Morgunblaðið - 25.05.2009, Blaðsíða 19
19
MORGUNBLAÐIÐ MÁNUDAGUR 25. MAÍ 2009
Uppákoma Það á að tyrfa Lækjartorg um stundarsakir og leggja það síðan nýjum hellum. Félagar í Íslenskri grafík eru hér að taka afþrykk af þeim gömlu.
Ómar
Birgitta Jónsdóttir | 24. maí 2009
Brask í boði ríkisins
Það er margt gruggugt
sem enn á sér stað hjá
ríkisbönkunum. Þar er
enn við völd fólk sem
handstýrði hruninu á
betri launum hjá ríkinu en
sjálfur forsætisráðherra
landsins. Svo heldur braskið áfram í boði
ríkisins, samanber þessi frétt: „Karen
Millen stofnaði samnefnt
fyrirtæki ásamt fyrrum eiginmanni
sínum Kevin Stanford árið 1981. Árið
2001 keyptu íslenskir aðilar og félög á
þeirra vegum 40% hlut í fyrirtækinu Kar-
en Millen. Stærsti íslenski eigandinn var
Kaupþing en meðal annarra fjárfesta
voru þeir Sigurður Bollason og Magnús
Ármann, einn stærsti hluthafinn í Byr.
Árið 2004 var Karen Millen seld til Oasis
Group, sem var í meirihlutaeigu Baugs
Group. Voru viðskiptin metin á 15,8 millj-
arða króna og greitt fyrir Karen Millen
með peningum og hlutabréfum.
Meira: “ birgitta.blog.is
Svanur Gísli Þorkelsson | 24. maí 2009
Sýndar-forsetakosning-
arnar í Íran
Íranar undirbúa forseta-
kosningar sem fara eiga
fram 12. júní nk. Kosning-
arnar eru þær tíundu síð-
an Reza Pahlavi keisara
var steypt af stóli 1979 og
byltingarvarðaráð og
æðstu klerkar tóku við stjórn landsins.
Meira en 100 kandídatar létu skrá sig til
leiks en byltingarvarðaráðið hefur úti-
lokað þá alla nema fjóra. Allir eru þessir
fjórir innanbúðarmenn þannig að þegar
er búið að koma í veg fyrir að hægt sé að
kalla kosningarnar frjálsar.
Meira: svanurg.blog.is
HINN 25. maí 1929
var Sjálfstæðisflokkur-
inn stofnaður með sam-
einingu Íhaldsflokksins
og Frjálslynda flokksins.
Flokkurinn hefur frá
stofnun verið kjölfesta í
íslenskum stjórnmálum
og er langfjölmennasta
stjórnmálahreyfing
landsins. Þar til í nýaf-
stöðnum kosningum
hafði flokkurinn alla tíð verið stærstur
þingflokka á Alþingi, en þess má geta
að eftir alþingiskosningarnar 2007 var
Sjálfstæðisflokkurinn stærstur í öllum
kjördæmum landsins í fyrsta sinn. Frá
stofnun lýðveldisins 1944 hefur Sjálf-
stæðisflokkurinn verið leiðandi afl við
mótun utanríkisstefnu sem hefur skip-
að landinu í hóp vestrænna lýðræðis-
þjóða. Vestræn samvinna sem byggist
á virðingu fyrir sjálfstæði hverrar
þjóðar hefur tryggt frið og lífskjör
betri en áður hafa þekkst.
Grundvallarstefnumál Sjálfstæð-
isflokksins eru fléttuð inn í sjálft nafn
flokksins, sjálfstæði þjóðarinnar og
sjálfstæði einstaklingsins. Styrkur
flokksins hefur byggst á skýrri og ein-
faldri stefnu sem hinn almenni borgari
hefur átt auðvelt með að finna sam-
svörun með. Frá öndverðu hefur
flokkurinn lagt áherslu á atvinnu- og
einstaklingsfrelsi „með hagsmuni allra
stétta fyrir augum“, eins og sagði í
yfirlýsingu stofnfundar.
Atvinnuvegir landsins eru byggðir
upp á grunni sjálfstæðis og frelsis ein-
staklingsins til athafna. Mestu fram-
faraskeið þjóðarinnar hafa orðið þegar
höftum og ríkisafskiptum hefur verið
haldið í lágmarki. Sjálfstæðisflokkur-
inn hefur beitt sér fyrir uppbyggingu
og aukinni framleiðslu í sjávarútvegi,
landbúnaði og iðnaði. Gríðarlegar
framfarir og lífskjarabati hefur fylgt í
kjölfar aukinnar þjóðarframleiðslu.
Menntastofnanir hafa dafnað og
menntun þjóðarinnar er á háu stigi.
Þetta samspil öflugra grunnatvinnu-
vega og hás menntun-
arstigs hefur á síðari
árum fætt af sér verð-
mæt störf í nýjum at-
vinnugreinum og sí-
fellt brjótast fram nýir
sprotar. Heilbrigðis-
mál eru í fremstu röð
og miklum fjármunum
hefur verið varið til fé-
lags- og trygginga-
mála. Bylting hefur
orðið í samgöngu-
málum bæði innan-
lands og til útlanda.
Sjálfstæðisflokkurinn hefur haft
skilning á því alla tíð að aukning þjóð-
arframleiðslu er forsenda fyrir bætt-
um lífskjörum og kraftinn til aukn-
ingar þjóðarframleiðslu verður að
sækja til frumkvæðis þjóðarinnar
sjálfrar. Málefni fjölskyldnanna eru
samofin þessari stefnu, því atvinna er
stærsta velferðarmálið.
Ný forysta Sjálfstæðisflokksins vill
byggja áfram á þeim gildum sem lagt
hafa grunn að breiðri samstöðu lands-
manna með stefnu hans, en virkja um
leið hugmyndir, kraft og þekkingu
nýrra kynslóða til móts við nýja tíma.
Á þessum tímum skulum við láta sögu
Sjálfstæðisflokksins og þjóðarinnar
síðustu 80 árin vera okkur til áminn-
ingar um að í framtíðinni bíða okkar
óteljandi tækifæri. Það er undir okkur
sjálfum komið, þeirri stefnu sem nú
verður mörkuð, hvernig úr þeim ræt-
ist.
Um þessar mundir eru þrengingar í
efnahagslífinu. Orsakanna er að leita í
mörgum samverkandi þáttum og
Sjálfstæðisflokkurinn, sem hefur
gegnt forystu við stjórn landsmála því
sem næst samfellt síðastliðin 18 ár,
hefur ekki skorast undan sinni ábyrgð
á því hvernig komið er.
Við þessar viðkvæmu aðstæður hef-
ur verið mynduð hrein vinstristjórn.
Sú hætta er raunveruleg að hér færist
sífellt meiri starfsemi undir hatt rík-
isins og að stöðugt þrengi að kosti
þeirra sem vilja opið og frjálst sam-
félag þar sem hver og einn getur sótt
fram á eigin forsendum. Það er því
mikilvægara nú en lengi áður að halda
hátt á lofti merki þeirra sem vilja að
hér verði áfram byggt á frjálsu fram-
taki, markaðsbúskap og að opinberum
umsvifum verði sett skynsamleg
mörk. Geta okkar til að standa að öfl-
ugu velferðarkerfi og veita þeim fjöl-
skyldum sem á þurfa að halda stuðn-
ing mun áfram haldast í hendur við
þróttinn í atvinnulífinu og verðmæta-
sköpun í landinu.
Framundan eru krefjandi tímar í
starfi Sjálfstæðisflokksins og sjálf-
stæðisfólk hefur mikið verk að vinna.
Markmiðið er að kraftar flokksins nýt-
ist í þjóðarþágu, að byggt verði á
stefnumálum flokksins til framfara
fyrir alla þjóðina. Við sem skipum for-
ystusveit flokksins hlökkum til sam-
starfs við sjálfstæðisfólk um allt land
um þetta verkefni á afmælisárinu og í
framtíðinni. Með öflugu flokksstarfi og
skýrri stefnu endurheimtir Sjálfstæð-
isflokkurinn það traust sem hann hef-
ur lengst af notið. Ég hvet alla sjálf-
stæðismenn til að taka þátt, leggja
starfi Sjálfstæðisflokksins lið og fylkja
sér að baki stefnu hans á þessum mik-
ilvægu tímum.
Á 80 ára afmælinu ætlar sjálfstæð-
isfólk um allt land að taka til hendinni
og láta gott af sér leiða í þágu um-
hverfisins. Einstök verkefni verða
skipulögð af félögum Sjálfstæðis-
flokksins í landinu og hægt verður að
fylgjast með framvindu verkefnanna á
heimasíðu flokksins.
Ég óska flokksmönnum til ham-
ingju með tímamótin. Verið velkomin í
Valhöll í dag milli kl. 15 og 18 til að
fagna afmælisdegi Sjálfstæðisflokks-
ins.
Eftir Bjarna
Benediktsson »Mestu framfaraskeið
þjóðarinnar hafa
orðið þegar höftum og
ríkisafskiptum hefur
verið haldið í lágmarki.
Bjarni Benediktsson
Höfundur er formaður
Sjálfstæðisflokksins.
Sjálfstæðisflokkurinn í 80 ár
BLOG.IS
Í samstarfsyfirlýs-
ingu ríkisstjórnar
Samfylkingar og
Vinstrihreyfing-
arinnar – græns
framboðs, er yfirlýs-
ing um sértækar að-
gerðir til að jafna
hlutfall kynja „á öll-
um sviðum sam-
félagsins“, sé þess
þörf.
Sértækar aðgerðir eru nú lög-
festar í jafnréttislögum nr. 10/2008,
en svokallaðir kynjakvótar flokkast
undir þær. Slíkar aðgerðir eru
réttlættar með því að í samfélaginu
ríki kerfislægur kynjamismunur og
að jafnrétti verði ekki náð án
þeirra. Þessar hugmyndir gera af-
ar lítið úr konum, sérstaklega jafn-
réttissinnum sem hafa náð gríð-
arlega miklum árangri í þágu
kvenna með áralangri baráttu. Með
þessu hefur jafnréttisbaráttan
villst af leið af braut sem mörkuð
var til jafnréttis og jafnra tæki-
færa.
Nýmynduð ríkisstjórn virðist
hafna því að fólk eigi að komast
áfram á eigin verðleikum, og það
sem verra er: Gengur út frá þeirri
forsendu að konur geti ekki komist
áfram á sínum eigin forsendum og
verðleikum! Það er ekki einungis
röng, heldur niðurlægjandi álykt-
un.
Jafnrétti verður ekki náð nema
með hugarfarsbreytingu. Sam-
félagið er á góðri leið með að leið-
rétta þann mismun sem hefur verið
á stöðu kvenna og er það að miklu
leyti að þakka vitundarvakningu
kvenna, og að sjálfsögðu rétt-
indabaráttu jafnréttissinnaðra
kvenna. Fólk verður að temja sér
þann hugsunarhátt að kvenkynið
sé ekki veikara kynið. Konur þurfa
að hafa trú á sjálfum sér svo aðrir
geti haft trú á þeim.
Málflutningur sem byggist á
hugmyndum eins og nýr rík-
isstjórnarsáttmáli er hindrun á
vegi kvenna sem raunverulega
vilja jafnan rétt kynjanna. Með
þessu plaggi eru konur hvattar til
uppgjafar; baráttan sé fyrirfram
töpuð.
Við höfnum því. Við viljum búa í
samfélagi þar sem kynin njóta
jafnra tækifæra og hafa sömu for-
sendur til að nýta sér þessi tæki-
færi. Við viljum sanna okkur sem
einstaklingar og neitum að láta
einfalda leiðina upp metorðastig-
ann með sértækum aðgerðum, við
þurfum ekki á þeim að halda. Við
viljum vera metnar eftir hæfni,
ekki eftir kyni. Jafnrétti verður
aldrei náð fram með ójafnrétti.
Eftir Diljá Mist
Einarsdóttur
og Sigríði Dís
Guðjónsdóttur
Diljá Mist
Einarsdóttir
» Þessar hugmyndir
gera afar lítið úr
konum, sérstaklega
jafnréttissinnum sem
hafa náð gríðarlega
miklum árangri í þágu
kvenna með áralangri
baráttu.
Höfundar eru nemar
og stjórnarmenn í SUS.
Veikara kynið?
Sigríður Dís
Guðjónsdóttir