Morgunblaðið - 07.05.2009, Blaðsíða 25
Umræðan 25BRÉF TIL BLAÐSINS
MORGUNBLAÐIÐ FIMMTUDAGUR 7. MAÍ 2009
HÁSKÓLAPRÓFESSOR í Eyja-
firði, Ingi Rúnar Eðvarðsson,
skrifar grein í Morgunblaðið sem
birtist 5. maí sl. undir fyrirsögn-
inni „Atvinnuleysi og ESB“. Leit-
un er að öllu kynlegri samsuðu.
Greinin á að færa lesendum heim
sanninn um að engin hætta sé á
auknu atvinnuleysi hérlendis við
inngöngu í ESB heldur hið gagn-
stæða. „Atvinnuleysi hefur
minnkað innan ESB“ er sér-
staklega undirstrikað í greininni
og að minni ríkin komi ekki verr
út en hin stærri nema síður sé.
Til stuðnings þeirri staðhæf-
ingu birtir prófessorinn töflu þar
sem hann skiptir ESB-ríkjum í
þrjá hópa: Norðurlönd, minni ríki
og stærri ríki. Telur hann sig
sýna fram á „með óyggjandi
hætti“ að ótti við aukið atvinnu-
leysi samfara ESB-aðild sé
ástæðulaus.
Sá galli er m.a. á framsetningu
greinarhöfundar að hann stöðvar
klukku sína við árið 2007. Þannig
verður ljóst að tilgangurinn helg-
ar meðalið. Lítum aðeins á stöð-
una í fámennari ríkjum ESB þar
sem prófessorinn endar sína töflu
(tölur hans 2007 í sviga) og á nú-
verandi atvinnuleysi í apríl 2009
(heimild: Eurostat á heimasíðu
framkvæmdastjórnar ESB).
Norðurlönd í ESB: Danmörk
nú 5,7% (3,4 árið 2007); Finnland
7,6% (6,6); Svíþjóð 8,0% (3,5).
Minni ríki: Eistland 11,1% (4,7);
Írland 10,6% (4,8); Kýpur 4,9%
(3,7); Lettland 16,1% (4,9); Lithá-
en 15,5% (5,4); Malta 6,7% (4,1).
Samkvæmt málflutningi áróð-
ursmanna fyrir aðild Íslands að
ESB snýst Evrópusambandið
öðru fremur um vinnu og velferð.
Atvinnuleysi í þessu fyrirmynd-
arsamfélagi mælist nú að með-
altali 8,9% yfir allt svæðið, jafn-
hátt á evrusvæðinu og utan þess.
Framkvæmdastjórn ESB áætlar
þessa dagana að atvinnuleysið
fari í 11,5% að meðaltali um mitt
næsta ár. – Bakkabræður komust
eitt sinn að því að „botninn er
suður í Borgarfirði“. Mér sýnist
Eyfirðingurinn enn hafa verk að
vinna.
HJÖRLEIFUR
GUTTORMSSON,
náttúrufræðingur.
Botninn er suður í Borgarfirði
Frá Hjörleifi Guttormssyni
ÞEGAR forsætisráðherra og fjár-
málaráðherra tilkynntu trúlofun
vinstriflokkanna fyrir kosningar var
ekki annað að heyra en ráðahag-
urinn væri traustur. Ágreinings-
efnin voru falin til að blekkja kjós-
endur. Eftir kosningar hefur
kærustuparið hamast við að
dásama sigur vinstriafla (fé-
lagshyggjuflokka?) Síðan voru tekin
upp dæmigerð vinnubrögð vinstri-
manna og ágreiningsmálum þeirra
vísað til nefnda, sem falið var að
strauja brúðarkjólinn, en forsætis-
ráðherra boðar nú að það sé a.m.k.
hálfs mánaðar vinna. Aðrar fréttir
eru í véfréttastíl og allt tal um
gagnsæi er nú þagnað.
Á meðan bíður þjóðin, á meðan
bíða atvinnuvegirnir eftir þeim
lausnum sem vinstriflokkarnir
kenna nú Sjálfstæðisflokknum um
að hafa staðið í vegi fyrir að kæm-
ust í framkvæmd. Hafa vinstrimenn
einhver úrræði sem þeir geta sam-
einast um?
Nú heyrist ekkert í hinum sjálf-
skipuðu talsmönnum þjóðarinnar
sem nauðguðu réttarkerfi lýðveld-
isins til að hrekja fyrri ríkisstjórn
frá völdum. Hvar er nú trúbador-
inn? Hann narraði löghlýðna en
vonsvikna borgara niður á Aust-
urvöll til þess að standa við bakið á
skríl sem átti það eitt erindi þangað
að skemmta sér við að valda spjöll-
um á húsi Alþingis og ráðast á lög-
reglumenn að störfum. Hvar er nú
fundarstjórinn úr Háskólabíói?
Hann notaði vinnubrögð einræð-
isherra, þegar hann ákvað hverjir
skyldu hafa málfrelsi á fundunum
og hverjir ekki. Hvar er nú mað-
urinn, sem fór með kassagítar upp
á Arnarhól til að syngja Davíð
Oddsson og samstarfsmenn hans út
úr Seðlabankanum? Hvar er nú
„höfundur“ þjóðarinnar sem réðst
með fádæma ruddaskap að Geir
Haarde, þáverandi forsætisráð-
herra, fyrir utan stjórnarráð lýð-
veldisins?
Lengi má spyrja. Áhyggjur þess-
ara manna vegna vandamála þjóð-
arinnar virðist hafa horfið um leið
og Jóhanna og Steingrímur op-
inberuðu. Voru áhyggjur þeirra af
hag þjóðarinnar ekki raunveruleg-
ar? Hver var raunverulegur hugur
þeirra og hvar eru þeir nú? Ekki
eru þeir flúnir til útlanda með út-
rásarbullunum.
Ekki sé ég eftir þeim en öruggt
er að sá hluti heiðarlegra borgara
sem lét blekkjast þegar hæst var
látið hlýtur nú að hugsa málin.
AXEL KRISTJÁNSSON
lögmaður.
Hvar eru
þeir núna?
Frá Axel Kristjánssyni: