt í umræðum. Athyglisvert verð-
ur að sjá hvernig viðtökur myndin,
og ekki síst aðstandendur hennar,
fá á Húsavík og alljóst að umræð-
urnar sem fram munu fara að sýn-
ingunni lokinni verða fjörugar svo
ekki sé dýpra í árinni tekið.
Verður Draumalandinu
vel tekið á Húsavík?
Fólk
Eftir Jóhann Bjarna Kolbeinsson
jbk@mbl.is
EINS og greint var frá í Morgunblaðinu í gær eru
að minnsta kosti sex aðilar með heimildarmyndir
um bankahrunið og kreppuna á Íslandi í bígerð.
Fleiri miðlar verða þó nýttir til að segja þá harm-
sögu sem hér hefur átt sér stað, og sem dæmi má
nefna að um næstu mánaðamót kemur út í Þýska-
landi bók eftir Halldór Guðmundsson og Dag
Gunnarsson sem fjallar um fjármálahrunið. „Við
Dagur Gunnarsson mágur minn skrifuðum litla
bók um Íslendinga í kreppu, að beiðni míns þýska
útgefanda, Btb Random House, sem á sínum tíma
gaf út ævisöguna mína um Laxness,“ segir Hall-
dór og bætir því við að bókin nefnist Öll erum við
Íslendingar eða Wir sind alle Isländer, sem sé
nokkuð táknrænt. „Einmitt í ljósi þess að Þjóð-
verjar stefna í sömu átt og við, þótt skellurinn hafi
ekki verið eins harður og fjármálaþenslan ekki
eins yfirgengileg.“
Í bókinni er þýskum lesendum sagt frá aðdrag-
anda fjármálahrunsins á Íslandi, viðbrögðum
stjórnvalda og almennings og það svo sett í sam-
hengi við íslenska sögu og alþjóðlegan vanda.
„Síðan eru þarna svipmyndir af tíu Íslendingum,
þekktum sem óþekktum, um það hvernig þeir
lentu í kreppunni, hvernig þeir upplifa hana og
hvaða augum þeir líta framtíðina. Dagur hefur
tekið portrettmyndir af þessu góða fólki, og svo
fylgja nokkrar góðar teikningar Halldórs Bald-
urssonar,“ segir Halldór.
„Öll erum við Íslendingar“ í Þýskalandi
Úvarpsþáttur Bubba Morthens,
Færibandið, sem hóf göngu sína á
Rás 2 skömmu eftir bankahrun,
hefur notið mikilla vinsælda meðal
landsmanna og vakið þónokkra at-
hygli. Óljóst hefur verið hvort þátt-
urinn muni halda áfram og þegar
hlustandi spurði Bubba út í það fyr-
ir skömmu vissi hann það meira að
segja ekki sjálfur. Nú hefur hins
vegar verið greint frá því á heima-
síðu Bubba að þátturinn muni halda
áfram göngu sinni í sumar. „Þetta
eru góðar fréttir, ekki aðeins fyrir
okkur aðdáendur Bubba og Rásar
2, heldur alla alþýðu og almenning
þessa lands,“ segir á síðunni. Það er
því ljóst að Bubbi mun halda áfram
að spyrja hina ýmsu framámenn í
þjóðfélaginu spjörunum úr, og
svara misgáfulegum spurningum
og athugasemdum hlustenda.
Færiband Bubba heldur
áfram að rúlla í sumar
Eftir Jóhann Bjarna Kolbeinsson
jbk@mbl.is
„ÞETTA er þróun sem hefur átt sér
stað um allan heim, að aðsókn að
myndum sem eru ekki hrein Holly-
wood-afþreying fer stöðugt minnk-
andi, og ástandið versnar með
hverju árinu sem líður,“ segir Ísleif-
ur Þórhallsson, framkvæmdastjóri
Bíódaga Græna ljóssins, kvik-
myndahátíðar sem lauk á mánudag-
inn. Aðsókn að hátíðinni var langt
undir væntingum, en aðeins um
3.800 manns sáu þær 17 myndir sem
sýndar voru í 17 daga. Þessi slæma
aðsókn kemur sérstaklega mikið á
óvart í ljósi þess að flestar mynd-
anna fengu afar góða dóma, meðal
annars hér í Morgunblaðinu þar sem
engin mynd fékk undir þremur og
hálfri stjörnu. Sem dæmi má nefna
kvikmyndina Gomorra sem fékk
fimm stjörnur, eða fullt hús, en að-
eins 981 sá myndina (sem reyndist
að vísu besta aðsókn á einstaka
mynd á hátíðinni). Þá má nefna ís-
lensku heimildarmyndina Me and
Bobby Fischer sem aðeins 318
manns sáu, sem hlýtur að teljast af-
ar léleg aðsókn á nýja íslenska
mynd.
Smekkur ekki að versna
Aðspurður segist Ísleifur telja að
margir samverkandi þættir skýri
þessa lélegu aðsókn. „Það er nátt-
úrlega mikil samkeppni þegar kem-
ur að afþreyingu. Síðastliðin ár hef-
ur tæknin sprungið út og menn eru
komnir með rosalegar græjur heim
til sín, nánast komnir með bíó heim í
stofu. Þessi hópur sem við erum að
reyna að ná til er orðinn fullorðinn,
kominn með börn og líður af-
skaplega vel heima hjá sér, þannig
að hann bíður bara eftir að þessar
myndir komi á DVD,“ segir Ísleifur.
„En svo hefur niðurhalið mikið að
segja, enda er það að ná nýjum hæð-
um. Nærtækasta dæmið er að það er
hægt að fara inn á einhverja síðu þar
sem búið er að flokka allar mynd-
irnar á hátíðinni saman. Það er nátt-
úrlega rosalegt.“
Ísleifur segist ekki telja að
smekkur fólks á kvikmyndum sé
hreinlega að versna þótt aðsókn á
„hefðbundnar“ Hollywood-myndir
haldist alltaf nokkuð góð.
„Ég held að þetta fólk sé bara að
fullnægja þessum þörfum sínum
annars staðar en í bíóinu. Ég vil ekki
trúa því að smekkurinn sé að versna,
heldur er bíóið kannski bara ekki
lengur staðurinn fyrir þessa upp-
lifun, hún er líklega búin að færast
heim í stofu og í tölvuna.“
Ísleifur segir deginum ljósara að
tap verði af hátíðinni að þessu sinni.
„Við ætlum samt að gefa allar þessar
myndir út á DVD á sama tíma og
höldum í vonina um að líf þeirra sé
ekki alveg búið hér á landi,“ segir
hann. En er þetta þá í síðasta skipti
sem Bíódagar Græna ljóssins eru
haldnir? „Þetta heldur allavega ekki
áfram svona, við þurfum að hugsa
þetta upp á nýtt. Þannig að Græna
ljósið fer í langt sumarfrí, og við
skoðum hvað gerist með haustinu.“
Aðsókn að Bíódögum Græna ljóssins var langt undir væntingum aðstandenda
Aðeins 318 manns sáu íslensku heimildarmyndina Me and Bobby Fischer
Morgunblaðið/Ómar
Hugsjónastarf Ísleifur segir vissulega leiðinlegt að fleiri hafi ekki séð þær frábæru myndir sem voru á dagskrá.
Fáir sáu frábærar myndir
Eftir Arnar Eggert Thoroddsen
arnart@mbl.is
„ÞETTA er búið að vera frekar ró-
legt hjá okkur í dag,“ segir Jónatan
Garðarsson, fararstjóri Evr-
óvisjónhópsins. Hann er á línunni frá
Moskvu. „Jóhanna ákvað að hvíla sig
fyrir átökin á morgun (í dag) en þá er
önnur æfing. Aðrir fóru í bæinn og
skoðuðu Rauða torgið og Kremlarm-
úra. Svo förum við í boð til íslenska
sendiherrans á föstudaginn.“
Jóhanna fann þó tíma til að fara í
rússneska sjónvarpið og segir Jón-
atan að hún hafi heillað starfsmenn
með því að syngja „Is It True?“ á
rússnesku. „Hún skrýddist líka rúss-
neskum búningi og það vakti mikla
lukku!“
Fyrsta svarið er nei
Jónatan er eldri en tvævetur þegar
að keppninni kemur og hefur oftsinn-
is verið í hlutverki fararstjóra. Þegar
hann ber keppnina í Moskvu saman
við þær fyrri segir hann að margt sé
mjög flott – en ýmislegt undarlegt
um leið. „Það vantar ekki metnaðinn
og stórhuginn varðandi alla umgjörð
hérna. En um leið er allt frekar stíft
og allt kostar peninga. Það er enginn
greiðasemi í gangi. Menn eru aðeins
farnir að mýkjast og eru farnir að
segja „kannski“ en þegar við vorum
nýkomin var svarið alltaf nei. Og ef
við spurðum af hverju þá var við-
kvæðið „Af því bara.“ Svo erum við
send hingað og þangað og aftur til
baka. Þetta er eins og atriðið í Little
Britain. „Yeah, but no, but yeah
but …“ (hlær). En þetta hefst á end-
anum, maður þarf bara að vera fastur
fyrir.“
Stórtækir en stífir Rússar
Ljósmynd/Jónatan Garðarsson
Engin stífni hér Hópurinn skellti sér á Eurovisionklúbbinn í gær.
Jónatan Garðarsson, fararstjóri Evróvisjónhópsins, hefur
marga Evróvisjónfjöruna sopið
Aðsókn að nokkrum myndum á
Bíódögum Græna ljóssins og
stjörnugjöf í Morgunblaðinu:
Hunger bbbbn 84
Boy A bbbmn 62
Die Welle bbbmn 473
Young@Heart bbbbn 160
Man on Wire bbbbm 224
Frozen River bbbbm 561
Stjörnur og aðsókn
Pétur Hallgrímsson gítarleikari,
sem hefur meðal annars leikið með
Lay Low á tónleikaferð hennar um
heiminn að undanförnu er kominn
á samning hjá Slogan Music í LA en
samningnum landaði hann eftir
Made in Iceland-ferð ÚTÓNs. Pétur
verður þar höfundur fyrir kvik-
mynda- og auglýsingatónlist í góðu
kompaníi með söngvara Spirituli-
zed og fleiri góðum mönnum.
Pétur Hallgríms landar
samningi í LA