Morgunblaðið - 25.05.2009, Page 11
Fréttir 11INNLENT
MORGUNBLAÐIÐ MÁNUDAGUR 25. MAÍ 2009
STELPURNAR í 5. flokki Fjölnis fögnuðu
góðum árangri í Ráðhúsinu á föstudag en
stelpurnar urðu Reykjavíkurmeistarar í a-, b-
og c-liðum. „Þetta er frábær árangur hjá
stelpunum,“ segir Kári Arnórsson, formaður
knattspyrnudeildar Fjölnis. Kjartan Magn-
ússon borgarfulltrúi tók á móti stelpunum og
óskaði þeim til hamingju.
Það var ekki bara 5. flokkur Fjölnis sem
stóð sig vel því 4. flokkur kvenna fékk silfur í
flokki a-liða og þriðji flokkur fékk einnig silf-
ur hjá í a-liðum. Strákarnir í Fjölni stóðu sig
ekki síður vel. 2. flokkur karla varð Reykja-
víkurmeistari hjá a-liðum og b-liðið fékk silf-
ur. 3. flokkur fékk silfur í a og b-liðum. Strák-
arnir í 4. flokki Fjölnis gerðu sér síðan lítið
fyrir og unnu fjórfalt, í a-, b-, c- og d-liðum.
Kári segist þakka þjálfurum Fjölnis árang-
urinn. „Það er stefnan að manna meist-
araflokk karla og kvenna með leikmönnum
sem eru aldir upp hjá félaginu. Við vonum að
sjálfsögðu að þessir leikmenn skili sér upp,“
segir Kári. thorbjorn@mbl.is
Fræknar
boltastelpur
Morgunblaðið/Árni Sæberg
Sigurvegarar Það var glatt á hjalla í Ráðhúsinu þegar stelpurnar í Fjölni voru heiðraðar, en þær eru margfaldir meistarar.
„HEIMILIN eru ekki að biðja um
ölmusu. Heimilin eru að biðja um
leiðréttingu,“ sagði Ólafur Garð-
arsson, stjórnarmaður í Hagsmuna-
samtökum heimilanna, á sérstökum
útifundi á Austurvelli á laugardag-
inn. Tóku fundarmenn vel undir
orð hans.
Hagsmunasamtökin boðuðu til
fundarins í ljósi „þess neyðar-
ástands sem ríkir á Íslandi“ og
mættu um fjögur hundruð manns
að sögn lögreglumanns sem var á
staðnum. Auk Ólafs tóku til máls
Bjarki Steingrímsson, varafor-
maður VR, Sigrún Elsa Smáradótt-
ir borgarfulltrúi og Guðrún Dadda
Ásmundardóttir, stjórnarmaður í
samtökunum. Bjarki tók fyrstur
ræðumanna til máls og fjallaði um
nauðsyn framgangs réttlætisins.
Guðrún Dadda tók síðan við og
ræddi um áhrif atvinnuleysis og
aukinnar greiðslubyrði á heimilin.
Auk þess tróð hljómsveitin Egó upp
með Bubba Morthens fremstan í
flokki og lék nokkur lög fyrir fund-
argesti. thorbjorn@mbl.is
Vilja enga ölmusu,
heldur leiðréttingu
Morgunblaðið/hag
Útifundur Hagsmunasamtök Heim-
illana komu saman á Austurvelli.
Í VOR grisjaði Skógráð ehf. um 1,3
ha svæði í Skorradal. Helmingur
svæðisins hafði aðeins einu sinni
verið grisjaður en hinn helming-
urinn aldrei. Úr grisjuninni fengust
um 200 rúmmetrar af viði.
Í lok apríl var hinn 70 ára gamli
Guttormslundur á Hallormsstað
grisjaður í síðasta sinn. Fella átti
um helming trjánna og munu því
standa eftir rúmlega 300 tré, en
það er hæfilegur fjöldi miðað við
hæð trjánna, sem er tæplega 20
metrar að meðaltali. Eftir grisjun
verður skógurinn bjartari og trén
sem eftir standa fá meira vaxt-
arrými segir á skogur.is
Grisjað í Skorradal
og Guttormslundi