Morgunblaðið - 25.05.2009, Síða 2

2 FréttirINNLENT
MORGUNBLAÐIÐ MÁNUDAGUR 25. MAÍ 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Nær lausn á Icesave-deilu
 Erum nær því að finna lausn á deilu við Hollendinga og Breta vegna Icesave-
reikninganna  Tengja deiluna við lán Íslands frá Alþjóðagjaldeyrissjóðnum
Eftir Þorbjörn Þórðarson
thorbjorn@mbl.is
„ÞAÐ er búið að vinna mjög mikið í þessu máli og
við erum nær því að láta þetta ganga upp núna
heldur en nokkru sinni fyrr,“ segir Steingrímur J.
Sigfússon fjármálaráðherra um lausn á deilu við
hollensk og bresk stjórnvöld vegna Icesave-reikn-
inga Landsbankans.
Steingrímur segir að meðal þeirra lausna sem
samninganefnd íslenska ríkisins, undir forystu
Svavars Gestssonar, hafi athugað sé hvernig nýta
megi tekjur af útlánasafni gamla Landsbankans
með beinum hætti inn í uppgjör á skuldum vegna
Icesave-reikninganna. Steingrímur segir ekki
liggja fyrir á þessari stundu hvað ríkissjóður þurfi
að greiða á endanum. Það velti á því hvaða aðferðir
verði notaðar við uppgjör skuldanna og við hvaða
gengi verði miðað. „Það var nú einhvern tímann tal-
að um hundrað og fimmtíu milljarða gat en seinna
kom fram áætlun sem gerði ráð fyrir sjötíu millj-
örðum. Þetta er háð mikilli óvissu.“
Ekki liggur fyrir hversu mikið fæst fyrir eignir
Landsbankans. Ekki er útilokað að skilanefnd
bankans haldi utan um eignirnar í einhvern tíma,
jafnvel nokkur ár, og selji þær þegar verðmyndun
er hagstæð. Dagana 2.-4. júní munu íslenskir, hol-
lenskir og breskir embættismenn funda vegna Ice-
save-reikninganna og er lögð áhersla á að finna
lausn á málinu þá. Aðspurður hvort Bretar og Hol-
lendingar hafi hótað að leggja stein í götu hugs-
anlegrar aðildar Íslands að ESB og leggja að AGS
að borga ekki afborgun númer tvö af láninu sem ís-
lenska ríkið fékk hjá sjóðnum ef Íslendingar ganga
ekki að kröfum þeirra, segir Steingrímur svo ekki
vera. „Bretar og Hollendingar hafa haft tilhneig-
ingu til þess að tengja þetta saman. Þetta með ESB
er samt nýr orðrómur sem ég hef enga staðfestingu
fengið á,“ segir hann.
Steingrímur segir að sjóðurinn hafni því sjálfur
að samskipti Íslendinga og Breta hafi einhver áhrif
á greiðslur til Íslands. „Það vita samt allir að Bret-
ar, Hollendingar og ESB hafa mikil áhrif í Alþjóða-
gjaldeyrissjóðnum,“ segir hann. Ekki náðist í Svav-
ar Gestsson í gær þrátt fyrir ítrekaðar tilraunir.
Eftir Halldóru Þórsdóttur
halldorath@mbl.is
ÞETTA er hluti af því hvernig menn
bregðast við ástandinu í bílasölu um
allan heim,“ segir Loftur Ágústsson,
markaðsstjóri B&L ehf. og Ingvars
Helgasonar ehf. „Það er þörf á að losa
lagerana og við þessar aðstæður er
ekkert að gera nema lækka verðið til
að örva söluna.“
Í dag munu bifreiðaumboðin B&L
og Ingvar Helgason lækka verð á
tæplega hundrað svokölluðum eftir-
ársbílum. Að sögn Lofts eru það elstu
bílarnir á lagernum, um og yfir árs-
gamlir, allt frá sendibifreiðum til lít-
illa fólksbíla. Bílarnir eru af flestum
þeim gerðum sem umboðin flytja inn,
svo sem Subaru, Nissan, Hyundai,
Land Rover, Isuzu, Renault og Opel.
Í sumum tilfellum er um að ræða
allt að helmingslækkun frá núgild-
andi verðskrá. Loftur bendir á að eft-
ir lækkun muni verðið vera nær því
sem var fyrir efnahagshrunið. Sem
dæmi má nefna að verð á sjálfskiptum
Hyundai Santa Fe, dísil, lækkar úr
6,6 milljónum í tæplega fjórar millj-
ónir króna.
„Að sjálfsögðu verður tap þegar
bílarnir eru seldir svona langt undir
kostnaðarverði. Að öllu jöfnu er ekki
farið í svona aðgerðir en við erum að
reyna að bjarga þeim verðmætum
sem enn eru til staðar,“ segir Loftur.
Hann treystir sér þó ekki til að slá á
neinar upphæðir í þeim efnum.
„Frá því að þessi ósköp dundu yfir
héldum við lengi vel að ástandið, þar
með gengi krónunnar, myndi lagast.“
Ný efnahagsspá bendi hins vegar í
aðra átt. Á síðastliðnum tólf mánuð-
um hafa Ingvar Helgason og B&L
þurft að segja up 145 starfsmönnum
og þeir sem eftir eru hafa tekið á sig
verulega launalækkun.
„Við höfum gert allt sem hægt er
að gera til að halda lífi í fyrirtækinu.
Nú þýðir ekkert annað en að halda
áfram að berjast.“
Lækka verð á bílum
 Hafa leitað allra leiða til að hagræða  Óvíst er hve mikið
tap verður af sölunni  Bílarnir eru flestir eins árs gamlir
Jeppar í Landmannalaugum.
Eftir Halldóru Þórsdóttur
halldorath@mbl.is
FLUGVIRKJAR
og viðsemjendur
þeirra, Samtök
atvinnulífsins,
funda áfram í dag
hjá ríkissátta-
semjara um
kjaramál. Flug-
virkjar hafa boð-
að tímabundið
þriggja daga
verkfall 8.-10.
júní og allsherjarverkfall 22. júní.
Sigurjón Hreiðarsson, sem situr í
samninganefnd Flugvirkjafélags Ís-
lands, segir viðræðurnar í þokkalegu
horfi en erfitt sé að segja til um
hvort niðurstaða fæst í bráð.
Ekki sé verið að krefjast kaup-
hækkana, heldur snúist viðræðurnar
um að tryggja atvinnuöryggi flug-
virkja hjá Icelandair Technical
Services, ITS.
Ljóst er að verkfall flugvirkja nú
kæmi illa við ferðaþjónustu.
„Við eigum ekki annars úrkosti,“
segir Sigurjón. „Það hefur dregist á
langinn að semja, við byrjuðum við-
ræður í janúar [þegar samningurinn
rann út].“
Um er að ræða flugvirkja sem
starfa hjá Icelandair og Flugfélagi
Íslands sem eru 150 til 200 talsins,
en Icelandair er langstærsti vinnu-
staður flugvirkja hér á landi.
Guðjón Arngrímsson, upplýsinga-
fulltrúi Icelandair, segir að unnið sé
að lausn málsins og hefur trú á að
kjaradeilan leysist farsællega.
Tvær vikur
í verkfall
flugvirkja
Flugvirkjar hafa
boðað til verkfalls.
NÍU ára drengur er á gjörgæslu-
deild Landspítala eftir umferðarslys
á uppstigningardag, 21. maí. Hann
er alvarlega slasaður og í önd-
unarvél, að sögn læknis.
Slysið varð rétt fyrir kl. 14 í
Steinási í Garðabæ, sem er botn-
langagata. Samkvæmt upplýsingum
frá lögreglunni á höfuðborgarsvæð-
inu hljóp drengurinn milli tveggja
kyrrstæðra bíla út á götu en varð þá
fyrir bíl. Meiðsl drengsins voru talin
minni háttar í fyrstu, en málið er enn
í rannsókn hjá lögreglu.
Samkvæmt frásögn foreldra
drengsins á Facebook var hann með
alvarlega höfuðáverka og fór í að-
gerð þeirra vegna.
Níu ára alvar-
lega slasaður
Eftir Halldóru Þórsdóttur
halldorath@mbl.is
„HÚN er svo stóísk, ætli það sé ekki
ástæðan fyrir langlífinu. Það er að
minnsta kosti ekki vegna þess að
hún hafi borðað svo mikið heilsu-
fæði, það var bara þessi hefðbundni
íslenski matur, fiskur fimm sinnum
í viku og kjöt tvisvar í viku,“ segir
Torfi Einarsson, sonur Torfhildar
Torfadóttur sem varð 105 ára í
gær. Þegar Morgunblaðið náði tali
af Torfa var hann nýkominn úr
kaffi hjá móður sinni og vinkonu
hennar, sem er hundrað ára.
Torfhildur er elst núlifandi Ís-
lendinga og býr á Dvalarheimilinu
Hlíf á Ísafirði. Hún er fædd í Asp-
arvík í Strandasýslu, yngst ellefu
systkina, og ólst upp í Selárdal í
Steingrímsfirði. Hún giftist Einari
Jóelssyni sjómanni, en hann lést ár-
ið 1981. Þau eignuðust fimm börn
og eru þrjú þeirra á lífi.
Að sögn Torfa er Torfhildur orð-
in sjóndöpur og farin að heyra
minna en áður. Hún sé þó líkamlega
stálhraust og fari gjarnan með syni
sínum í ísbíltúr á Ísafirði.
Systkini Torfhildar náðu flest
háum aldri og að sögn Torfa virðist
sem Strandamenn verði oft eldri en
gengur og gerist. Langlífið í fjöl-
skyldunni hefur svo vakið athygli
vísindamanna hjá Íslenskri erfða-
greiningu, sem hafa fengið blóðsýni
m.a. hjá móður hans og dóttur.
Langlífi gengur í erfðir
Kári Stefánsson, forstjóri Ís-
lenskrar erfðagreiningar, segir að
rannsóknir á langlífi á Íslandi hafi
verið í gangi frá stofnun fyrirtæk-
isins. Sýnt hefur verið að þeir sem
verða langlífir eru skyldari hverjir
öðrum en landsmenn almennt og að
langlífi erfist á mjög einfaldan hátt.
Kári segir að um nokkuð flókið
rannsóknarefni sé að ræða því á
löngu æviskeiði spila æði margir
umhverfisþættir inn í heilsufar og
ævilengd fólks. Enn hafa ekki kom-
ið í ljós greinileg eða afgerandi
mynstur sem gætu gefið til kynna
hverjir verða langlífir. Í ljósi þess
að langlífið er arfgengt hljóti
mynstrið þó að fara nokkuð eftir
landshlutum.
Torfhildur Torfadóttir er elst Íslendinga og varð 105 ára gömul í gær
Alltaf gott
að fá sér
rjómaís
Morgunblaðið/Halldór Sveinbjörnsson
Afmæli Torfhildur hélt upp á daginn ásamt Álfheiði Guðjónsdóttur og fleiri vinkonum á Dvalarheimilinu Hlíf.