Morgunblaðið - 25.05.2009, Blaðsíða 15

Fréttir 15VIÐAKIPTI | ATVINNULÍF
MORGUNBLAÐIÐ MÁNUDAGUR 25. MAÍ 2009
Stepp ehf Ármúla 32 Sími 533 5060 www.stepp.is stepp@stepp.is
G
ra
fí
k
a
2
0
0
9
GÓLFEFNI ÞEKKING ÞJÓNUSTA
T E P P I Á H E I M I L I Ð
Eftir Bjarna Ólafsson
bjarni@mbl.is
LEIKJAFRAMLEIÐANDINN CCP, sem á
og rekur fjölnotendatölvuleikinn EVE Online,
hefur ákveðið að nýta heimild Seðlabankans til
að gefa út skuldabréf í Bandaríkjadölum gegn
láni í íslenskum krónum. Fleiri fyrirtæki hafa
lýst yfir áhuga á slíkri útgáfu, Marel, Össur og
Norðurál þar á meðal.
Hefur CCP fengið heimild til skuldabréfaú-
gáfu fyrir 2,5 milljarða króna, en til að byrja
með verða bréf að fjárhæð 1,5 milljarðar seld.
MP banki hefur umsjón með útgáfu og sölu
skuldabréfanna.
Árið 2007 gaf CCP út sitt fyrsta skuldabréf
og var féð, sem fékkst við sölu þess, notað til
frekari vöruþróunar. Meðal annars við þróun á
nýjum tölvuleik, World of Darkness. Nýja
skuldabréfaútgáfan verður m.a. notuð til þess
að endurgreiða þetta bréf.
Standa betur af sér kreppuna
Hilmar Veigar Pétursson, forstjóri CCP,
segir að tölvuleikjaframleiðendur eigi mun auð-
veldara með að að standa af sér krepputímabil
en mörg önnur netfyrirtæki, sem mörg hver
eru háð auglýsingatekjum. „Minni líkur eru á
því að fólk skeri niður það sem það eyðir í net-
tölvuleiki en í aðra afþreyingu. Upphæðirnar,
sem um ræðir, eru ekki háar, þá hafa margir
spilarar varið miklum tíma í viðkomandi leik,
hafa mikla ánægju af því að spila hann með vin-
um út um allan heim og eru því ófúsir til að yf-
irgefa hann.“
Á dögunum fékk CCP verðlaun frá evrópsk-
um samtökum fyrirtækja, sem starfa í staf-
rænni fjölmiðlun af ýmsu tagi. Mediamoment-
um tekur á ári hverju saman lista yfir þau
fimmtíu fyrirtæki í þessum geira sem vaxið
hafa hraðast og í ár fékk CCP verðlaunin „Vi-
sion and Future Growth Potential Award.“
Segir í umsögn dómnefndar að CCP hafi nú
gríðarlegt tækifæri til vaxtar haldi fyrirtækið
áfram nýsköpun og viðhaldi stöðu sinni innan
nettölvuleikjageirans.
Markaður fjölnotendatölvuleikja, eða MMO-
leikja, eins og þeir eru gjarnan kallaðir, er
óvenjulegur að mörgu leyti. Hann er í raun
mjög ungur, en fyrsti stóri leikurinn kom út ár-
ið 1997. „Vegna þess að samfélag við aðra spil-
ara er mjög stór hluti af aðdráttarafli slíkra
leikja skiptir fjöldi spilara miklu máli fyrir vel-
gengni leiksins. Þegar leikur hefur náð ákveðnu
marki í fjölda spilara getur verið mjög erfitt
fyrir nýjan leik að bola honum af markaðnum,“
segir Hilmar.
„Hafa ber í huga að þótt allir MMO-leikir séu
venjulega allir settir undir sama hatt, þá er
markaðurinn ekki einsleitur. Langflestir leikir
eru fantasíur sem um margt minna á Hringa-
dróttinssögu. Sú var raunin þegar EVE kom út
og vissum við að á brattann yrði að sækja fær-
um við inn í þann geira. Mun færri leikir eru
hins vegar með vísindaskáldsöguþema, eins og
EVE. Þar erum við nær einráð, en með örfáum
undantekningum er EVE eini MMO-leikurinn
sem gerist í framtíðinni og í geimnum.“ Segir
Hilmar að þetta tvennt, fjöldi EVE-spilara og
sérstaða leiksins, þýði að markaðsstaða hans sé
mjög sterk og verði það um nánustu framtíð.
Eru enn að ráða starfsfólk
Næsti leikur CCP, World of Darkness, segir
Hilmar að muni njóta svipaðrar sérstöðu á
leikjamarkaðnum. Leikurinn sé byggður á
mjög vinsælu hlutverkaspili, sem er í eigu fyr-
irtækisins, en í því leika spilarar hlutverk
vampíra, varúlfa og galdramanna. „Við teljum
að fyrir leik sem þennan sé stór markaður, enda
sýnir velgengni vampíru- og varúlfabóka, -kvik-
mynda og -sjónvarpsþátta að áhuginn er mikill.
Þá hjálpar til að enginn slíkur leikur er til stað-
ar og því stendur enginn annar í veginum.“
Starfsfólki CCP hefur fjölgað á umliðnum ár-
um í takt við auknar vinsældir EVE Online.
Eru starfsmenn nú um 380 talsins í þremur
löndum. „Starfsmönnum mun enn fjölga á
næstunni, en við erum nú að ráða í um 60 stöður
hjá fyrirtækinu og hvetjum við fólk til að sjá
hvað er í boði hjá okkur á Íslandi,“ segir Hilm-
ar.
CCP ríður á vaðið í útgáfu
 Leikjaframleiðandinn CCP mun í fyrstu gefa út nýtt skuldabréf að fjárhæð einn milljarður króna
 Bréfið er gefið út í Bandaríkjadölum, en kaupendur munu greiða fyrir það í íslenskum krónum
Morgunblaðið/Golli
Störf Starfsmenn CCP eru nú um 380 talsins í þremur löndum, en verið er að ráða í 60 stöður.
Morgunblaðið/Valdís Thor
Styrkir Hilmar segir að sérstaða EVE styrki
markaðsstöðu leiksins og þar með CCP.
FRÉTTASKÝRING
Eftir Bjarna Ólafsson
bjarni@mbl.is
INNSTÆÐUTRYGGINGAR hafa
verið í umræðunni allt frá því að
Landsbankinn varð gjaldþrota og ís-
lensk stjórnvöld samþykktu að taka á
sig ábyrgð vegna innstæðna á Ice-
save-reikningum bankans í Bretlandi
og Hollandi.
Í einföldu máli er inntak löggjafar
um innstæðutryggingar það að ríkið
ábyrgist innstæður í öllum bönkum í
viðkomandi landi. Venjulega miðast
tryggingin við ákveðið hámark, en
þetta hámark var þó afnumið í mörg-
um ríkjum eftir að kreppan hófst fyr-
ir alvöru síðasta haust.
Markmiðið er að minnka líkur á því
að eigendur innstæðna í bönkum geri
áhlaup á þá og taki út fé sitt í stórum
stíl. Ef ekki væri fyrir innstæðu-
tryggingar væri hætta á slíku áhlaupi
ef útlit væri fyrir að viðkomandi
banki ætti í vanda. Fáir bankar geta
staðist slík áhlaup og því er löggjöf
um inn-
stæðutryggingar
af mörgum talin
nauðsynleg til að
tryggja stöð-
ugleika í fjármála-
og bankakerfinu.
Freistnivandi
Ekki eru þó all-
ir sannfærðir um
ágæti slíkrar löggjafar og telja að
þvert á móti ýti innstæðutrygging
undir óheppilega eða jafnvel óeðlilega
áhættusækni í bankakerfinu og geti
því valdið meiri óstöðugleika, þegar
til lengri tíma er litið.
Í greininni Moral Hazard and the
Financial Crisis (Freistnivandi og
fjármálakreppan) fjallar breski
hagfræðiprófessorinn Kevin Dowd
meðal annars um óheppilegar afleið-
ingar innstæðutrygginga.
Tekur hann dæmi um tvo ímynd-
aða banka. Annar er íhaldssamur og
varkár í öllu sem hann gerir, en hinn
er áhættusæknari. Á uppgangs-
tímum mun síðarnefndi bankinn að
öllu jöfnu skila meiri hagnaði en hinn
varkári og getur því boðið hærri vexti
á innlánsreikningum sínum. Inn-
stæðueigendur þurfa að bera bank-
ana saman og meta hvort þeir eigi að
leggja meiri áherslu á ávöxtun eða ör-
yggi. Meðan allt leikur í lyndi eru inn-
stæðueigendur hjá áhættusækna
bankanum ánægðir með ávöxtunina
og hluthafar bankans sömuleiðis,
enda skilar hann góðum arði. Þegar
niðursveifla hefst fatast hinum
áhættusækna banka flugið og hann
tapar fé. Varkári bankinn stendur
hins vegar niðursveifluna mun betur
af sér. Ef ríkið ábyrgist ekki inn-
stæður í bönkum er líklegt að inn-
stæðueigendur í áhættusækna bank-
anum taki út fé sitt og flytji yfir í
varkára bankann. Þetta leiðir til þess
að fyrrnefndi bankinn leggst á hliðina
og hluti innstæðueigenda tapar öllu
sínu. Varkára bankanum er hins veg-
ar verðlaunað fyrir ráðdeild sína og
innstæðueigendum hans og hlut-
höfum sömuleiðis.
Áhættusækni verðlaunuð
Ábyrgist ríkið hins vegar inn-
stæður í bönkum þarf áhættusækni
bankinn hins vegar ekki að óttast að
viðskiptavinir hans geri áhlaup á
hann á krepputímum. Innstæðu-
eigendurnir þurfa heldur ekki að hafa
áhyggjur af sparifé sínu og horfa því
eingöngu á ávöxtunina.
Þegar syrtir í álinn sjá inn-
stæðueigendur áhættusækna bank-
ans ekki ástæðu til að taka fé sitt út af
reikningum og bankinn getur haldið
áfram að bjóða hærri vexti en sam-
keppnisaðilinn. Samkeppnisstaða
varkára bankans er því verri en hins
áhættusækna, bæði á uppgangs- og
krepputímum. Eigi hann að þrífast í
samkeppnisumhverfi er mjög líklegt
að hann neyðist til að taka upp hina
áhættusæknu viðskiptahætti and-
stæðingsins.
Með öðrum orðum grefur löggjöf
um innstæðutryggingar undan sam-
keppnisstöðu varkárra bankastofn-
ana. Kerfisbundin áhættusækni
eykst og fjárhagsleg heilsa banka-
kerfisins minnkar.
Þegar haft er í huga að markmiðið
með innstæðutryggingum er, að
hluta til að minnsta kosti, að auka
stöðugleika bankakerfisins vekur
þetta dæmi Dowds spurningar um
hvort löggjöfin þjónar þessu hlut-
verki sínu.
Ríkistrygging á
innstæðum er
freistnivandi
Áhlaup Árið 1911 var gert áhlaup á Nineteenth Ward Bank í New York, en áhlaupum hefur fækkað síðustu áratugi.
Kevin Dowd
Þegar bankar þurfa ekki að hafa
áhyggjur af áhlaupi innstæðueig-
enda er hætta á því að þeir verði
áhættusæknari en ella.
Í hópi fjölnotendatölvuleikja, sem not-
endur greiða mánaðargjald fyrir, er EVE
Online fjórði stærsti leikurinn á Vest-
urlöndum, en á þessu ári hefur notendum
fjölgað um ríflega 20%. Áskrifendur eru
nú yfir 300.000 og af þeim sem byrjuðu
sem áskrifendur þegar leikurinn komi út í
maí 2003 eru 20% enn að spila leikinn,
sex árum síðar.
„Við erum sífellt að bæta við leikinn,
stækka hann og gera hann aðgengilegri
fyrir nýja spilara,“ segir Hilmar. „EVE er
mjög óvenjulegur leikur að því leyti að
spilurum hefur fjölgað á hverju ári frá því
að hann kom út, en venjulega nær fjöldi
spilara svipaðra leikja hámarki fljótlega
eftir að leikirnir koma út og svo fækkar
þeim,“ segir Hilmar.
Í hópi stærstu leikja